Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Miantso an'i Guo Baofeng hiverina hody hisakafo hariva!

(Lahatsoratra teny Anglisy efa tamin'ny volana Jolay 2009)

Notazonin'ny polisy Mawei ao Fujian nandritra ny herinandro mahery ilay bilaogera Peter Guo Baofeng. Araka ny tatitry ny twitter (efa voasakana), Nangataka tamin'ireo enina notazonina, anisan'izany i Peter Guo, mba hanasonia fiaiken-keloka sy hiaiky fa nanao heloka bevava amin'ny fanalam-baraka sy fanaparitahana tsaho ho takalon'ny famotsorana azy ireo ny polisy ao Mawei.

Ankoatra izany, dia nifandray tamin'ny fianakavian'i Guo (ray sy anabavy) ny polisy Mawei omaly tolakandro (23 jolay) mba hankany amin'ny paositry ny polisy ary handresy lahatra azy mba hanasonia fiaiken-keloka. Na izany aza, tsy navelan'ny polisy hihaona mivantana an'i Peter ireo fianakaviana, fa kosa nasaina nanoratra taratasy fanoherana izy ireo. Namaly tamin'ny taratasy nosoratany ihany koa i Guo, nanizingizina fa tsy nanao zava-dratsy izy ary tsy nety nanao fiaiken-keloka. Nangataka ny anabaviny izy avy eo mba handefa akanjo sy vola ho azy.

Na dia teo aza ireo mpisolovava mpiaro ny zon'olombelona nanome fanampiana, dia tsy nety nanakarama mpisolovava ny dadatoa sy ny rain'i Peter Guo, amin'ny lafiny iray noho ny tsy fananam-bola, ary amin'ny lafiny hafa satria tsy niombon-kevitra tamin'ny fomba nanakianan'i Peter ny polisy manampahefana tamin'ny tranga fanolanana faobe nihatra tamin'i Yan Xiaoling izy ireo. Soa ihany, fa nilaza ny ny vaovao farany avy amin'ny mpisolovava momba ny zon'olombelona, ​​Liu Xiaoyuan fa nankatoavin'ny filoha ambony indrindra ihany nony farany ny fitsidihan'ny mpisolovava ao amin'ny tobin'ny polisy Mawei amin'ny Alatsinainy ho avy.

Mandritra izany, manentana ireo mpiserasera mba hiloa-bava ireo naman'i Peter ao amin'ny twitter, toy ny famoahana sticker hoe: Guo Bofeng, miantso anao mba hody hisakafo hariva ny reninao! ao amin'ny bilaogin'izy ireo:

amoiist-sticker

Ny sasany kosa manome soso-kevitra mba handefa karatra paositra any amin'ny: Guo Baofeng, Efitra 205, Trano Fihazonana No.2, distrikan'i Cangshan, Fuzhou, Fujian, Shina 350018 (福州 仓山区 城门 樟 岚 村 下 董 自然村 福州市 第二 看守所 205 仓 郭宝锋 收,邮编: 350018), mba hiteny amin'ny polisy Mawei fa manaraka ny raharaha izao tontolo izao.
postcard

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.