Tantara mikasika ny Malagasy tamin'ny Oktobra, 2011
Teny: Podcast Iray Avy Amin'Ireo Tompondaka Ao Warlpiri
Ny Tompondaka ao Lajumanu dia kilasy misy ireo mpianatra madinika ao amin'ny Faritra Avaratr'i Aostralia. Miaraka amin'ny mpampianatra azy ireo, Adrian Trost, dia mamokatra podcast isam-bolana ireo mpianatra, izay ahitàna fanandratana ny teny Warlpiri fampiasan'ireo vahoaka teratany tena hiringiriny antsoina hoe Aborigene.
Kambodza: Tondradrano Faran'izay Ratsy Indrindra Tato Anatin'ny Folo Taona
Ity no tondradrano faran'izay ratsy indrindra tato anatin'ny folo taona. Ny manampahefana Kambodziana mitatitra fa mila ho antsasaky ny iray tapitrisa no velaranà tanimbary simban'ny rano ka mety hanohintohina ny fahavitan-tena ara-tsakafo any amin'ny faritra. Ireto ny tatitra misimisy kokoa momba ny zava-doza nentin'ny tondradrano ao Kambodza 2011
Jordania: Feo Hafa Avy Amin'ny Vovonana Erantany Momba ny Toekarena
Ny 21 ka hatramin'ny 23 Oktobra 2011, dia nampiantranoan'i Jordania ny Vovonana Erantany Momba ny Toekarena (World Economic Forum's (WEF) ) izay niompana manokana tamin'ny Fitomboana Ara-toekarena sy ny Famoronana asa ao amin'ny Tontolo Arabo any amin'ny Ranomasina Maty.Amin'ity taona ity, satria tsy mijanona mifoha amin'ny torimasony sy manavao hatrany ny fisiany ny tontolo Arabo, dia nihanahazo vahana ny feo sy ny fitantaràna hafa.
Armenia: Horohorontany Tany Torkia Tsapa Hatrany Yerevan
Ny alahady 23 Oktobra 2011 teo, ny horohorontany nihatra tamin'i Van, tanàn-dehibe any atsimo atsinanan'i Torkia, dia tsapa hatrany Yerevan, renivohitra Armeniana, sy faritra maro hafa ao amin'ilay firenena kely ao Kaokazy Atsimo. Mitatitra i Onnik Krikorian.
Mozambika: Fampivondronana Ireo Tantsaha Madinika Mba Hanànana Ho Avy Mamirapiratra
Atoa Júlio dos Santos Pêssego no anisan'ireo mpitarika voalohany ny "hetsiky ny tantsaha" ao amin'ny faritanin'i Niassa ao Mozambika. Manampy amin'ny fananganana vondrona eo amin'ny fiarahamonina ka miasa mba hiarovana ny zo amin'ny fananan-tany, hampitomboana ny famokarana sakafo ary hiainan'ny fianakavian'ny tantsaha ao anatin'ny fahampiana.
HiperBarrio: Fanaovana Sarintany Avy Amin'ny Alalan'ny Balaonina Ny Manodidina An'i La Loma
Olona notohanan'ny Rising Voices fahiny tamin'ny HiperBarrio any Medellín, Kolombia no manohy ny fandraisan'anjarany amin'ny asan'ny media mirotsaka an-tsehatra ao amin'ny manodidina an'i La Loma. Ho fanabeazam-boho ny asa vitan'izy ireo tany aloha nandrakitra an-tsarintany ny vondrom-piarahamoniny niaraka tamin'ny Open Street Maps, ny tariky ny ConVerGentes dia nanapa-kevitra ny hitrandraka ny tontolon'ny fanaovana sarintany avy amin'ny alalan'ny balaonina.
Arzantina: Fifidianana Ho Filoham-pirenena, Fitetezana Bilaogy
Namoaka vokatra somary efa nampoizina ihany ny fifidianana izay ho filoham-pirenena tao Arzantina: ny nahavoafidy indray ny filoha amperinasa, Cristina Fernández de Kirchner. Ilay fandresena midadasika be dia nandrisika ireo bilaogera hanadihady ny toe-draharaha politika.
Ejipta: Ny Valinteny Nomen'i Torkia Tamin'ny Fanontanian'Ireo Kiorda, Raha i Erdogan Miteny ao Kairo
Ny lahatenin'ny Praiminisitra Tiorka Tayyip Erdogan momba ny firotsahan'ny fanjakana Palestiniana ao amin'ny Ligy Arabo dia nadika mivantana tamin'ny alalan'ireo mpikambana aminà tranonkalan-tambajotra sôsialy, dia ny Twitter izany, ho an'ireo izay miteny Arabo na Tiorka. Tatitr'i Ruwayda Mustafah.
Etiopia:Nanao Fitakiana Tao Anaty Aterineto Ny Mponina Ho An'i Shweyga Mullah
Fanaovana fitakiana tao aminà filazam-baovao ara-tsosialy iray no namoahan'ireo mponina fahatezerana be tanaty aterineto tao Etiopia taorian'ny fanambaran'ilay mpanao gazetin'ny CNN, Dan Rivers, ilay fanararaotana nahatsiravina nihatra tamin'i Shweye Mullah izay tena naratra tokoa noho ny fitorahan'ilay vadin'ny zanak'i Gaddafi, Hannibal, rano mangotraka ny vatany iray manontolo tamin'ny tsy nahavitàny nampangina zaza fotsiny. Shweye mantsy dia niasa tao amin'io fianakaviana io toy ny mpitaiza zaza
Masedonia: Bitsika An-tapitrisany – Tononkalo Dika Sangisangy “Existentialist”
Ilay mpitoraka blaogy iskra_iskric dia tsy nihambahamba nanova hira rock faheno iray an'ny tarika Arhangel hifanaraka amin'ny zava-misy amin'ny virtoaly, ka namorona tononkalo [mk] vaovao tamin'ny bitsika.
