Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fihetsiketsehana Nataon'ny Tanora Tany Syria Hanohanana Ny Syrian Air

(Marihana fa tamin'ny 8 Febroary 2010 no nanoratana ny lahatsoratra teny Anglisy)

Syrian Air - Photo courtesy of Fadi Halisso

Syrian Air – Sary natolotr'i Fadi Halisso

Nanomboka tamin'ny Volavolan-dalàna momba ny Tamberin'andraikitra ao Syria (Syria Accountability Act: SAA) tamin'ny taona 2004, dia nametraka andianà sazy ara-barotra sy ara-toekarena ho an'i Syria i Etazonia. Nisy fiantraikany teo amin'ny fiainana andavanandron'ny olom-pirenena Syriana tamin'ny sehatra maro ilay sazy, anisan'izany: ny famerana mivezivezy any ivelany, ny fandraràna ny rindrambaiko sy ny fanondranana fitaovan'ny teknolojia, ary ny famerana ny serasera ara-barotra ihany koa.

Ankoatra izay, namely mafy ny zotra an'habakabaka Syrian Air ireo sazy ireo. Tamin'ny fandraràna ny fividianana fiaramanidina ara-barotra vaovao sy ny fividianana kojakoja hanoloana ny simba ho an'ny fiaramanidina, nahena ho telo monja sisa araka izany ny isan'ireo fiaramanidina miasa .

Nanomboka nanao fanentanana ny vondrona tanora Syriana ho fanohanana ny Syrian Air rehefa nahita ny fahavoazana nahazo azy. Nanangana tranonkala sy vondrona Facebook izy ireo, ary nahangona mpanohana an'arivony tao anatin'ny iray volana. Hoy ny fanambaran'ny tranonkalan'ny fanentanana hoe:

We are calling all who are in charge to release the sanctions on Syrian Air, Syrian Air have the right to buy spare parts and aircrafts..

Miantso ireo tompon'andraikitra rehetra izahay mba hamaha ny sazy mihatra amin'ny Syrian Air,  manan-jo hividy fitaovana hanoloana ny simba sy hividy fiaramanidina ny Syriana Air.

Ary nanamarika ireo mpanentana fa mety hampidi-doza ireo mpandeha izay mandeha amin’ ireo fiaramanidina ireo ireo sazy ireo:

Syrian Air transport civilian from different nationalities.. safety is number one in air transportation… Stop the Sanctions NOW!

Mitatitra olona avy amin'ny firenena samihafa ny Syrian Air.. ny fiarovana no laharam-pahamehana amin'ny fitaterana… Atsaharo DIENY IZAO ny fanasaziana!

Nanoratra momba ilay fanentanana tao amin'ny bilaoginy خربشات ( Kharbashat : soratsoratra) ihany koa ilay bilaogera Syriana Fadi Halisso :

دعونا نسمع صوتنا، صوت المواطن السوري العادي الذي يغار على بلده وعلى شركات بلده الوطنية. لنسمع صوتنا بالعربية وبكل اللغات الممكنة، دونوا بكل اللغات لنوصل صوتنا إلى حكومتنا، الى الحكومة الأمريكية وإلى كل أصقاع العالم بأننا نرفض هكذا عبثية غير مفهومة لا تؤذي إلا المواطن السوري المشغول بملاحقة لقمة عيشه التي لم تسرقها بعد المافيات التجارية ولم تصادرها العقوبات الغبية.
Aoka isika hampiaka-peo, ny feon'ireo olom-pirenena Syriana izay miahy ny orinasan'habakabaka ao amin'ny fireneny. Aoka isika hampiaka-peo amin'ny teny Arabo sy amin'ny fiteny rehetra izay azo atao. Manorata amin'ny fiteny rehetra mba hahatonga ny feontsika ho ren'ny governemantantsika, ho ren'ny governemanta Amerikana, sy ny olon-kafa rehetra eto ambonin'ny tany. Tsy ekenay ireo fahadalan-kevitra izay manimba fotsiny ny olom-pirenena Syriana misiki-ponitra mba tsy ho angalarin'ireo mafia ara-barotra izany, na ho giazan'ny sazy natao tsy am-pisainana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.