Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Paragoay: Mitsipaka Tsy Handray Ny Karamany Ny Filoham-pirenena Vaovao

(Fanamarihana: lahatsoratra nivoaka tamin'ny Aogositra 2008)

Natombony tamin'ny fanambaràna fa ho laviny ny fomba fitondra azy, ny fe-potoana vaovao an'ny Filoham-pirenena Paragoay [amin'ny fiteny anglisy], Fernando Lugo [amin'ny fiteny anglisy]. ” Tsy ilaiko io karama io, izay volan'ny mahantra” [amin'ny fiteny espanola], hoy ny fanambaràn'i Lugo [ampahatsiahivina fa Joseph Stiglitz , nahazo ny Loka Nobel momba ny toekarena, dia nanolotra ihany koa maimaimpoana ny asany ho an'i Paragoay]. Manana fomba fijery samihafa ireo blaogera eo an-toerana mikasika io olana io: ireo sasany mitehaka an'io fanapahankevitra io, ny hafa kosa manontany tena hoe ahoana no hiatrehan'i Lugo ireo fandaniany manokana.

Carlos Rodríguez, eo amin'ny blaogim-baovao an'ny olom-pirenena Rescatar [amin'ny fiteny espanola], mamintina ireo fanehoankevitra sasantsasany ao anatin'ny gazety, manamaivana ny mety ho faritra tratr'io fihetsika io sady manipika fa i Lugo pretra teo aloha dia sady tsy manambady no tsy manan-janaka iadidiana, raha toa ireo hafa manontany tena hoe ampiasainy amin'inona ireo vola natokana ho an'ny Fiadidiana ny Lapa. Fijery hafa no ahitan'i Carlos Rodríguez ilay zavatra:

En ese contexto, el anuncio de Lugo de renunciar a su salario, nosotros lo interpretamos como un mensaje de “no vengo por el dinero”.
Trascendente y crucial mensaje en una nación en la que un elevado porcentaje de políticos, elevadísimo más bien, se lanza al ruedo en busca de poder político para alcanzar lo más pronto posible el poder económico, justamente robando.

Ao anatin'io toejavatra io, ny fanambaràn'i Lugo handà ny fomba fitondra azy io dia adikantsika ho toy ny hafatra hoe: “tsy noho ny vola no hipetrahako eto”. Hafatra ambony dia ambony sady mahery ao anatina firenena izay ambony ny isanjaton'ireo mpanao politika, ary tena ambony be, mitsofoka anaty fikatsahana fahefana politika mba hanatrarana haingana araka izay azo atao ny fahefana ara-toekarena, amin'ny fangalarana.

Jorge Torres Romero, eo amin'ny blaogy Detrás del Papel [amin'ny fiteny espanola], tsy mitovy fijery toy izany an'ireo zavatra ireo ary tsy mieritreritra afa-tsy ny hoe fanapahan-kevitra hendry io:

Al día siguiente de este anuncio de Lugo, algunos medios de prensa lanzaron la pregunta si quien se animaba seguir el ejemplo del presidente. Obviamente, nadie. Federico Franco, por ejemplo, aclaró que tiene una familia que mantener y vaya razón más que suficiente para no desprenderse de ese derecho legítimo de cobrar su salario.

¿De qué va vivir el presidente?¿Quién pagará por su ropa, su comida y otros gastos que pueda tener?¿Es tanto el ahorro que tiene?¿Vivirá de la renta de sus inmuebles?¿Estará pagando sus impuestos? ¿O esperará la colaboración, los regalos e invitaciones de los amigos?

Ny ampitson'ny fanambaràn'i Lugo, media sasantsasany no nametra-panontaniana mba hahalalàna raha toa nisy te-hanaraka ny ohatra nataon'ny filoham-pirenena. Mazava ho azy, tsy nisy. Federico Franco (Filoha Lefitra vaovao), ohatra, nanambara fa manana fianakaviana ahiana izy ka noho izany, antony iray ampy tsy hisakanany ny zony ara-dalàna amin'ny fahazoana ny zony ara-drariny handray ny karamany izany.

Inona izany no hiainan'ny Filoha? Iza no handoa ny vidin'ireo fitafiany, ny sakafony, ary mikasika ireo fandaniana hafa tokony ho ataony? Sa ireo tahiriny ve? Hiaina amin'ireo vola miditra amin'ireo tranony ve izy? Handoa hetra ve izy? Sa hiandry fanampiana izy, ireo fanomezana sy fanasàna avy amin'ireo namany?

Sarikely an'i Fernando Lugo APC nampiasàna ny fahazoandalàna Creative Commons.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.