Tantara mikasika ny Malagasy tamin'ny Jolay, 2011
Panamà: Faniratsiran'ny Presidansy Tanaty Aterineto
Ny Filoham-pirenen'i Panamà, Ricardo Martinelli, dia nahatezitra sy niteraka resabe tao amin'ny Twitter, taorian'ny niheverana azy ho nanevateva mpampiasa iray nanakiana azy tamin'ny teny mahery. Nandà mafy ho tsy nihevitra haniratsira izany anefa ny filoha. Miresaka momba ilay hatezerana ireo mponin'ny aterineto.
Kiobà: Ho Fiarovana ny “Las Damas”
Manohy hatrany manavao ny lahatsorany ireo Kiobana mpitoraka bialogy mikasika ny fanafihana farany tao Las Damas de Blanco (The Ladies in White Ireo Vehivavy Mitafy Fotsy), ka nisy tamin'ireo mpikambana no voalaza fa nizaka "fanafihana ary daroka an-kerisetra nataon'ny olona mpikambana ao amin'ny Mpitandro Filaminam-Panjakan'i Castro, ka taitra hatramin'ny fiangonana
Malezia: Maniry Ny Fialàn'ny Praiminisitra Ireo Mpampiasa Facebook
Nahavondrona mpanohana efa ho 200,000 tao Malayzia sahady ny pejy Facebook Olona 100,000 mangataka ny Fialàn'i Najib Tun Razak andro vitsivitsy taorian'ny niforonany. Tamin'io andro io ihany no nitakiana ny fialàn'ny Praiminisitra rehefa nidina an-dalam-be ireo olona an'arivony nandritra ny famoriam-bahoaka Bersih 2.0, famoriam-bahoaka mpomba ny demôkrasia izay noravàn'ny pôlisy tamin-kerisetra.
Serbia: Fanehoan-kevitra Voalohany Momba Ny Fanafahana Madiodio An'i Sandor Kepiro
Ny Alatsinainy 18 Jolay 2011, nafahan'ny fitsarana iray ao Bodapesta i Sandor Kepiro, kapitenin'ny polisy Hôngroa tamin'ny ady lehibe faharoa izay nanao raharaha miaramila tany Serbia teo ambany fibodoana sy, izay tsy voa ela akory, “anisan'ny Nazy nokarohina fatratra.” Nampangaina ho nanao heloka bevava tamin'ireo Serba, Jiosy ary Romana nandritra ny Novi Sad izy - fandripahana nataon'i Hôngroa ny volana Janoary 1942.
Pakistana: Mangataka Hitsaràna Ny Raharaha Saleem Shahzad
Maro ireo niahiahy ny sampam-pitsikilovana eto amin'ny firenena ho ao ambadik'io fakàna an-keriny sy famonoana an'i Shahzad tamin'ny May 2011, tompon'andraikitry ny biraon'ny Asia Online na Azia anaty aterineto. Ny vaomieram-pitsarana napetraka hanadihady momba ilay vono olona dia nitaraina noho ny tsy fahampian'ny fanampiana tonga, ary betsaka ireo matahotra ny hanoheran'ny olona ny valim-pitsarana.
Sodàna Atsimo: Afaka Ihany Nony Farany!
Nahazo firenena vaovao i Afrika : Ny repoblikan'i Sodàna Atsimo. Nanao fitsapan-kevibahoaka i Sodàna Atsimo ny 9 Janoary 2011; amin'ny hoe hijanona ho faritr'i Sodàna ve izy sa tsia. Taorian'ny fifidianana saika lanin'ny besinimaro (99%) ho an'ny fahaleovantena hiala amin'ny avaratra, dia nambara tamin'ny 9 Jolay 2011 ny fahaleovantena ofisialin'i Sodana Atsimo. Miresaka mikasika ity vanim-potoana manan-tantara ity ireo mpitoraka bilaogy.
Shina: Ento Any Amin'ny Faritra Ambanivohitra Ireo Bokinao
Yu Jianrong, Sinoa manampahaizana malaza amin'ny fampandrosoana ny any ambanivohitra sy ny fanoherana ara-tsosialy miainga avy any fototra, dia namoaka fanentanana tselatra mba hizaràna boky efa niasa ho an'ireo tanàna ambanivohitra tany ampiandohan'ny volana Mey.
Korea Atsimo: Misedra Fanakianana Mahery Vaika ny Fiara Natokana Ho An'ny Vehivavy Any Anaty Metro
Satria mitombo be ny herisetra ara-nofo any anaty metro, indrindra mandritra ny ora maha betsaka ny mpandeha sy rehefa alim-be, nanapa-kevira ny governemanta ao Seoul hametraka fiaran-dalamby natokana fotsiny ho an'ny andriambavilanitra mba hampiatoana ny fiakaran'io taha io. Na izany aza, niteraka fanehoan-kevitra nafampàna tokoa teo anivon'ny Koreana Tatsimo mpampiasa aterineto ilay fihetsika.
Koety: Miady Amin'Ireo Orinasa Mpanome Tolotra Aterinto Ny Bilaogera
Tato anatin'ny roa volana, ireo bilaogera Koetiana dia nanao fanentanana manohitra an'ireo mpanao tolotra aterineto izay manery amin'ny famerana ny 'bande passante" (Avy amin'ny mpandika : asa raha azo atao hoe "Fatran'onja" izy io), ny vola lafobe aloa efa hatramin'ny taona lasa, izay sanda nifanarahan-dry zareo fa hampitoviana, ary dia mamono araka izany ny fifaninanana eo amin'ny tsenan'ny aterineto.. Manaparika izany hetsi-panoherana izany i Mona Kareem.
Brezila: Tatitra Miampanga Ny Fomba Ratsy Fanao Tsy maharitra ataon'ireo Orinasa Mpamokatra Angovo Avy Amin'ny Zava-maniry
Ny solika avy amin'ny zava-maniry dia nohobiana ho ny fomba tsara indrindra hivoahan'ny tontolo amin'ny ady fikarohana loharanon'angovo. Nolazaina ihany koa fa ity no vahaolana "maitso" afaka mampidina ny fandefasana entona karbôna. Manambara anefa na izany aza ny fanadihadihana iray nataonà ONG Reporter Brazil (mitatitra momba an'i Brezila) [pt], ny volana May farany teo, momba ny sehqa-pamokarana alikaola (ethanol) Breziliana fa ny solika avy amin'ny zava-maniry dia mety ho vidiana lafo eo amin'ny ara-tsosialy sy tontolo iainana
