Tantara mikasika ny Espaniola tamin'ny Marsa, 2011
Kolombià: Mpianatra amin'ny Ambaratonga Ambony Miresaka Momba ny Fahasamihafàn'ny Lahy sy ny Vavy
Any Kolombià, ny governemantan'i Medellin dia nanomboka fanentanana iray ho fanairana ny rehetra amin'ny fahasamihafàn'ny lahy sy ny vavy any amin'ny sekoly ambaratonga ambony, ary ny ampahany amin'ny fanentanana dia ahitàna lahatsary ao amin'ny aterineto misy ireo mpianatra samihafa miresaka momba ny zavatra niainan-dry zareo.
Meksika: Miteraka fisahotahana ny mety ho fanasivanana fanadihadiana
Ny mpitsara Meksikana iray dia nibaiko ireo teatra hampiato mandritra ny fotoana voafetra ny fandefasana ilay fanadihadiana Meksikana malaza Presunto Culpable [es] (Voalaza fa Meloka). Ny mpanatontosa ilay horonantsary, tao aminà fanambarana navoaka tao amin'ny vohikalany [es], dia manambara fa ho tohizana ny fandefasana ny fanadihadiana raha tsy maharay didy avy amin'ny governemanta na ny fitsarana ry zareo. Miadihevitra mavitrika momba izany ny tontolon'ny blaogy Meksikana, ary mifantoka indrindra amin'ny fanivànana sy fahalalahana maneho hevitra.
Meksika: Raharaha fakàna an-keriny niantraika tamin'ny fifandraisana ara-diplaomatika amin'i Frantsa.
Meksika sy Frantsa dia manana olana lehibe ara-pifandraisana diplaomatika noho ny fanamelohana ny fakana an-keriny natao-na teratany Frantsay tao Meksika. Florence Cassez no anarany, ary voasambotra tamin'ny taona 2006 izy, nampangaina ho nanao fakana ankeriny ary voasazy 60 taona an-trano-maizina. Ny sakaizan'i Cassez dia mpitarika andian-jiolahy antsoina hoe “Los Zodiacos” (midika...