Tantara mikasika ny Malagasy tamin'ny Marsa, 2012
Bahrain: Mibitsika Manohitra Ny Formula 1
Raha efa mivonombnona ery i Bahrain hampiantrano ny Grand Prix, manomboka ny 20 hatramin'ny 22 Aprily, ireo mpiondana aterineto kosa dia mifamory mba hanafoanana ilay fifaninanana fiarakodia amin'ny filazana fa mbolamitohy ny fanitsakitsahana ny zon'olombelona atao amin'ireo mpanao hetsi-panoherana mikatsaka zo demaokratika msimisy kokoa ao amin'ity firenena Arabo ity. Mona Kareem dia mitondra fanazavana amin'ny fanentanana iray ao amin'ny Tewitter mba hisarihana ny saina hibanjina azy ity.
Iràka: Zaikabe Voalohany Niarahan'ireo Bilaogera Irakiana
Ny zaikabe voalohan'ireo bilaogera Irakiana dia nanomboka ny 8-9 ny Febroary tao an-tanànan'i Sulaymaniyah. Ny Fampahalalam-baovao Sosialy Irakiana no nikarakara ity hetsika ity ary maherin'ny 70 ny bilaogera Irakiana manerana ny firenena no nanatrika. Nitondra fanantenana betsaka ity zaikabe ity ho an'ny firenena manana taham-pidirana aterineto ambany dia ambany sy ny mikasika ny fiarovana ny bilaogera.
Fifaninanana Lahatsary: “Everyday Digital Native” – Alefaso Ny Safidinao Dieny Izao
Ireo mpitsara ny "Everyday Digital Native video contest" izay nokarakarain'ny Centre for Internet & Society (CIS), India, ary ny HIVOS dia nisafidy lahatsary miisa 12 tamin'ny fihodinana faharoa. Azonao atao ny mijery ireo lahatsary tafakatra tamin'ny dingana famaranana ary mifidy ny iray izay tena ankafizinao hatramin'ny 31 Martsa 2012. Ny lahatsary miisa dimy be mpifidy indrindra ihany no azo lazaina ho mpandresy amin'ny 1 Aprily 2012
Rosia: Ny Fiainan'ny Silamo Ankehitriny Ao Mosko – Ny Zava-misy
Ny fitomboan'ny mponina silamo ao Moskoa dia maneho ny lalana izoran'ny foko sy finoana Rosiana eo anivon'ny tantara sy zava-nisy izay nanova ny fijerin'ny Rosiana sy ny fandraisany ny vahiny, izay namolavola ny fomba teo amin'ny fiarahamoniny sy ny politikan'ny governemantany ankehitriny momba azy ireny
Iran: Hitondra Fiovàna Ve Ny Fanalefahana Ny Sazy Amin'ny Aterineto?
Ny Departemanta Amerikana miadidy ny Kitapom-bola dia nanalefaka ireo sazy ao anatin'ny lisitr'ireo tolotra aterineto ahitàna ny Yahoo Messanger, Google Talk, sy Skype. Na dia niarahaba ilay vaovao ihany aza, dia tsy dia nafana loatra ny fientanentanana nasehon'ireo Iraniana tamin'izany.
Mankalaza Ny Fifidianana Vita Am-pilaminana I Sénégal Ka Mampistsiriritra Ireo Mpifanolo-bolodirindrina Aminy
Toarian'ny fahareseny nanoloana ny praiministrany teo aloha sady mpifaninana taminy, Macky Sall, tamin'ny 25 martsa 2012, ny Filoha Me Abdoualye Wade dia niantso an-telefaonina ilay efa azo antoka ho mpandresy mba hiarahaba azy.. Mankalaza ny fifidianana natao tanaty filaminana ry zareo Senegaly, izay nahafahana namoaka ny fifandimbiasana politika. Na izany aza dia misy ihany ny mampanahy manoloana ireo herisetra nialoha ny fifidianana.
‘Mujeres Construyendo': Fampivoarana Ny Vehivavy, Bilaogy Iray Amin'ny Fotoana Iray
Mujeres Construyendo, sehatra voalohany ho an'ireo vehivavy bilaogera amin'ny teny Espaniola dia te-hamadika ireo vehivavy miteny Espaniola ho lasa mpamorona votoaty ety anaty aterineto. Mitafa amin'ny mpamorona azy io izahay, Claudia Calvin, mikasika ny firoboroboan'ny vondrom-piarahamonin'ny bilaogera.
Chile: Mifanakalo Hevitra Momba Ny Fampiatoana Vohoka Noho Ny Antony Ara-Pahasalamana Ny Twitter Raha Mbola Mihainohaino Kosa Ny Antenimieran-doholona
Raha mitohy hatrany manemotra ny fifanakalozan-kevitra mikasika ny fanaovana ny fampiatoana vohoka noho ny antony ara-pahasalamana ny Antenimieran-doholona, mitohy tsy mitsahatra kosa ny fifanakalozana fomba fijery ao anatin'ny habaka cyber Siliana, indrindra fa taorian'ny fifanakalozan-kevitra tanaty fandaharana roa tao amin'ny fahitalavitra Siliana mikasika io olana io.
Puerto Rico: Gresy Vaovao Ve?
Ilay manam-pahaizana mpandalina ny ara-bola Cate Long, ao anatin'ny bilaoginy Reuters.com, dia manasongadina ny fitoviana misy eo amin'ny toekaren'i Puerto Rico sy Gresy. Nanjary lasibatry ny fanakianana avy amin'ny fitantanan'ny governoran'i Puerto Rico, Luis Fortuño, ny fandalinana nataony. Nampanakoako izany halemen'ny toekaren'ilay nosy Karibeana izany ireo tambajotra sosialy sy bilaogy maro.
Torolàlana Asongadina: Mamorona Pejy Facebook Mandona (Ar.)
Ilay noresahana betsaka momba ny Lohataona Arabo tao Tonizia, Ejipta ary nanerana ny faritra Afovoany Atsinanana dia niankina betsaka tamin'ny Aterineto sy ny media sosialy toy ny Twitter, Facebook sy YouTube. Ny SMEX dia namoaka torolàlana vaovao amin'ny teny Arabo Mamorona Pejy Facebook Mandona (Teny Arabo): Torolàlana ho an'ireo Fikambanam-piarahamonina Sivily Arabo. Ilay torolàlana dia hanampy ihany koa ireo Arabo mafàna fo vaovao, ary hatramin'ireo mpikarakara efa manana traikefa miezaka ny hahazo tombony tsara amin'ny media sosialy