Tantara mikasika ny Arabo tamin'ny Marsa, 2011
Syria: Mitohy Miha-Mahazo Vahana ny Hetsi-Panoherana
Ny Alatsinainy 21 Martsa 2011. mitohy ny hetsi-panoherana ao Daraa, any atsimon'i Syria, izay isian'ny tatitra milaza fa mpanao fihetsiketsehana dimy no maty omaly ary iray hafa androany.. Raha ny tati-baovao milaza fa nandoro tranom-panjakana avy eo ireo mpanohitra, ny mponin'ny aterineto sy ireo mafàna fo kosa manamafy fa ny tafi-panjakana no nandoro ireny trano ireny. Mandritra izany, maro ireo ao amin'ny Twitter no manamafy fa i Daraa no mety ho ny Sidi Bouzid an'ny Toniziana.
Maraoka: Diabe nilamina nanerana ny firenena
Nidina an-dalambe isan-kerinandro, tahaka ny Toniziana sy ny Ejipsiana, ny Maraokana ny volana Febroary 2011, mitaky ny hanovana Lalampanorenana sy ny fametrahana rafitra demokratika parlemantera. Nisy ary ny Diabe am-pilaminana notontosaina ny Alahady 20 marsa nanerana ny firenena. Voatatitra tamin'ny alalan'ny aterineto, hita ao amin'ny Twitter, Facebook ary ny Youtube ny isa-minitran'izany diabe izany.
Bahrain: Diary an-dahatsary ny herisetran'ny polisy
Raha mbola mitodika any Libya ny haino aman-jery sy ny fihodin'ny tantara any, dia mamely mafy ny mpanao fihetsiketsehana mitady demokrasia kosa ny ny fitondrana any Bahrain. Dimy no maty ny alarobia raha nanafika ny mpanohitra ny fitondrana izay nivory teo amin'ny tsangambato boriborin'i Pearl (Lulu) ao an-drenivohitra Manama ny...
Arabia Saodita: Nampanantena Volabe Ny Saodiana Ny Mpanjaka
Volabe no nampanantenaina ny Soadiana androany (18 Martsa 2011), taorian'ny teny nataon'ny Mpanjaka Abdulla ho an'ny firenena. Tanatinà teny fohy, ilay Mpanompon'ireo Trano Masina Fivavahana roa dia nisaotra ireo mpisorona, ny mpanoratra ary ny Ministeran'ny Atitany noho ny ezaka nataon'izy ireo hiarovana ny fanjakana. Filazàna sy didim-panjakana avy eo no nanaraka fa hoe volabe an-davitrisa no hatondraka ho an'ny Saodiana.
Syria: Fihetsiketsehana manerana ny firenena, 6 ireo namoy ny ainy tao Dara'a
Syria indray no firenena farany isiana fihetsiketsehana lehibe manerana an'i Afovoany Atsinanana (Moyen Orient). Raha tsy nahomby ny fiantsona hihetsika tamin'ny 5 febroary teo, dia nahavory vahoaka an-jatony maro avy amin'ireo tanàna marobe kosa ny fiantsona indray hidina an-dalambe ny 14 martsa, tao anatin'izany ny renivohitra, Damascus sy Aleppo. Raha...
Bahrain : Tsy hita i Ali Abdulemam
Vao avy nandray vaovao mampalahelo avy amin'ny fikambanana miaro ny zon'olombelona Bahrainita izahay fa: tsy hita i Ali namanay sy mpiara-miasa aminay. Ali Abdulemam, bilaogera fitaratra sy mpanoratra ao amin'ny Global Voices Advocacy, dia nogadraina ny 4 septambre 2010, ary noafahana ny 23 febroary 2011, rehefa nanome baiko hanafahana ireo andiana gadra...
Bahrain: Nambara ny tsy fahazoana mivezivezy sy fandevenana manamboninahitra
Alarobia tolakandro, fanambarana fahaefatra nolazain'ny Tafika Bahrain fa hampiharina ny tsy fahazoana mivoaka amin'ny alina mandrapisian'ny fanambarana manaraka. Maro ny nanatrika ny fandevenana polisy maty nandritra ny fotoam-piasany.
Bahrain: Nambara ny Fepetra Amin'ny Tany Latsaka an-katerena
Ny Talata 15 Martsa 2011, izay iray volana taorian'ny fiatombohan'ny fanoherana izay nitranga tao amin’ny Manama renivohitry Bahrain ny 14 Febroary, dia nanambara ny Mpanjaka Hamad bin Isa Al-Khalifa fa hametraka Lalana momba ny Filaminam-pirenena, izay hanome fahefana feno ny tafika mba hiaro ny firenena.
Bahrain: Famoretana Tanaty Rà Mandriaka Hatrany an-Tanàna
Tamin'ny Talata, talohan'ny nanambaràn'ny Mpanjaka Hamad bin Isa Al-Khalifa ny Lalàna momba ny Filaminam-pirenena manome fahefana ny tafika sy ny hery hafa haintoka ny filaminan'ny firenena, ny polisy hanao herisetra sy faneriterena eran'ny tanàna maro ao amin'ny faritra afovoan'i Bahrain.
