Raha toa ianao ka liana te hahafantatra bebe kokoa momba ny sasany amin'ireo fomban-drazana taloha be tany Japana, vakio ny  kaonty Twitter Unusual Festivals of Japan Club, (na ‘KFC’ raha hafohezina, ny ‘K’ dia fanafohezana midika hoe 奇 祭, kisai, na ‘tsy mahazatra’). Mandefa sioka imbetsaka isan'andro ny KFC, mandrakitra momba ireo fomba nentim-paharazana teo an-toerana tany Japana, izay efa maherin'ny arivo taona ny sasany amin'izy ireo.

Amin'ity fetibe mitranga ao amin'ny Saikanosy lavidavitra ao Noto, mandehandeha manodidina ireo toerana masina goavana azo bataina ireo lehilahy mamo mba hanamarika ny fiafaran'ny fijinjana.

奇祭過去レポ・石川県七尾市の久麻加夫都阿良加志比古神社の毎年9月20日に開催される、「お熊甲祭り」を訪問。『枠旗』という高さ20m重さ1tにもなるのぼりをサルタヒコが導き、男たちが威勢をあげながら社殿に一気に駆け上がる姿が圧巻でした！pic.twitter.com/dPW9yknEK2

— 奇祭ファン倶楽部(KFC) (@clubkisai) May 4, 2018

Isaky ny 20 septambra, manatontosa ny fetibe ‘Okuma Kabuto’ ny toerana masina Kumakabuto Arakashihiko ao Nanao, Ishikawa. Toerana masina azo entin-tanana milanja 1 taonina miaraka amin'ny andry 20 metatra antsoina hoe orsa ‘wakuhato’ Sarutahiko Okami (iray amin'ireo ‘kami lehibe enina’ amin'ny Shinto). Ny zava-nisongadina tamin'io andro io dia ny fijerena ireo orsan'ny toerana masina mirohotra eny an-tendrombohitra mba hamoaka ilay andriamanitra ao amin'ny efitra lehibe indrindra amin'ny toerana masina.

Azo jerena ao amin'ny Youtube ireo sarin'ny fetibe, tahaka ny maro hafa izay noraketin'ny KFC:

Fetibe iray hafa ny fankalazana ny Sugawara no Michizane, andriamanitra mitoetra ao Tenman-gu, toerana masina iombonana hita ao amin'ny faritra maro ao Japana. Tao amin'ity toerana avaratr'i Japana ity, mahatsiaro an'i Sugawara no Michizane amin'ny alalan'ny fisotroana misaron-tava ireo mpandray anjara amin'ny fetibe:

【山形・化けものまつり】＜5月25日＞鶴岡天満宮の天神祭。菅原道真が配流される時に道真を慕う人々が時の権力にはばかって顔を隠し、姿を変えて酒を酌み交わして惜しんだという言い伝えから、変装した人々が無言で酒やジュースを振る舞う。 pic.twitter.com/rBTKSR3yu1

— 奇祭ファン倶楽部(KFC) (@clubkisai) May 3, 2018

‘Fetim-Biby” Yamagata (Bakemono no Matsuri, 25 Mey isan-taona): Fetibe Sugawara no Michizane, toerana masina Tenman ao Tsuruoka, prefektioran'i Yamagata. Taorian'ny fandraràna an'i Sugawara no Michizane (taorian'ny didim-pitsaran'ny fitsarana teo amin'ny 1000 taona lasa izay), voalaza fa novain'ny mpanara-dia azy ny endrik'izy ireo rehefa niara-nisotro, natahotra ny ampifandraisina taminy. Amin'ity fetibe ity, misotro sake mangingina na zava-pisotro mangatsiatsiaka no sady mandihy ireo mpandray anjara.

Toerana masina azo bataina, antsoina hoe mikoshi, no mitana anjara toerana lehibe amin'ny fety japoney. Ity fetibe iray any Uji, ao amin'ny prefektioran'i Kyoto ity, dia manasongadina ny mikoshi izay mibata Brahma-Deva, andriamanitra mpiaro manan-danja ao amin'ny Bodisma Japoney.

【京都・あがた祭り】＜6月5日～6日未明＞別名「暗闇の奇祭」。梵天とよばれる竹棒の先へ奉書を球状に束ねた祭具を乗せた神輿を男衆が担ぎ、激しい「ぶん回し」や左右前後に揺さぶる「差し上げ」をしながら町の深夜の暗闇の中を練り歩く。 pic.twitter.com/45dNhysKrl

— 奇祭ファン倶楽部(KFC) (@clubkisai) May 4, 2018

Kyoto Agata matsuri: tontosaina isan-taona manomboka amin'ny 5 jona ka hatramin'ny faran'ny volana (antsoina koa hoe kurayami kisai, na ‘fombafomba matroka’). Ny mpikarakara ny fetibe dia mitatitra ‘Brahma-Deva’ (bonten, 梵天), andry bararata miaraka amin'ny taratasy boribory izay atao toy ny toeram-pivavahana azo bataina. Manozongozona ny andry avy any ankavia miankavanana ireo mpanatrika rehefa mandehandeha mandritra ny alina.

