Tantara mikasika ny Lahatsary tamin'ny Jona, 2012
Arabia Saodita: Tolona Hanavotana Ireo Gadra Notànana Tsy Nisy Fitsaràna
Inoana ny fanjakàn'i Arabia Saodita fa manana gadra an'arivony izay tsy navela niatrika fitsaràna ary maro amin'izy ireo no tsy mahalala akory ny antony nanamelohana azy. Niasa mafy ny fianakavian'ireo gadra ireo nandritra ny volana vitsy farany teo, tamin'ny alalan'ny fampitam-baovao sosialy, mba hampitàna ny vaovao ary farany dia nanapa-kevitra ny hanao fitakiana an-dalàm-be. Mona Kareem dia mitatitra ny niandohan'ny tolona iray tamin'ny Twitter.
Ny Fivoaran'ny Fiahiana Ara-tsosialy Aty Afrika
Mbola an-dàlana tanteraka ny fametrahana rafitra fiahiana ara-tsosialy ho an'ny ankamaroan'ny firenena aty Afrika. Samy nifidy rafitra iray manokana mifanaraka amin'ny kolotsainy ny governemanta afrikana tsirairay, izay azo lazaina ho nahomby amin'ny ampahany ihany, saingy ny rehetra dia miara-mahatsapa ny filàna ny fiarovana, na faran'izay kely aza, ho an'ireo tena mponina marefo ao aminy. Resahan'ireo manampahaizana manokana amin'izany ny vokatra azon'ireo rafitra efa napetrakaho fiahiana ny ara-tsosialy ao Afrika :
Korea Atsimo: Nohamafisin'ny Fitsarana ny Didy Fandraràna Boky “Manakorontana” Eo Amin'ny Tafika
Nankatoavin'ny fitsarana ny fandraràn'ny minisiteran'ny Fiarovana mikasika ny fivezivezen'ny boky ao amin'ny tafika, boky voalaza fa “manakorontana”, izay miteraka tahotra eo amin'ireo Koreana ny amin'ny fahafahan'izy ireo maneho hevitra. Tsy noraisin'ny Fitsaran'ny Distrika afovoany ao Seoul ny fitoriana nataon'ny mpanoratra sy ny tranom-pirinty namoaka ireo boky nosokajian'ny minisiteran'ny Fiarovana ho “manakorontana”...
Arabia Saodita: “Avohay Ny Voatazona Na Ho Ento Eny Amin'ny Fitsarana!”
Nanatontosa fihetsiketsehana tao anatin'ny tsenambarotra lehibe roa ao andrenivohitra Rayadh tamin'ny alina lasa teo (6 Jiona 2012) ny fianakavin'ireo gadra politika Saodiana mba hitaky amin'ny governemanta hamoaka ireo havany na hitondra azy ireo eny amin'ny fitsarana . Tao amin'ny tsenambarotra lehibe Sahara sy Hayat no natao ny fihetsiketsehana, iray amin'ireo faritra...
Nanomboka Ny Fitokonany “Maina” Tsy Hihinan-kanina Ilay Bilaogera Iraniana Voafonja
Manana endrika vaovao indray ny tantara mampalahelon'ireo bilaogera Iraniana tato ho ato : Hossein Ronaghi Maleki,ilay bilaogera nanefa sazy 15-taona an-tranomaizina. Tao anaty fitokonana tsy hisakafo nanomboka ny volana May i Hossein, ary ankehitriny nijanona tsy misotro rano koa izy.
Shina: Avela Heloka Ny Mpandripaka Olona Tao Tiananmen?
Nandritra ny fotoana fiareta-tory fanao isan-taona tamin'ny 4 Jona 2012 tao Hong Kong no nanoratan'ilay mpitarika mpianatra teo aloha Chai Ling tao amin'ny Huffington Post fa efa navelany ny heloky ny mpamono olona nandritra ny fandripahana. Tsy manaiky izany ijoroan'i Chai Ling izany ny mpitarika mpianatra iray hafa Wang Dan ka namoaka fanambarana ampahibemaso izay niteraka adi-hevitra.
Kenya : Mahazo Laka Ny Fambolena Eny Andrenivohitra
Ao Kenya, mianatra teknika maro momba ny fambolena sakafo hivelomana sy hamidy ireo mponina, eny fa na dia eny amin'ny toeram-pambolena tery aza. Ho an'ireo olona tsy ampy fidiram-bola na tsy misy mihitsy, ny fambolena any andrenivohitra no mety ho lakilen'ny antoka ara-tsakafony. Ireto lahatsary manaraka ireto dia mampiseho ny fambolena anaty tavy ary mampiasa toerana sy fahafaha-manao voafetra.