Tantara mikasika ny Arabo tamin'ny Jona, 2011
Ejipta: Mipoaka Ny Hatezerana ao Tahrir
Nirefotra indray ny kidraka tao amin'ny kianja Tahrir, ivon'ny hetsi-panovàna Ejiptiana, ny alina teo (28 Jona) ary niitatra hatramin'ny anio (29 Jona). Kaonty maro samihafa no miely any anaty aterineto mikasika ny zavatra tena nitranga marina sy ny fomba nitsimbadihan'ny hetsika, ireny rehetra ireny izay nifanandrinan'ny fianakavian'ireo maritiora maty nandritra ny hetsi-panoherana - sy ny antson'izy ireo hisian'ny rariny, ny mpanao hetsi-panoherana, ny jiolahim-boto sy mpanakorontana niaraka tamin'ny polisy. Ny tatitra dia milaza fisianà baomba mandatsa-dranomaso nalefa tany amin'ireo mpanao fihetsiketsehana, ary ny mpanao fihetsiketsehana (na jiolahim-boto) namaly tamin'ny alalan'ny tora-bato sy cocktails Molotov - tsy dia voatery loatra ho toy izay ny fandehany.
Siria: Revolisionan'ny Black Comedy
Black comedy dia iray amin'ireo fomba iresahana ny tranga mampihetsi-po. Izay niseho vao haingana tao Siria, nisian'ny rà nandriaka no sady nahaketraka ny maro, dia nitondra ihany koa tamin'ny firongatry ny bilaogy, ny pejy facebook ary ny lahatsoratra izay niezaka nanaraby ny zava-nisy, ary nampahafantatra sy nanasongadina ireo fanambarana ofisialy somary adaladala-izay indraindray toa mivaona tanteraka.
Syria: “Manohana an'i Bashar izahay Koa Aza Helingelenin'izao Tontolo Izao”
Halan'ny olona rehetra i Bashar El-Assad. Halan'ny lehilahySyriana izy. Halan'ny vehivavy Syriana izy. Na dia ny lehilahy zavoto Amerikana mahita azy ho toy ny vehivavy Syriana mitia vehivavy aza, dia mankahala azy ihany koa. Kanefa, marina tokoa ve fa tsy mankahala azy mafy toy izany ny Syriana sasantsany araka ny fihevitsika?...
Syria: Sainam-pirenena mirefy 2.3km Tamin'ny Fihetsiketsehan'ireo Mpomba Ny Fitondràna Tao Damaskaosy
Nanao fifamoriana ho fanohànana ny filoha Bashar Al Assad ireo Siriana mpanohana azy ny 15 Jona, nitondra sainam-pirenena mirefy 2.3 km tao Mezzeh, renivohitr'i Damaskaosy, sady niventy ny hoe "Mila an'i Al Assad ny Vahoaka.” Eto ny fanehoan-kevitra avy amin'ireo tambajotra sosialy.
Syria: Voajirika Ny Vohikalan'ny Masoivoho Frantsay
Ny Sabotsy 25 Jona hatramin'ny 3 ora hariva (GMT) raha kely indrindra, dia toa sahala amin'ny voajirika ny vohikalan'ny masoivoho Frantsay ao Syria: na iza na iza nitsidika ny vohikalan'ny masoivoho Frantsay dia nanpidirina avy hatrany tamin'ity vohikala iray hafa ity (http://th3pro.pro/fr/)
Arabia Saodita: Vehivavy Eo Aorian'ny Familiana
Vehivavy Saodiana maro omaly no nandray ny familiana tao Arabia Saodita mba hankahatra ny fandraràna azy ireo tsy hitondra fiara. Natao tamin'ny Facebook ny fanetanana, ary namafisin'ireo resaka ifanakalozana tamin'ny fampahalalam-baovao ara-tsosialy hafa, toy ny vohikala fanaovana bilaogy kiritika Twitter.
Koety: Hetsi-panoherana Enti-manohitra Ny Praiminisitra
Nanao fihetsiketsehana ireo Koetiana ny Zoma teo ka nitaky ny fialàn'ny Praiminisitra Sheikh Nasser Al-Mohammed Al-Sabah eo amin'ny governemanta. Mamintina ny fihetseham-pon'ireo Koetiana mpampiasa aterineto amin'ny fanohizana ny hetsi-panoheran'ny Zoman'ny Hatezerana any amin'ny fireneny i Mona Kareem.
Syria: Mitohy Ny Famoretana Na Eo Aza Ny Antso Iraisam-pirenena
Mitohy ny hetsi-panoherana manerana an'i Syria, ary tsy mampiseho fihetsika hilefitra ho fampiatoana ny herisetram-pamoretana ataony mihitsy ny fitondràna Siriana na eo aza ireo antso avy amin'izao tontolo izao.. Maneho hevitra ao amin'ny Twitter ireo mponin'i aterineto momba ireo fivoaran-draharaha faramparany.
Ejipta: Fisokafan'ny vavahady ifandraisan'i Rafah sy Gaza
Nanokatra ny toerana fandalovana ao Rafah mankany amin'i faritr'i Gaza i Ejipta androany, mamela ny olona hivezivezy malalaka any Ejipta indray tato anatin'i efatra taona lasa. Ny sisintany, izay vavahady lehiben'i Gaza mankany amin'ny tontolo ivelany, dia nosokafana tsindraindray nandritra ny fitondran'ilay filoha Ejiptiana teo aloha Hosni Mubarak. Ity manaraka ity dia fihetseham-po vitsivitsy avy ao amin'ny Twitter momba ity fivoarana faramparany ity.
Koety: Mpampiasa Twitter Shiita Voasambotra
Nasser Abul , tovolahy Shiita, avy ao Koety, nosamborina, araka ny fantatra, noho ny nandefany Tweet tao amin'ny vohikala fitorahana bilaogy kiritika, Twitter. Ity no fihazonana mpampiasa Twitter voalohany noho ny tweet nalefany teto amin'ny firenena. Nahatonga fisavorovorona tao amin'ny Twitter izany fisamborana izany, ka betsaka ireo nitaky ny famotsorana Azy.