Ny tranonkala Green Shinto, loharanom-baovao mahazatra hatrany momba ny vako-drazana nentim-paharazana Japoney, manazava izay mitranga mandritra ny fizotran'ny fetibe:

There were two floats, both borne on the shoulders of men in happi. One had a fierce looking shishsi (Chinese lion) and the men yelled ‘yoiya, yoiya’. The other represented Bonten, a kami protector of Buddhism represented by a pole with white paper streamers. (According to the shrine office at Agata Shrine, when the deity there is transferred to the float, it mutates into Bonten.) Here the men were shouting, ‘Washoi, washoi.’ As the float was carried around, one of the men stood on top and grasped the pole with one hand, his head buried in the paper streamers, with the other hand stretched out in protective manner […]

Nisy sambo roa, samy nentina teo an-tsandrin'ireo lehilahy tao happi. Nanana endrika shishsi masiaka (liona Shinoa) ny iray ary mitabataba hoe ‘yoiya, yoiya’ ireo lehilahy. Ny iray hafa kosa maneho an'i Bonten, kami mpiaro ny Boddhisma asehon'ny andry misy soratra amin'ny taratasy fotsy. (Araka ny filazan'ny biraon'ny toerana masina ao amin'ny doany Agata, rehefa nafindra tao amin'ny sambo ny andriamanitra, dia niova ho Bonten izy.) Nihiaka ireo lehilahy teto hoe: ‘Washoi, washoi.’ Satria nentina teny amin'ny manodidina ny sambo, nitsangana teny amin'ny farany ambony ny iray tamin'ireo lehilahy ary nihazona ny andry tamin'ny ilan-tanana, niafina tao amin'ny sora-baventy an-taratasy ny lohany, ary ny tanana iray kosa nihinjitra amin'ny fomba miaro […]

Azo jerena ao amin'ny Youtube ny lahatsary fohy tamin'ny fetibe:

Mandray anjara lehibe amin'ny vakoka Japoney ny fosa. Iray amin'ireo andriamanitra malaza indrindra any Japana ny Inari, andriamanitra fosa, maneho ny vintana tsara, ny harena amam-boninahitra sy ny fahavokarana:

【山口・稲穂祭】＜11月3日＞花岡福徳稲荷社に祀られる狐が五穀豊穣・商売繁盛をもたらすとして「狐の嫁入り」が執り行われる。市民から夫婦役が選ばれ新婦役の女性は良縁に恵まれ縁結びの利益もあると言われるが、夫婦役が誰かは明かされない。 pic.twitter.com/NuTNfCxCjZ

— 奇祭ファン倶楽部(KFC) (@clubkisai) May 3, 2018

Fetiben'ny Yamaguchi Inari: Isaky ny 3 Novambra, dia misy ny “fampakaram-badin'ny fosa” (kitsune no yomeiri) atao ho an'ny fosa (andriamanitra) omen-kasina ao amin'ny toeram-pivavahana Hanafukutoku Inari, mba hanantenana fahavokarana sy fanambinana. Safidin'ny mponina eo an-toerana ny anjara asan'ny ampakarina sy ny mpampakatra, ary ireo izay milalao ny anjara asan'ny ampakarina dia lazaina ho kandidà sahaza ho an'ny fanambadiana amin'ny mahamendrika ny hetsika. Na izany aza, ny mombamomba ny ampakarina sy ny mpampakatra dia tazonina ho tsiambaratelo.

Efa taloha be ny sasany amin'ireo fetibe asongadin'ny KFC. Ity fetibe ity any amin'ny faritanin'i Nara atsimo ity dia efa mihoatra ny arivo taona ary mifandray amin'ny vavaka an-tendrombohitra ao amin'ny faritra.

【奈良・蛙飛び】＜7月7日＞金峰山寺の蓮華会の一環の行事。修験道を軽んじて鷲にさらわれ、改心後悔しているところを高僧に蛙の姿に変えて救い出された男が法要が一段落した後に外陣に現れ、受戒導師の法力によって人間に立ち返る。 pic.twitter.com/BE2OKqqy8x

— 奇祭ファン倶楽部(KFC) (@clubkisai) April 30, 2018

Fetiben'ny Nara Fitsambikinan'ny Sahona (kaeru tobi), 7 Jolay: Iray amin'ireo hetsika maro fanao isan-taona ho fankalazana ny fombam-pivavahana rengekai isan-taona ao amin'ny tempolin'i Kimpusen ao Nara. Nisy lehilahy nanendrikendrika andriamanitra iray teo an-toerana, ary vokatr'izany, nisy voromahery lehibe nanantona azy teo an-tampon'ny tendrombohitra. Rehefa nahita ilay lehilahy sy namindra fo taminy, nanova azy ho sahona ny pretran'ny tempolin'i Kinpusen mba hahafahany midina ny harambato ary hiverina eny amin'ny olombelona indray.

