Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Libia: Hiverina sa Tsia?

(Fanamarihana: lahatsoratra nivoaka tamin'ny Janoary 2007)

Herinandro maromaro lasa izay, nahitana hetsika isankarazany teo amin'ny blaogy Libiana. Io no fanadinana ‘faran'ny taona’ ho an'ny sekoly Libiana ka nanokana lahatsoratra maro ho an'io i Khadijateri.

Amin'ny lafiny iray, lohateny nafampàna iray no nampidirin'i Nura teo amin'ny Ly-Hub. Blaogy fiseraseran'ireo mpanao blaogy ao Libia ny Ly-Hub na koa ‘ireo izay liana amin'i Libia’. Amin'ny ankapobeny, tena mpanambatra vaovao tsotra io. Navoitran'i Nura (eto ambany) ilay olana, izay tena lafovidy tokoa ho an'ny ‘mughtarib‘ tsirairay na ny mpila ravinahitra.

“Naniry ny hanontany anareo rehetra aho – ry rahalahy sy anabavy Libiana malala – raha toa manana faniriana hiverina tsindraindray any Libia koa ianareo na tsia? Koa satria mbola tsy nipetraka tao Libia aho, matetika aho no tena mahatsapa ho tapaka fifandraisana amin'io firenena io ary matetika no tsapako ny filàna miverina any hanao fitsidihana iray mba hanavao indray io fifandraisana io, izay tena efa marefo tokoa.”

Fanontanian'i Nura noraisin'i Anglo Libyan izay nandefa mikasika azy io tamin'ny alalan'ny fanontaniana hoe “Hiverina sa tsia?“. Sahala amin'ny manohintohina ireo Libiana monina any ivelany io.

Azonao hamarinina eto ny resak'izy ireo mikasika azy io ; Anglo Libyan manontany tena hoe “ny olana goavana dia ity, mba handray azy ireo ho tongasoa ao ve i Libia?” ho eken'ireo vahoaka Libiana ve ry zareo sa tsy hiraharaha azy ireo ny vahoaka Libiana sady hitondra azy ireo ho sahala amin'ireo mpifindramonina niverina? maro ireo fanontaniana saingy tsy misy valiny.

Rose Buds, Libiana iray any Texas, manohana ny hoe rehefa mandeha any ivelany isika Libiana, adinontsika ireo zavatra ratsy ao Libia ary ireo zavatra tsara ihany no tsaroantsika. Lazainy fa tsy maintsy mila mpitsidika iray isika mba hampatsiahy ireny endri-javatra rehetra izay mahalasa adala antsika mikasika an'i Libia ireny [misimisy kokoa].

Ny OnLibya no mpanao blaogy iray tena mahaliana izay vao avy narahiko vao haingana. Natokany manontolo ny blaoginy Survey ho amin'ireo raharaha misy ankehitriny ao anaty fiarahamonintsika ny blaoginy, toy ny fanambadiana, fahasalamana ary ny tsikera.

Amin'ny ankapobeny, manamafy ny heviny izy avy eo mitanisa ireo fanontaniany. Fomba tsara izany, ary betsaka no azonao ianarana avy amin'ny ankamaroan'ireo lahatsorany mivantambatana’.

Noho izany, afaka marihintsika indray fa toa samy manana ny zotra arahany ireo blaogy Libiana, izay antony tsy mahatonga azy ireny tsy hahamonamonaina. Mandehana ka trandraho izy ireny.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.