Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Japana: Nankaiza daholo ny dibera?

(Fanamarihana: lahatsoratra nivoaka tamin'ny Aprily 2008)

Nankaiza ny dibera ? – hoy ireo Japone mpanjifa mitaraina rehefa avy nikaroka hatraiza hatraiza ilay vokatra avy amin’ny ronono. Niteraka tsy fahampiana goavan’ny dibera tao Japana ny fitotonganan’ny famokarana ronono velona, ary vao mainka nohasarotin’ny fiakaran’ny vidin'ny voa sy ny fiovan’ny rafitra eran-tany amin’ny fanjifàna vokatra avy amin’ny ronono izany. Andro maromaro izay no tsy tonga nameno ny talantalan'ny vokatra avy amin’ny ronono anatin'ireo tranombarotra manerana ny firenena ny mpamatsy dibera, ary namoaka soratra naneho fialan-tsiny noho ny tsy fisian’izany ireo fivarotana.

Butter shortage
Talantalana babangoana misy soratra manazava fa tsy fantatr’ireo tomponandraikitra ny fotoana hahatongavan'ireo  famatsiana dibera manaraka.

Raha maro ireo bilaogera mitaraina amin’ilay tsy fisianà dibera sy ny olana aterak’izany, ilay bilaogera Bebe Kobo, izay manana orinasa kely mpamokatra ronono tantanan’ny fianakaviany kosa, manome ny fijeriny amin’ireo olana mianjady amin’ny mpamokatra ronono, olana izay niteraka ity tsy fahampianà dibera ity.

たびたびTVや新聞で報道されているように、バター不足が深刻です。

Araka ilay efa voatatitra tamin'ny Fahitalavitra sy ny gazety, tena zava-doza ity tsy fisian’ny dibera ity.

既に報道されていますが、原因は主に牛乳不足といわれています。
牛乳の消費がここ数年ずっと伸び悩んでおり、2006年には北海道で牛乳を廃棄する光景が見られました。そしてかなりの数の牛が殺処分になりました。
それより以前は脱脂粉乳の処分に困り、組合を通じてセメント袋ほどの大きさの袋に入った脱脂粉乳を酪農家は天引きの形で買わされたり、(現在では信じられないけど)年末には大量のバターをこれまた天引きで強制的に買わされていました。

Araka ny efa voalaza dia tsy fahampian’ny ronono hono no antony mahatonga ity tsy fisiana ity.
Tsy niova ny fanjifana ronono hatramin’izay, ary nofongarina ny ronono tao Hokkaido tamin'ny 2006. Nisy ombivavy marobe koa novonoina.
Tsy afaka niala tamin’ny ronono vovony voasodika izy ireo talohan’izay, ka voatery nividy izany tamin’ny kitapo lehibe toy ny lasakanà simenitra ny mpamokatra ronono, ka nalaina tamin'ny karamany ny vidiny tamin’ny fiarahamiasa. Ankoatra izany rehefa tonga ny faran’ny taona, noterena hividy dibera be dia be indray izy ireo ary vola nesorina tamin’ny karamany no nividianana izany (izay toa tsy mampino ankehitriny).

牛乳の消費の伸び悩み。この原因はいくつかあります。いろいろな清涼飲料が増えたこと、少子化で学校での牛乳消費が減っていること、アレルギー、そしてアレルギーでもないのに病的に牛乳を悪者に仕立てる一部の人々…………。ひどいブログだと牛乳をけなしたあげく酪農家は無くなればよい、と書いているものまでありました。

Ny tsy fiovan’ny fanjifàna ronono – misy antony vitsivitsy mahatonga izany. Misy karazany maro ny zava-pisotro maivana. Mihena ny fanjifana ny ronono any an-tsekoly noho ny hakelin’ny taha-piterahana. Misy olona tsy mazaka, ary misy ireo olona sasany izay tsy hoe tsy mahazaka akory fa manaratsy ny ronono … nahita bilaogy mahatsiravina izay aho, noharatsiny ny ronono ary nilaza izy ireo fa nanantena ny tsy hisian’ny mpamokatra intsony.

ことに2005年4月にサンマーク出版から発行された新谷弘実著の「病気にならない生き方」という本。物凄いヒットでした。
これが酪農家だけでなくまともな学者も怒りだすほどとにかく「牛乳が悪い」という価値観で書かれていて、ただでさえ消費が伸び悩む牛乳に決定的なダメージを一時は与えました。

Misy boky iray izay tonga manokana ato an-tsaiko, nosoratan'i Shintani Hiromitsu mitondra ny lohateny hoe “Ny fomba fiainana tsy mankarary” avy amin'ny Sunmark Publishing. Nalaza be izy io.
Niainga tamin'ny fomba fijery hoe “ratsy ny ronono” no nanoratana ity boky ity, tsy ny mpamokatra ronono ihany no tezitra tamin’izy ity fa ireo akademisiana mora tohina ihany koa, ary nanimba ny fahitan'ny olona ny ronono izay efa tsy dia be mpanjifa intsony izy ity.