Manome fijery amin'ny antsipirihany bebe kokoa momba ity fetibe natokana ho an'ny sahona mitsambikina ity lahatsary ity.

Manasongadina ireo fomban-drazana malaza any ambanivohitr'i Japana, toy ny “bull sumo” na tolon'omby ny kaonty Twitter KFC.

【愛媛・宇和島闘牛大会】年に数回行われている。牛同士が相撲形式で角と角をつきあわせるタイマン勝負。番付表も作られている。時間無制限で行われ、戦意喪失して逃げた牛が負けとなる。負けた牛のほうへ慰めの意味を込めて多く給金が支払われる。 pic.twitter.com/9C7tm3UUoI

— 奇祭ファン倶楽部(KFC) (@clubkisai) April 20, 2018

Uwajima, Ehime bull sumo (ushi-zumo): Tontosaina imbetsaka isan-taona, miatrika ny lanonana sumo amin'ny fifaninanana iray-sy-iray ny omby. Omena laharana ireo omby, ary tsy misy fe-potoana mandritra ny fifaninanana. Ireo ombilahy izay mamoy ny ainy sy miezaka mitsoaka no resy. Ho fampiononana, mitaky ny vola loka izay omby resy.

Fomban-drazana iray hafa mahaliana nofariparitan'ny kaonty KFC ny fomba fanao Okinawan taloha iray dia ny hajichi, na ny tombokavatsa nentim-paharazana.

【沖縄・ハジチ（針突）】かつて行われていた沖縄女性の風習。12、3歳ごろから大人の女性になった証、既婚の証として手の甲に刺青をほどこしていた。ハジチはオシャレであると同時に家族にとっては誇らしいことで、初めて入れた日はお祝いをした。 pic.twitter.com/Zw0VmZ4N5c

— 奇祭ファン倶楽部(KFC) (@clubkisai) April 21, 2018

‘Hachiji’ Okinawa: Noho izy anisan'ny fomba amam-panao tohizan'ny vehivavy eo anelanelan'ny 12 ka hatramin'ny teloambinifolo taona any Okinawa, any amin'ny faritra atsimo andrefan'i Japana, asiana tombokavatsa ny tanana mba hanamarinana ny fandalovana eo amin'ny fahatanorana, ary koa (amin'ny taona manaraka) ho porofon'ny fanambadiana. Heverina ho lamaody sy mahafinaritra ireo tombokavatsa, ary ankalazaina miaraka amin'ny fianakaviana ny fotoana fanaovana tombokavatsa voalohany.

Nanjavona hatramin'ny fiafaran'ny Ady Lehibe Faharoa ity fomba fanao ity, saingy manome tontolo mahaliana momba ny hachiji i Lex McClellan, izay manoratra ao amin'ny Medium.

Fomba amam-panao hafa eny amin'ny faritra asehoan'ny kaonty KFC ny fomba fanaon'ny Yomeburi, izay mitranga any amin'ny morontsirak'i Japana, any amin'izay toerana rehetra ahatrarana buri, trondro hohanina mahazatra mandritra ny ririnina any Japana. Ny sary ao anaty sioka dia avy amin'ny sarimiaina manga sy ny andian-tsarimiaina Zazavavin-drano ny vady ampakariko (瀬戸の花嫁).

【富山・嫁ぶり】娘を嫁に出した年は年末にお歳暮として嫁いだ先の家へ婿の出世を願って出世魚のブリを送る。なるべく大きく、立派なものを届けるのが良いとされている。氷見漁港で水揚げされる氷見ぶりは醤油をはじくほど脂のノリが良い最高級品。 pic.twitter.com/Xmi4h6yFPh

— 奇祭ファン倶楽部(KFC) (@clubkisai) April 29, 2018

(Sarimiaina mampiseho zatovovavy manana tavan-trondro)

Fetibe Toyama Yomeburi: Amin'ity fetibe ity, rehefa miala ao an-trano mba ho lasa vady ny zanaka vavy, mandefa buri (karazana trondro) fanomezana faran'ny taona ho an'ny fianakavian'ny mpampakatra ny fianakavian-dravehivavy, ho fanantenana fahombiazana eo amin'ny fiainana. Ny buri dia tokony ho be valarana sy lehibe araka izay azo atao. Any amin'ny toeram-panjonoana any Himi, Toyama, lazaina fa matavy loatra ny buri ary ny tavy no mankaloa saosy soja.

Mandefa imbetsaka momba ny vakodrazana [rehefa vakoka fa tsy hoe hira ihany] Japoney isan'andro ny kaonty Twitter KFC. Raha amin'ny teny Japoney matetika ireo sioka, ny sary ihany no manome topi-maso mahavariana momba ny fiainana Japoney.