Tantara mikasika ny Anglisy tamin'ny Aogositra, 2012
Pakistana: Naaton'ny Governemanta Ny Fifandraisandavitra An-tanandehibe Nandritra Ny Eid
Nandritra ny Eid-ul-Fitr, fotoana manamarika ny volana fifadian-kanina ho an'ny Miozolomana izay ankalazaina ho andro tsy fiasana, notapahan'ny governemantan'i Pakistana ny tambajotram-pifandraisana amin'ny finday ho an'ireo tanàndehibe efatra ao amin'ny firenena – Karachi, Lahore, Multan ary i Quetta. Mihantona tsy mandeha ny tambajotram-pifandraisana manomboka ny Alahady 19 Aogositra 2012 amin'ny 8 hariva, hatramin'ny...
Kalaza NBA Taloha Mpandala Ny Tontolo Iainana Mitsidika An'i Kenya
Hatramin'ny nisotroany ronono tamin'ny National Basketball Association [Etazonia] herintaona lasa izay, Lasa mpikatroka miaro ny tontolo iainana ilay kalaza Shinoa Yao Ming. Nitsidika toerana nanatontosana rafitra iadiana amin'ny fihazana tsy ara-dalàna izy
Sri Lanka: Mihamafy Ny Fatotra Manery Ny Fahalalahana Miteny Antserasera
Mamely ny fahalalahana miteny amin'ny aterineto ao Sri Lanka ny lalàna vaovao navoakan'ny fitondrana. Tsy maintsy handoa Rs. 25.000 ($193) ho fisoratana anarana ary Rs. 10.000 isan-taona ho fanavaozana ny fisoratana anarana ny vohikalam-baovao rehetra manomboka izao. Manery ny bilaogera hanao sivana ny tenany noho ny tahotra ny tahaka izao
Etazonia: Midika Inona Ho An'ny Olona Miteny Espaniola i Paul Ryan
Hatramin'ny andro nisafidianan'ilay Repoblikana mihazakazaka amin'ny fifidianana ho filoham-pirenena, Mitt Romney, an'i Paul Ryan mpikambana ao amin'ny Kaongresy ao Wisconsin, ho mpiray lisitra aminy, goavana tokoa ny fandrakofan'ireo mpampahalala vaovao an'izany, na mpomba, na mpanohitra ilay fanapahan-kevitra.. Vitsy no voalaza momba ny fiantraikany teo amin'ny vahoaka tao Etazonia ary indrindra indrindra fa ny vondrom-piarahamonin'ireo miteny Espaniola.
Video: Hetsika Teto Aho – Asa Soa Madinika Manova Izao Tontolo Izao
Andao hiaraka aminay fa hitanay ny fiovan'izao tontolo izao amin'ny alalan'ireo hetsika madinika natao nandritra ny Fanentanana Teto Aho amin'ny Andron'ny Firenena Mikambana Ho amin'ny Fanampiana Mahaolona Manerantany. Fomba iray hanekena ny asa vita tamin'ny fanampiana mahaolona manerantany ny alahady 19 aogositra; nanao fanasaha ho an'izao tontolo izao ny Firenena...
Ireo Atleta Vehivavy Saodiana – Natao Resa-be Tao Amin'ny Twitter, Taorian'ny Lalao Olympika
Taorian'ny dingana niakarana tany amin'ny lalao Olympika, ireo vehivavy atleta Saodiana, sady voalohany teo amin'ny tantaran'ny fanatanjahan-tena Saodiana, i Sarah Attar sy Wojdan Shahrkhani dia nahazo vava ratsy tao amin'ny tontolon'ny Twitter Saodiana.
Ejipta: Mamantatra Ny Antony Nanalàn'i Morsi Ireo Jeneraly Mpitari-Tafika
Niteraka fihetseham-po isan-karazany ny fanapahan-kevitr'i Mohammed Morsi vao haingana raha nofaranana ny asan’i Mohamed Hussein Tantawi, Filohan’ny Filan-kevitra Faratampon'ny Tafika (SCAF) sy i Sami Anan, Lehiben’ny Tafika Ejipsiana. Namoaka fanambaran-dalàmpanorenena vaovao ihany koa ny filoha izay manamafy ny fahefany.
Thailand: Mandiso Fanantenana Ny Mpankafy Ny Faharesena Tamin'ny Ady Totohondry Olaimpika
Nahazo medaly volafotsy roa sy alimo iray i Thailand tamin'ireo Lalao Olaimpika vao nifarana tsy ela akory izao, natao tao Londona, saingy ny faharesen'ny Tahi iray mpanao ady totohondry no nandiso fanantenana mpankafy marobe izay mihevitra fa tokony ho nomena an'i Thailand ny medaly volamena.
Azo iainana Tsara Ve Any Amin'ireo Tanan-dehibe Afrikana ?
Fanadihadiana iray nataon'ny The Economist Intelligence [en] momba ireo tanàn-dehibe eran'izao tontolo izao azo iainana tsara (ny tatitra manontolo amin'ny endriny pdf) , no manolotra hoe amin'ireo tanàna 10 sarotra iainana indrindra eto ambonin'ny tany, 6 no aty Afrika. Kanefa, misy fandaharana iray hafa mampiseho fa sambatsambatra kokoa any amin'ny firenena afrikana sasantsasany noho ny any amin'ny firenena eoropeana maro
Pakistana: Mitohy Ny Famonoana Ikendrena Ny Shiita
Ny 16 Aogositra 2012, nisy olona mitam-piadiana nanakana fiabe mpitatitr'olona tao Mansehra, nisintona Silamo Shiita 20 ary namono azy ireo an-kitsirano. Tranga fahatelo nikendrena ny vondrom-piarahamonina Shiita tao Pakistana io tato anatin'ny 6 volana. Mpikirakira aterineto no manamarika hoe : "Eritrereto raha hoe notanterahana tao anaty fandrindrana maty paika ny famonoana ireo voalohany nokendrena tao #Pakistan, mety tsy ho nisaona ny tao #gilgit akory isika androany!"
