Tantara mikasika ny Anglisy tamin'ny Jona, 2013
Hakaton'i Inde Ny Tolotra Fandefasana Telegrama Nandritra Ny 160 Taona
Nanambara ny orinasam-pifandraisana miankina amin'ny fanjakana ao Inde, Bharat Sanchar Nigam Limited (BSNL) fa hanapaka ny tolotra fandefasany telegrama nandritra ny 160 taona manomboka ny 15 Jolay 2013 noho ny fitotonganan'ny fampiasana io tolotra io sy ny fatiantoka goavana eo aminy.
Mifosa Ireo Politisiana Ao Zimbaboe Ao Amin'ny Facebook Ilay Tsy Mitonona Anarana'Baba Jukwa’
Tranga iray vaovao no noresahana tao amin'ny Facebook Baba Jukwa (BJ), lasa foto-dresaky ny mponina satria ireo Zimbaboeiana noana resa-politika dia nitsidika ny rindrina Facebook-"NY" hijery ny vaovao farany mikasika izay mitranga ao anatin'ny antoko politika Zimbabwe African National Union – Patriotic Front (ZANU-PF) an'ny filoha Robert Mugabe.
Mitampify Ao Hong Kong i Snowden, Mihetsika Ny Diplomasia Eo Amin'ny Shina- Etazonia
Raha mitampify ao Hong Kong, ilay mpamoaka tsiambaratelo Amerikana Edward Snowden. Maro ireo onjan-kevitra mikasika ny fitiavan-tanindrazana teo amin'ny tontolon'ny bilaogy tao Shina. Maro ireo mpisera anaty aterneto no nahita izany ho fanararaotra ho an'i Beijing mba hahazoa aisa manoloana ny asa fitsikilovana ataon'ny governemanta Amerikana, ary mamaly bontana sy manohitra ny filazàna matetika fa hoe manao fitsikilovana anaty aterneto i Shina.
‘V Ho An'i Thailandy’ Mpanao Fihetsiketsehana Miantso Ny Fanonganana ny Praiminisitra Thailandey
Ilay vondrona miantso tena hoe ‘V ho an'i Thailandy’ no efa nanomana famoriam-bahoaka ao an-drenivohitr'i Thailandy tamin'ity volana ity mitaky ny fialan'ny Praiminisitra Yingluck Shinawatra.
Rosiana Sy Ny Sigara : Mafy Ny Fisarahana
Tian'ny governemanta Rosiana ho faranana ny fitiavan'i Rosia sigara ka dia nisy lalàna vaovao navoaka ny 1 Jona teo ho fandraràna ny fifohana amin'ny toerana ifaneraseran'ny daholobe, izay manokatra ny làlana ho amin'ny lalàna henjana ho avy. Tsy ny rehetra ao amin'ny tontolon'ny bilaogy Rosiana no faly amin'izany.
Kroasia: Mampiasa Facebook Ny Filoha Josipovic Hanasana Ny Vondron'ny Mpamatsy Vola Ara-Teknolojia Informatika
Nampiasa ny Facebook ny Filoha Ivo Josipović mba hanasana ny vondrona mpamatsy vola amin'ny Teknolojia Informatika ho any Kroasia sy Eoropa Atsimo Atsinanana, hanehoana ihany koa hoe vonona ho amin'ny fihavaozana sy ny fampiroboroboana ny faritra. Tatitr'i Danica Radisic.
Ny Fomba Fampiasàn'Ireo Mpitarika Ao Azia Atsimo Atsinana Ny Twitter
Tena fitaovana mahomby ho an'ireo mpitondra any Atsimo Atsinanan'i Azia tokoa izao ny Twitter. Ny Filohan'i Indonezia Susilo Bambang Yudhoyono izay 2.4 tapitr'isa ireo mpanaraka azy ao no malaza indrindra amin'ireo mpitondra any amin'ny faritra. Etsy ankilany, ilay Praministra Maleziana Najib Razak,dia mbola malaza be ihany any amin'ny fireneny, ary 1.6 tapitrisa ireo mpanaraka azy. Ny filoha Filipiana Noynoy Aquino kosa no tena mahafatra-po ao amin'ny Twitter ary mahatratra 1.5 tapitrisa ny mpanaraka azy ao.
Mikasa “Handrodana Ny Fitondrana” ny Ejipsiana Amin'ny #June30
Hiverina eny amin'ny tahakala voaloko indray ny Ejipsiana, mandrafitra fihetsiketseha-panoherana “handrodanana ny fitondrana” amin'ny 30 jona. Ny daty izay mivezivezy any amin'ny tambajotran-tserasera amin'ny alalan'ny teny ifankafantarana #June30 no manamarika ny tsingerintaona voalohany nitondran'ny filoha Mohamed Morsi, kandidàn'ny Mpirahalahy Miozolomana, izay voafidy taorian'ny fihetsiketseham-bahoaka nanomboka tamin'ny 25 Janoary 2011 ary...
Fitadiavan-Daza Iraisampirenenan'i Rosia: Hitsifotra (Elefanta Fotsy) ?
Raha manohy ny politikany amin'ny fampiasana ny hetsika iraisampirenena i Putin hanehoana fa mendrika hanaovana fampiasam-bola i Rosia, ny mpandoa hetran'ny firenena kosa efa manomboka mahatsapa fa ry zareo ihany no handoa ny faktiora.
Lehilahy Yemenita Dimy Novonoin'I Arabia Saodita, Naseho Vahoaka Ny Fatin'Izy Ireo
Lehilahy Yemenita dimy voapanga ho nahavita namono nahafaty sy nanolana no voaheloka ho faty tao Arabia Saodita ary naseho vahoaka ny fatin'izy ireo, tao atsimo andrefan'i Jizan. Sarin'ny vata-mangatsiakan'izy dimy lahy miantona amin'ny tady tazonina vy anankiroa no niparitaka tany amin'ny Twitter sy Facebook narahan'ny hatezeran'ireo mponina maro avy ao Yemen .
