Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Hetsi-panoherana Am-pilaminana

(Marihina fa tamin'ny 3 Desambra 2006 no nanoratana ny lahatsoratra teny Anglisy)

Toa mitohy hatrany ny olana ho an'ny mponina ao amin'ny tanànakely ao Huacao any ambanivohitry ny distrikan'i Minxing ao Shanghai. Nampiseho ny tatitra avy amin'ny fampitam-baovao tao amin'ny tanibe roa taona mahery lasa izay [zh] fa rehefa niandry nandritra ny taona maro ireo mponina dia tsy mbola nahazo ny onitra tamin'ny fivarotana ny taniny izy ireo na dia teo aza ny fanambaran'ny mpitondra governemanta tao an-toerana.

Taorian'izany, navoaka tao amin'ny tranonkalam-baovao iray tao Shanghai [zh] tany am-piandohan'ity lohataona ity ny taratasy misokatra ho an'ireo mpitondra governemanta tao amin'ny tanànakelin'i Huacao izay nanambara ny ahiahin'ny mponina mikasika ny tetikasa fanitarana ny làlambe mankany amin'ny tanimbolin'izy ireo. Natao aloha ny taratasy fangatahana fanazavana bebe kokoa ho an'ny sampandraharaham-panjakana sy ny tompon'andraikitry ny governemanta izay tafiditra tao amin'ity tetikasa ity, ho fiarovana ny toeram-pambolena ao amin'ny tanànakely, sy ny fepetra momba ny fanonerana ny mponina.

Tamin'ny farany volana lasa teo, nitatitra ny gazety Sun Daily tao Hong Kong fa nanao dingana lehibe kokoa ireo mponina tao Huacao, azo jerena ao amin'ny fifanakalozan-kevitry ny tranokalam-baovao sy ny tranokalam-baovao amin'ny teny Shinoa any ampitan-dranomasina ny momba ilay tatitra, ny ankamaroan'izy ireo dia tsy mety jerena ao amin'ny tanibe, saingy azo jerena tsy mila proxy kosa ny bilaogy Spaces CNnews MSN [zh].

Raha jerena ao anatin'ny fikarohana Baidu sy ny Google ny andalana voalohany amin'ny tati-baovao dia tsy mbola niseho tao amin'ny fampahalalam-baovao tao Shina tanibe ny tantara – na io tamin'ny teny Anglisy – na dia efa naverina tao amin'ny bilaogy MSN Spaces CNnews  aza ny ampahany tamin'izany:

上海村民堵路示威
香港太阳报记者上海报道/上海虹桥机场附近的华漕镇近日接连发生骚乱,多条乡村的村民不满当局拆迁赔偿过低,多次冲击各自村委会办公地点,并堵塞交通要道,警方拘捕多名村民,但昨日仍有村民在村委会静坐。

Nanao Fanakanan-dàlana ho Hetsi-panoherana Ny Mponina An-Tananakely tao Shanghai
Nitatitra  ny gazety Sun Daily tao Hong Kong fa nisy ny fanakanana tao anatin'ny andro vitsivitsy tao an-tanànakelin'i Huacao, akaikin'ny seranam-piaramanidin'i Hongqiao ao Shanghai. Nanao fanafihana maromaro tao amin'ny biraon'ny komitin'ny tanànakely ireo mponina avy amin'ny tanànakely maro izay tsy afa-po tamin'ny fanonerana azy ireo avy amin'ny manampahefana, ary nanakana ireo làlana lehibe. Nosamborin'ny polisy ny mponina maro, fa ny omaly kosa anefa dia nanohy nanao hetsi-panoherana am-pilaminana tao amin'ny biraon'ny komitin'ny tanànakely ny mponina sasany.

Tsy nety namoaka sarin'ny fihetsiketsehana ny karoka sary anaran'ny tanànakely tamin'ny Baidu sy ny Google, toy izany ihany koa no nitranga tao amin'ny tranokalan'ny olom-pirenena mpanao gazety mpaka sary  Molive.cn, YouTube ary ny folo tamin'ireo tranonkala Shinoa mitovy amin'izany tao amin'ny tanibe .

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.