Hatramin'ny andro nisafidianan'ilay Repoblikana mihazakazaka amin'ny fifidianana ho filoham-pirenena, Mitt Romney, an'i Paul Ryan mpikambana ao amin'ny Kaongresy ao Wisconsin,  ho mpiray lisitra aminy, goavana tokoa ny fandrakofan'ireo mpampahalala vaovao an'izany, na mpomba, na mpanohitra ilay fanapahan-kevitra.

Mandritra izany ireo Demaokraty sy Repoblikana dia niara-nankalaza ireo tarika vao avy notendrena, satria iretsy voalohany mihevitra an'i Ryan ho kitro ifaharan'i Romney, noho ny toerany miteraka resabe eo amin'ny fitantanam-bolan'ny firenena, raha ireo “Conservatives” kosa indray mino fa ny toekarena no ho sehatra hibahan-toerana ao anatin'ireo adihevitra ho avy, lohahevitra iray izay voafehin'io mpikambana avy amin'ny kaongresy io tsara tokoa hamelezana ny Filoha Barack Obama.

Niady hevitra lalina momba ny fiantraikan'ny fiarahan'i Romney-Ryan eo amin'ireo antoko politika roa tonta ny manampahaizana manokana sy ny mpanao gazety, nefa vitsy no voalaza momba ny fiantraikany teo amin'ny vahoaka tao Etazonia ary indrindra indrindra fa amin'ny vondrom-piarahamonin'ireo miteny Espaniola.

Taorian'ny nilazana ireo anarana toy ny Condoleeza Rice sy Marco Rubio, Paul Ryan (eto ambony) no nofinidy nony farany fa hiaraka amin'i Mitt Romney amin'ny fifidianana izay ho filoham-pirenena. Sary avy ao amin'ny Flickr/Tobyotter (CC BY 2.0)

Ireo fitsapan-kevitra vao haingana [es] dia mampiseho ahiahy faobe eny anivon'ireo Latinos momba ny politika tohanan'ity mpikambana ao amin'ny kaongresy ity, toy ny fampihenana ny fiahiana ara-tsosialy, ny fahasalamana, fanabeazana ary ny foto-drafitrasa.  Fa kosa, raha hitarina lavidavitra ny resaka,  toa tsy mahafantatra zavatra betsaka mikasika an'i Ryan [es] ireo vahoaka miteny Espaniola.

Ny bitsika nalefan'i Antonia Ortiz (@susopiniones) dia manamafy ireny fitsapan-kevitra ireny, milaza fa tsy manana endrika tsara eny anatin'ny vondrom-piarahamonina miteny Espaniola i Ryan.

Ny hevitrao mikasika an'i Paul Ryan? Tsy mankasitraka 41% Mankasitraka 30% Tsy mbola nandre momba azy velively 16% Tsy manan-kevitra 14% http://bit.ly/qLLeMK  #mrx #latino #romney

Me temo que el presupuesto de Ryan refleja más los valores de su filósofa favorita, Ayn Rand, que el evangelio de Jesucristo”, dijo [Thomas J.] Reese, sacerdote jesuita y miembro de jerarquía del centro teológico Woodstock de la Universidad de Georgetown, en alusión a la autora de La rebelión de Atlas, una defensora a ultranza del individualismo. “La supervivencia de los más aptos puede estar bien para los darwinistas sociales, pero no para los seguidores del evangelio.

Mandritra izany, ny bilaogin'i Alana Moceri  [es] dia mino fa ny fanànana an'i Ryan ho mpiray lisitra amin'i Romney dia mahafaly ny Repoblikana eny amin'ny fototra :

Básicamente, es un guiño hacia la base conservador[a] del Partido Republicano, quienes han estado poniendo cada vez más presión en la última semana…Ryan es un congresista de Wisconsin más conocido por su plan de presupuesto muy conservador que presentó en 2008 ‘Roadmap for America's Future Act of 2008 and commonly referred to as The Ryan Budget’. Es un plan de presupuesto detestado por los Demócratas por sus recortes a programas sociales, incluyendo una sustitución de Medicare por un sistema de vales—veremos los Demócratas destacar eso bastante. Es por eso, que Romney le ha anunciado como el “líder intelectual” del partido”.

Bitsika hafa no mampahatsiahy ny vahoaka miteny Espaniola ireo fomba fiteny somary manahirana izay nambara ho nampiasain'i Ryan nandritra ny fe-potoam-piazsàny tao Washington, araka ny amaritan'ny Analyze This (@AnalizeThis) azy :

@AnalizeThis: nampiasa ny fomba fiteny hoe #AnchorBabies (ZazaVatofantsika) mba hamaritana ny olom-pirenena Amerikana teraka avy aminà ray aman-dreny #Latino i #Ryan http://bit.ly/P9NgCu

Farany, Marco A. Nuñez Yuren (@Marco_NY23) dia mampiseho ny tsy hafaliam-pony mikasika ny nifidianana an'i  Ryan, satria, araka ny lazain'i Nuñez, ny làlan-tokana hakàna ny vaton'ireo miteny Espaniola dia ny fisafidianana an'i  Florida Senator Marco Rubio, izay naroso ihany koa ho toy ny iray amin'ireo mpirotsaka ho filoha lefitra :

@Marco_NY23: Mitt Romney cometió un error al elegir como compañero de boleta a Paul Ryan. Creo Marco Rubio de FL era mejor opción. Voto hispano vital.