Tantara mikasika ny Espaniola tamin'ny Oktobra, 2011
CIVICUS: Fandinihana ny tanjaky ny fiaraha-monim-pirenena
Nandritra ny telo andro dia solontena avy amin'ny fiaraha-monim-pirenena maro no nivory tany Montreal, Canada nanatrika ny Fihaonana an-tampon'ny CIVICUS hiady hevitra momba ny làlana rehetra hanairana ny olona, miainga avy amin'ny hetahetan'ny tsirairay. Isankarazany sy marobe (ary mbola ho toy izany hatrany) ny lohahevitra noresahana : hetsika ara-piaraha-monina, fitoviana ara-tsosialy,...
Etazonia: Miha-matanjaka Ny “Occupy Wall Street”
Fony izahay namoaka ny lahatsoratra voalohany tao amin'ny "Occupy Wall Street," zara raha nipoitra tamin'ny pejy voalohany tamin'ny gazety tany an-toerana izany. Ankehitriny, miaraka amin'ny mpanaraka an'aliny maro, nahasarika ny sain'ny haino aman-jery nasionaly sy maneran-tany ny Occupy Wall Street, ary nihitatra tamin'ny tanàn-dehibe an-jatony hafa tany Etazonia ny tolona.
Andro Iraisam-pirenena Ho An'ny Sakafo: Ny Fiainana Anaty Hanoanana
Araka ny Banky Iraisam-pirenena, manakaiky ny 1 lavitrisa ny olona mandry fotsy maneran-tany, ary hampitombo izany isa izany ny fiakaran'ny vidin-tsakafo. Androany, Andro Iraisam-pirenena ho an'ny Sakafo, hijery manokana ireny fiankaviana matin-kanoanana ireny isika ary hihaino ny tantarany.
Andro Iraisam-pirenena Ho An'ny Fanasàna Tànana: Manova Fomba Amin'ny Alàlan'ny Hira sy Dihy
Fantatrao ve ny fomba hanasàna tsara ny tànanao? Avy amin'ny alàlan'ireo hira sy dihy, mampianatra ireo hafa ny fomba tena mety hanasàna ny tànany ireo olona manerana ny tany mba hampiroboroboana ny fahasalamana. Ny 15 Oktobra no Andro Iraisam-pirenena ho an'ny Fanasana tanana ary miaraka teny famantarana Manavotra Aina ny Tanàna Madio , manisy tsindrim-peo amina hetsika tsotra izay manampy amin'ny fanenana ny fahafatesan'ny ankizy noho ireo aretina azo sorohana izany.
Mankalaza ny Faha-roanjato Taonany i Orogoay
Amin'ity taona ity Orogoay dia mankalaza ny faha-roanjato taonan'ny "dingana ho amin'ny fahaleovantenany". Misy ireo hetsika hahatsiahivana ny fiandohan'ny tolona ho an'ny fahaleovantenan'ny firenena nokarakaraina mandritra ny taona, nefa tamin'ny Alatsinainy 10 Oktobra dia nisy ny hetsi-bahoaka tany Montevideo izay nahasarika fanehoan-kevitra maro tamin'ny blaogy sy ny tambajotra sosialy.
Però: Mick Jagger Nitsidika an'i Lima
Nanomboka niely ny tsaho tamin'ny Asabotsy atoandro 8 oktobra lasa teo fa nitsidika an'i Lima i Mick Jagger. Nanomboka izany tsaho izany ny fandefasana sary manjavozavo nalefan'ny Mpisionkatserasera César Bejarano (@Cesar_Bejarano) izay navoakan'ny gazety Perú 21 kinova an-tserasera ao an-toerana ihany koa. Ahitantsika olona mitovy amin'ilay mpanankato Anglisy fanta-daza ny ao anatin'izany....
Panama Nanokatra ny Lalao Fiadiana Ho Tompondaka Eran-tany Amin'ny Baseball
Nosokafana tamin'ny Asabotsy 1 Oktobra, ny fiadiana ho tompondaka erantany faha-39 ny Baseball (IBAF). Nahazo voninahitra hampiantrano azy ity i Panama tamin'ny volana Novambra farany ary sambany no nampiantrano hetsika goavana tahaka izao ity firenena malaza amin'ny fankafizana baolina fandaka ity. Tsy ho eo amin'ny resaka fanatanjahantena ihany no hiavaka ity...
Etazonia: Mankatoa Lalàna Henjana Momba ny Fifindrà-monina Ny Fanjakana Ao Alabama
Ny 29 Septambra 2011, nankatoavin'ny fanjakan'i Alabama ny lalàna HB56, ny henjana indrindra amin'ny lalàna momba ny fifindra-monina any Etazonia, nanaraka ny dian'ilay S.B.1070 an'i Arizona izay efa niteraka resabe tokoa, manao ny satan'ireo mpifindra monina tsy ara-dalàna ho toy ny mpanao heloka bevava. Vakio ny fanehoan-kevitry ny tontolon'ny bilaogy.
Kolombia: Fanazarantenam-Pirenena Voalohany Hiatrehana Fahamehana
Ny marainan'ny 5 Oktobra 2011, dia nanatontosa Fanazarantenam-Pirenena Voalohany Hiatrehana Fahamehana [es], andraisan'ny tanàndehibe 14 anjara i Kolombia. Ny Hevitra moa dia hoe misy voina (horohorontany) ka ajoro ny dingana fanentanana ny olona amin'ny andraikitra tokony raisiny raha misy voina tena mitranga tokoa.
Panama: Rava ny Governemanta Iombonana
Nesorin'ny filoha Panameana Ricardo Martinelli teo amin'ny toerana maha-Chancelier azy ny filoha lefitra Juan Carlos Varela, niteraka ny faharavan'ny fiombonana teo amin'ireo antoko eo amin'ny fitondràna. Haingana dia haingana ireo fanehoan-kevitra tamin'ny Twitter. Saika teo noho eo dia noforonin'ireo mpampiasa twitter ny tenifototra #siyofueravarela (raha izaho no Varela) izay hiresahan'ireo Panameana izay mety ho nataony raha izy no nalàna tsy ho Chancelier.