Tantara mikasika ny Espaniola tamin'ny Aogositra, 2011
Espana : Mpanao Gazety Nosamborina Ary Fihetsiketsehana Voasakantsakana
Ny hetsi-panoherana Espanola 15 m izay nahangona olona an'arivony teny an-dalambe hangataka rafitra ara-demokratika kokoa dia tonga tamin'ny dingana iray vaovao. Nanapa-kevitra ny manampahefana ny 2 Aogositra fa handràra ny fihetsiketsehana rehetra ary nampitandrina ireo mpanao fihetsiketsehana tsy hivorivory. Rakotra fanehoan-kevitra sy fampitam-baovao avy amin'ny mponina ny tambajotram-piarahamonina.
Kolombia: Polisy Nandihy Nirary Tongasoa Ho Anà Mpilalao Baolina Kitra
Tao Medellin, Kolombia, tao amin'ny seranam-piaramanidina dia naneho hetsika fiarahabàna an'ireo mpilalao baolina kitra ireo manamboninahitry ny polisy, nahafinaritra ireo mpitsidika izany fa kosa nahatonga olana momba ny filaminana ho an'ny toerana sasantsasany.
Siria: Famoriam-bahoaka Any Amin'ny Tanàn-dehibe Maneran-tany, Manohitra Na Momba An'i Bashar
Heno maneran-tany ny momba ireo hetsika any Siria. Nivory tany amin'ny ankabeazan'ireo tanàn-dehibe maneran-tany ireo Siriana anaty fikambanan'ny zanaka am-pielezana, na mitaky ny fionganan'i Bashar Al Assad sy ny fitondràna izany, na mihirahira ny fitiavany azy. Jereo ity fanangonana lahatsary ity mampiseho ireo fihetsiketsehana maneran-tany.
Fetiben'ny Bilaogy: Meksika – Vahoaka, Herisetra ary Bilaogy
Ny Global Voices amin'ny teny Espaniola dia faly manolotra ny andiany vaova amin'ny Fetin'ny Bilaoginy, izay hifantoka amin'ireo mpitoraka bilaogy sy Aterineto avy any Meksika, manaraka ny lohahevitra "Meksika: Vahoaka, Herisetra ary Bilaogy." Jereo ny fomba, ny fotoana sy ny toerana ahafahanao mandray anjara na meteza ho tarihan'ity lahatsoratra ity.
Chile: Polisy sy Mpianatra Nifanandrina Tanaty Fihetsiketsehana Momba ny Fanabeazana,Tsy Nahazoana Alàlana
An-jatony ireo Shiliana mpianatra, nitaky ny fanavaozana ny rafi-panabeazana azy ireo, no nifampitàna tamin'ny mpitandro filaminana avy amin'ny polisy satria nanao hetsika tsy nahazoana alàlana izy ireo tamin'ny Alakamisy 4 Aogositra 2011, nanerana ny afovoan-tanànan'i Santiago renivohitra. Ao amin'ny Twitter, ilay hetsika dia tafakatra ho amin'ny toeran'ny lohahevitra tena resahana be ao an-tanàna noho ireo mpianatra mbola maneho ny hatezerany tsy mitsaha-mitombo.
Global Voices Amin'ny Teny Aymara: Mitahiry ny Tenin-janatany Ao Anaty Aterineto
Iray amin'ireo vohikala vaovaon'ny Global Voices Lingua no sady voalohany amin'ny tenin-janatany, ny Aymara. Ampiasain'ireo vahoaka mihoatra ny 2 tapitrisa manerana ny Andes, indrindra any Bolivia sy Pero ity tenin-janatany ity, izay anisan'ireo teny ofisialy.
Peroa : Baolina kitra, Dokambarotra Amin'ny Fahitalavitra , Fitrandrahana Harena An-kibon'ny Tany ary Tambanjotra Sosialy
Ny Talata, 19 Jolay [es], raha mbola nijalytamin'ilay lalao manasa-dalana teo amin'ny Peroa-Orogoay tamin'ilay Amboaran'i Amerika ry zareo Peroviana, nanana n y antony nandefasana bitsika tamin-katezerana ireo mponin'ny aterineto nijery ilay lalao baolina : Dokambarotra nataon'ny Sociedad Nacional de Mineria, Petróleo and Energia [es] (National Institute of Mining, Oil and Energy) na ny (Foibem-pirenena misahana ny harena an-kibon'ny tany, Solika ary ny Angovo) niaraka tamin'ilay mpilalao baolina taloha Juan Carlos Obitas eo amin'ny toeran'ny mpilalao fototra, nalefa nandritra ny fialan-tsasatra, izay nampiasa ny fifandrafiana nisy taloha teo amin'ny Peroa sy ny "Chile" mba hitadiavana ny olona mitsipaka ny fisondrotan'ny haba amin'ny fitrandrahana harena an-kibon'ny tany.
Pero: Fangalàrana Zava-Masina Tao Motupe
Ny Talata 5 Jolay 2011, vaovao ratsy nahataitra no nifohazan'ireo Peroviana : nisy nangalatra ilay Hazo Fijaliana Masin'i Motupe [es] izay tena malaza be sy fanta-bahoaka tokoa. Maneho hevitra mikasika izany ao amin'ny Twitter ireo mponin'i aterineto amin'ny fampiasàna ny tenifototra #cruzdemotupe, ary any anaty bilaogin-dry zareo.