[…]
2006年に牛を大量処分したツケは確実に消費者を直撃しました。そのひとつがバター不足です。
子牛が一人前になって牛乳を出せるようになるには最低でも2年以上かかります。
自然の摂理に逆らうことはできないのです。

[…]
Miantraika mivantana amin’ireo mpanjifa ny voka-dratsin'ny famonoana faobe ny ombivavy. Iray amin'ireo vokatra ireo ny tsy fahampian’ny dibera.
Mila 2 taona mahery izay vao afaka mamokatra ronono ny zanak'omby iray.
Tsy afaka manohitra ny lalàna voajanahary ianao.

乳製品は化学製品ではありません。健全に牛を飼う構造が機能しないと今後もバター不足のようなことは頻発します。
消費者の皆様のご理解を心よりお願い申し上げます。

Tsy vokatra simika ny vokatra avy amin'ny ronono. Mitranga matetika ny zavatra toy izao tsy fisian’ny dibera izao raha tsy mandeha ny rafitra fiompiana ara-pahasalamana ny ombivavy.
Mangataka ny fahatakaranao amin’ny fahatsoram-po aho ry mpanjifa.

Mitanisa ireo antony lehibe mahatonga ny tsy fisian'ny dibera amin'izao fotoana izao ilay bilaogera anatinà lahatsoratra iray hafa navoaka taty aoriana.

1 EU加盟国(フランスなど)が乳製品の輸出のための補助金が付かなくなり、従来日本などに輸出されていたバターが国内消費に回されていること、中国やロシアやインドなどの生活水準が上がり、そちらにバターなどが流れているという事情も輸入バターの不足に繋がっています。

1. Tsy iantohana amin’ny famatsiambola intsony ny fanondranana ny vokatra avy amin’ny ronono any amin'ny firenena eoropeana (toa an'i Frantsa), ary efa natokana ho an’ny fanjifàna anatiny ny dibera izay tokony nalefa tany Japana sy ireo firenena hafa. Nalefa tany amin’ny toerana hafa ihany koa ankoatra izay ny dibera tokony nalefa tany amin’ny firenena nahitana fiakaran'ny fari-piainan'ny olona toy ny any Sina, Rosia ary India, ka nahatonga ny tsy fahampian’ny dibera nafarana.

2 加えて豪州は2年連続の大干ばつ。酪農家の飼料代高騰の大きな原因になっている他バターなどの輸出量に影響を及ぼしています。

2. Ankoatra izany, roa taona nifanesy i Aostralia no niaina ny Tsy Fisiana Lehibe. Tsy vitan'ny hoe niakatra ny vidin-tsakafo fa voakasika ihany koa ny habetsahan'ny dibera nahondrana.

3 国内事情は前の日記に書いたように牛乳不足でうまくバターなどに牛乳が回りません。
またバターを製造すると脱脂粉乳ができるのですが、脱脂粉乳が売れずまた在庫を抱えることになるので、一気にバターの製造量を増やせない事情があります。
例えば缶コーヒーなどでも最近は脱脂粉乳より生乳を加えたものの方が味が良いため、飲用乳がそちらに回り、生乳不足に拍車をかけています。

3. Araka ny nosoratako tao amin'ny diariko teo aloha, tsy ampy ny fizarana ronono noho ny tsy fisiany, izay no toejavatra iainan'ny ao an-toerana.
Ary koa, satria amin’ny fotoana amokarana dibera no ahazoana ronono voasodika, raha tsy lafo ny vovo-dronono dia miandrona ao fotsiny ka lasa tahiry, ary miteraka toe-javatra tsy ahafahana mampitombo ny habetsahan’ny dibera vokarina indray mandeha izany.
Ohatra : ny zavatra toy ny kafe amin’ny kanety tsaratsara kokoa raha ampiana ronono velona fa tsy ronono voasodika, ka ampiasaina amin’izay antony izay ny ronono velona noho izany, ary mampitombo ny tsy fisiany izany.

とにかく酪農の安定した推移や、乳製品のバランスのよい需給対策を抜本的に国レベルで考えない限りまたバター不足は繰り返されると懸念しています。
「食糧の自給」問題の一端がこのバター騒動です。

Na izany na tsy izany, raha tsy misy fepetra lehibe raisina ampitovian-danja ny tolotra sy ny tinady amin’ny vokatra avy amin'ny ronono amin'ny sehatra nasionaly, manahy aho fa hiverimberina foana io tsy fahampian’ny dibera io. Ampahany amin'ny olana momba ny “fahaleovantena ara-tsakafo” ny resaka rehetra momba ny dibera.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.