Tantara mikasika ny Espaniola tamin'ny Jolay, 2012
Pôrto Rikô: Namerina Indray Ny Adihevitra Mikasika Ny Fampiasana Fiteny Roa Any An-tsekoly
Niteraka fanehoan-kevitra avy amin'ireo mpanohana ary hatramin'ny mpanakiana ny fanambarana nataon'ny governemanta tao Pôrtô Rikô izay milaza fa manomboka amin'ny fidiran'ny taom-pianarana vaovao amin'ity volana Aogositra ho avy ity, ny fiteny ofisialy ampianarana ny kilasy rehetra any amin'ny sekolim-panjakana manerana ny firenena dia ovaina miandàlana ho amin'ny fiteny anglisy raha tamin'ny fiteny Espaniola izany teo aloha. Io fepetra noraisin'i Governora Luis Fortuño, dia niteraka adihevitra lehibe sy fanakianana avy amin'ny mpanohana ny governemanta, izay namerina indray ny adihevitra mikasika ny fiteny sy kolontsaina izay efa nisy fahiny tao Pôrtô Rikô. Mbola mitohy hatrany ny adihevitra any anatin'ny tambajotra sosialy sy bilaogy.
Espaina: Tsy Fifanarahana Taorian'ny Fanafoanan'ny Fitsarana Tampony Ny Fampidirana Ny Catalan
Nibahan-toerana tanteraka tao amin'ny blogosphère ny adihevitra momba ny fiteny Catalogne, hatramin'ny fotoana nanafoanan'ny Fitsarana Faratampony Espaniola ny fampidirana ny fiteny ho an'ireo ankizy eo anelanelan'ny telo ka hatramin'ny enin-taona. Ampiasaina ny filonana amin'ny fiteny mba hanomezana antoka ny fahaiza-mifehy ny Catalan ho an'ireo manana tenin-dreny amin'ny fiteny hafa.
Puerto Rico: Tohana Mafonja Ho An'ny Tany Sy Ny Fambolena
Maro ireo fikambanana samihafa nampitandrina momba ny fiankinan-doha ara-tsakafo mahazo an'i Puerto Rico ary ny maha-maika ny famelomana indray ny fambolena ao amin'ity firenena ity. Niaraka tamin'io antony io no nanaovana fihetsiketsehana hitakiana ny tsy hanerena ny Anjerimanontolon'i Puerto Rico hanome ampahany amin'ny taniny ho an'ny kaominina ao Gurabo mba hananganana foto-drafitrasa.
Espaina : Solombavam-Bahoaka Niteny Ratsy Ireo Tsy An'Asa An-Tapitrisa
Eo am-pivorian'ny solombavam-bahoaka, Andrea Fabra dia nihiakiaka narahan'ny tehaka "¡qué se jodan!" (' 'asaivo mandeha mi.... any ry zareo !) tamin'ireo tsy an'asa espaniola an-tapitrisa tao aorian'ny nanambaràn'ny filohan'ny governemanta Mariano rajoy ny fepetra henjana mahakasika ny fanampiana sosialy ho an'ny tsy an'asa teo amin'ny tantaran'ny demokrasia espaniola.
Ekoatera: Manao Veloma An’i George ilay Sokatra Manirery
George ilay manirery avy ao amin’ny nosy Galápagos ao Ekoatera no sokatra niangana farany tamin’ny karazany. Hita tamin’ny Asabotsy maraina 24 Jiona 2012 teo ny fatiny, tao amin’ny tokontany nonenany misy ny foibe fiompiana sokatra Galápagos aoPoerto Ayora, Nosin’i Santa Cruz. George no sokatra farany amin’ny karazana Chelonoidis abingdonii, teo amin’ny faha-150 taonany...
#TwitterEnCatalà Miteraka Bitsi-Pifaliana Sy Fankahalàna
Ny 6 Jolay 2012, analiny ireo mpiondana aterineto miteny ny fiteny Catalan no nankalaza ny fahatongavan'ny fampiasana ny tenin'izy ireo eo amin'ny Twitter. Vetivety dia nanjary lohahevitra noresahana be tao Espaina ny tenifototra #twitterencatalà
Espaina : Fanohanana Ny Tolon'ny Mpitrandraka, “Eny, Misolo Tena Anay Ry Zareo !”
An'arivony ny olona nidina an-dalam-be haneho firaisankina sy fanohanana ny hetsik'ireo mpitrandraka arin-tany espaniola ny 10 jolay, teo am-pahatongavana tany Madrid rehefa nandeha 400km avy any avaratr'i Espaina. Nolavin'ireo mpitrandraka ny fepetram-pitsitsian'ny governemantan'i Mariano Rajoy sy ny fihenan'ny fanampiana noraisiny.
Shily: Mananontanona ny lalàna manohitra ny fihetsiketsehana
Niantso ny Kongresy hanaiky ny lalàna izay mitady sazy henjana kokoa ho an'ny mpanao fihetsiketsehana ny minisitry atitany Shiliana Rodrigo Hinzpeter, fanavaozana ny fadihevitra tamin'ny herintaona tao an-toerana ihany izany. Nanomboka norafetina ilay lalàna taorian'ny diabe nataon'ireo mpianatra tao Santiago ny 28 Jona 2011, fihetsiketsehana izay niafara tamin'ny fifandonana mahery vaika...
Meksika: Manohitra ny Valim-pifidianana Ny Hetsiky ny Mpianatra #YoSoy132
Nitohy naneho ny ahiahiny amin'ny valim-pifidianana vonjimaika, andro vitsivitsy taorian'ny fifidianana filoham-pirenena ny 1 Jolay teo, ireo mpiandany sy mpikambana amin'ilay hetsiky ny mpianatra #YoSoy132. Nanao voady ihany koa izy ireo ny hanohizany ny ezaka mba hanovàna ny fandaharana ara-politika sy handrisika ny fandraisan'anjaran'ny tanora. Fifidianana mangarahara tsy misy kolikoly ao amin'ny...
Nikaragòa: Tsy Mijanona Ny Tolona Ho Fampitsaharana ny Fampiasana Ny Ankizy
Tsy mora tokoa ny manandrana mampitsahatra ny fampiasana ny ankizy ao Nikaragòa, mampiseho ny antony mahatonga ireo ankizy marobe mbola miasa ity lahatsary manaraka ity na dia teo aza ny fisian'ny lalàna vaovao ....Na dia miasa mandritra ny tontolo andro aza izy ireo ka reraka vao mody an-trano, mirehareha tanteraka amin'ny fanampiany entiny ho an'ny fianakaviany ireo ankizy sy tanora ireo, ary tsy mandray izany ho toy ny "asa" na zavatra manitsakitsaka ny zony.
