Tantara mikasika ny Lahatsary tamin'ny Oktobra, 2017
Goyana: Fitantarana Hafa Tamin'izay Zava-nitranga Nandritra ny Fampisehoan'i Akon
Niteraka resabe tao amin'ny tontolon'ny bilaogy Goyaney ny herinandro lasa teo, ny lahatsary iray nahitana ilay mpihira hip-hop Akon nidaroka tanora tovovavy mpankafy iray nandritra ny fihetsika tao anaty vahoaka tamin'ny fampisehoana Carifesta tao Goyana .
Iran: Fipoahana Mifono Mistery Tao Amin'ny Moskea
Tao atsimon'i Iran, nisy fipoahana tao amin'ny moske iray tao an-tanànan'i Shiraz, izay nahafatesana olona 12 raha kely indrindra ary naratra teo amin'ny 200 tamin'ny 12 Aprily. Nanambara ny tranokalam-baovao tsy tena ofisialy an'ny governemanta, Fars, fa noho ny baomba no nahatonga ny fipoahana.
Iran: Misaona An'ireo Namoy ny Ainy Tamin'ny Fihetsiketsehana
Iraniana an'arivony no nivory tao amin'ny fasana iombonana Behesht Zahra tany Teheran tamin'ny Alakamisy mba hahatsiaro an'i Neda Agha-Soltani sy ireo niharam-boina tamin'ny hetsi-panoherana. Am-polony ireo namoy ny ainy ary an-jatony no nogadraina nandritra ny hetsi-panoherana nanomboka tamin'ny fifidianana filoham-pirenena tamin'ny volana Jona.
Iran: Firenen'Ny Bilaogera
Noforonin'ireo mpianatra tao amin'ny Sekolin'ny Fianarana Horonan-tsarimihetsika Vancouver (VFS) ny lahatsary fohy eto ambany, "Iran: Firenen'ny bilaogera". Namorona ity lahatsary ity ho ampahan'ny asan'izy ireo hanaovana ny programa Famoronana Nomerika VFS i Aaron Chiesa, Toru Kageyama, Hendy Sukarya sy Lisa Temes.
Però: Inona No Mamono Ireo ‘Feso’ Ao Amorontsiraka Avaratra?
Nitarika korontana ny vaovao milaza fa feso 3000 no hita maty tamin'ny taona 2012 teny amin'ireo morontsiraka avaratri Però. Mampiasa ny tambajotra sosialy ireo Peroviana sy mpikatroka, tsy hoe fotsiny ho fampahafantarana ny fisian'ilay fandringanana sy hanairana ny saina, fa koa mba hanadihadiana izay antony.
Iran: Bilaogera Mety Hiatrika Fiampangana ‘Fihantsiana Ady Amin'Andriamanitra’
Misy ny fitomboan'ny ahiahy fa mety ho voampanga amin'ny moharbeh (mihantsy ady amin'Andriamanitra / fankahalàna an'Andriamanitra) amin'ny fotoam-pitsarana ho avy i Shiva Nazar Ahari, mpikatroka ny zon'olombelona, bilaogera sady tonian-dahatsoratry ny tranonkalan'ny Komity ny Mpitati-baovao momba ny Zon'Olombelona ao Iran izay migadra any am-ponja.
Iran: Ny Fahafatesan'ny Ayatollah Hossein Ali Montazeri
Nitatitra ireo olom-pirenena Iraniana sy ny fampahalalam-baovao mahazatra iraisampirenena fa mpanohitra an'aliny no nidina an-dalambe tao amin'ny foibe teolojikan'i Iran tamin'ny Alatsinainy ary nifandona tamin'ny milisy mpomba ny governemanta nandritra ny fandevenana ilay mpitondra fivavahana ambony ao amin'ny fanoherana ao amin'ny firenena, ny Ayatollah Hossein Ali Montazeri.
Iran: Mitombo Ny Disadisa Satria Efa Akaiky Ny Andron'ny Mpianatra
Nanomana fihetsiketsehana goavana ny mpanohitra Iraniana amin'ny Alatsinainy 7 Desambra satria manamarika ny Andron'ny Mpianatra fanao isan-taona i Iran, fahatsiarovana ny famonoana ireo mpianatra telo tamin'ny taona 1953.
Iran: Nifandona Tamin'ny Mpitandro ny Filaminana Ireo Mpanao Fihetsiketsehana Tamin'ny Tsingerintaonan'ny Fifidianana
Nilaza ireo vavolombelona tao Teheran fa nipoaka tamin'ny Asabotsy ny fifandonana teo amin'ny mpitandro filaminana Iraniana sy ny mpanao fihetsiketsehana mankalaza ny tsingerintaona voalohan'ny fifidianana filoham-pirenena tao amin'ny toerana lehibe.
Iran: Manao Fihetsiketsehana Manerantany Ny Iraniana
Raha maro ireo vavolombelona tao Teheran nilaza fa nipoaka ny fifandonana lehibe teo amin'ny mpitandro ny filaminana Iraniana sy ny mpanao fihetsiketsehana mankalaza ny tsingerintaona voalohan'ny fifidianana filoham-pirenena tamin'ny 12 jona, nisy ihany koa ny hetsi-panoherana nitranga tany amin'ireo tanàna maro samihafa manerantany, tahaka ny tao Ankara, Torkia, Vancouver, Canada.
