Tantara mikasika ny Lahatsary tamin'ny Janoary, 2011
RD Kongo : Fahatsiarovana mangingina ny faha-50 taona namonoana an'i Patrice Lumumba
Nanamarika ny faha-50 taona namonoana an'i Patrice Lumumba, Praiminisitra voafidy voalohany any amin'ny Repoblika Demokratikan'i Kongo (RDC) nantsoina hoe Zaïre teo aloha, ny 17 Janoary. Rehefa tonga teo amin'ny fitondrana i Laurent Désiré Kabila tamin'ny 1997 no lasa andro tsy fiasana teo amin'ny firenena io daty manantantara io. Ny nahatsakaiky tamin'ity...
Madagasikara : Mba azonao atao sariitatra koa ve ny fanaovan-gajety?
Ny mpiblaogy Bunmi (monina any Etazonia) no mitatitra fa i ‘Madagascar’ izay sangan'asan'i Bastien Dubois dia isan'ireo lahatsaritatra voafantina hifaninana amin'ny Oscar 2011, taranja sariitatra fohy (ndlr. fifaninanana sarimihetsika vovònana izay tanterahina isan-taona any Amerika).
Ejipta: Fanoherana an-dahatsary ny 25 Janoary
Nidina an-dalamben'i Kairo sy ny tanàna Ejipsiana maro hafa ny mpanao fihetsiketsehana ny talata 25 janoary teo izay andro tsy niasana, “Andron'ny Polisy”, hanoherana ny 30 taona nitondran'olo-tokana nanjakan'ny Filoha Muhammad Hosni Mubarak. Maro amin'ny mpitazana no nahatsikaritra ny fahabangan'ny tatitra ataon'ny gazety be mpanaraka, saingy nanangona andian-dahatsary ao amin'ny Youtube kosa ny olo-tsotra.
Afghanistan: Hetsi-panoherana tao Kabul manohitra ny governemanta Iraniana
Nanao fihetsiketsehana teo ivelan'ny masoivoho Iraniana tao Kabul ireo Afgana mpanohitra tamin'ny Alakamisy, Afghanistan manohitra ny antsojay mahazo ny Afgana mpifindra monina sy mpialokaloka any Iran, ary koa manohitra ny ankivy ara-tsolika avy any Iran mahazo an'i Afghanistan amin'izao fotoana izao.
Video: Ireo mpanao kiraro erantany
Ireo horonantsary androany dia mifantoka amin'ireo mpanao asa tanana maneran'tany mbola manao kiraro amin'ny tanana. Avy any Mexika hatrany Japana: handinika ny fomba fanamboarana ireo kiraro, kiraro iva sy kapa.
Frantsa: Ilay akamanay taloha manahirana, Monsieur Ben Ali
Nipoitra ihany. Mahatsapa ny fanaovana mody fanina ao anatin'ny fotoana maharitra ataon'ny mpanao politika frantsay sy ny gazety mahazatra, noho ny fifankatiavana naharitra ampolony taona maro (teo amin'i Frantsa sy) teo amin'ny fitondrana Ben Ali ny mpamaham-bolongana frantsay sy ny mpisioka an-tserasera - ka hametraka tantara ho an'ny iray amin'ny zanatany Frantsay teo aloha, Tonizia, sy ho an'ny herinandro manantantaran'ny fahadisoana diplaomatika sy ny fanginana mahamenatra tany Frantsa.
Kamerona: Ireo mpamorona sy mpanamboatra
Ny famoronana, ny fahaiza-mamorona sy ny fitantanana dia mihetsiketsika any Kamerona araka ny hitantsika ao amin'ireo horonantsary manaraka mampiseho ireo mpanefy vy eo am-piasana, tranona finday sy solosaina finday vita avy amina bararata sy asa tanana fampikotrehana atody.
Zeorzia: Polisy noroahina taorian'ny nahafantarana azy tamin'ny Facebook
Taorian'ny hery tafaohatra nataon'ny polisy hanimbana ny fihetsiketsehana tany Tbilisi, Zeorzia, maro ny mpampiasa Facebook no nampiasa ny tranonkala hamantarana ireo tompon'andraikitra.
Tonizia: “Azafady mba ambarao an'izao tontolo izao fa miala aina i Kasserine!”
Miasa andro aman'alina ireo Toniziana mponin'ny aterineto mba hampiseho amin'izao tontolo izao ny vonomoka mitranga ao amin'ny firenen-dry zareo. Ny zavatra izay nanonboka tamin'ny endrika fanoherana ny tsy fisian'asa raha nandoro ny tenany ny Toniziana iray vao 26 taona tao Sidi Bouzid tamin'ny volana lasa dia nandrehitra sy nampihanaka onjam-panoherana nanerana ny firenena iray manontolo. Ireto manaraka ireo ny fanehon-kevitra sasantsasany vao maraina be androany.
Tonizia : “tsy matahotra intsony izahay!”
Mihamanatona ny faran' ny taona fa any Tonizia kosa dia mikorontana noho ny firohotana ara-tsosialy izay heverin'ny mpitoraka bilaogy maro fa hitondra fiovana lehibe eo amin'ny firenena. Noho ny fanivanana ny aterineto sy ny haino aman-jery Toniziana, dia fahazarana ny mampahafantatra sy mikarakara ny fanoherana mandritra ny 13 andro amin'izao fotoana izao amin'ny fampiasana ny tenifototra #SidiBouzid. Fanontaniana iray anefa no mipetraka: Fa maninona ny fanoherana any Tonizia no tsy manako toy ny fanoherana tany Iran? Fanampian'izany, fa maninona no resahina foana ny fanivanana any Sina ankehitriny nefa ny daroka ataon'ny polisim-panjakana any Tonizia tsy mba lazaina?