Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fijoroana Kiorda: Fanavaozam-baovao telo herinandro

(Marihina fa tamin'ny 16 aogositra 2006 no nivoaka ny lahatsoratra teny anglisy)

Rehefa niato kely aho dia niverina indray ary nanendry tany ho any…nandalo ny roatokombolana ary maro ny zavatra azo tantaraina….

Nambara tamin'ny faran'ny volana jolay fa hanao fitetezan-tany an'i Etazonia sy i Eoropa ho fampiroboroboana i Bayan Sami Abdul Rahman hiresaka an'i Iràka hafa- Kiordistana Irakiana. Raha tokony ho varavarana lehibe misokatra izany hampiroboroboana ny kolontsaina kiorda, dia eo ho eo ihany no nandraisana azy. Tsy natoky ilay fanentanana dokambarotra ireo bilaogera tsy kiorda ary tahaka izany koa ireo mpankasitraka ny ady ao Iràka sy ireo avy amin'ny elatra ankavanana tamin'ny antsafa fohy niresahana ny hevitra lehibe tao amin'ny Tranonkalan'ny Iràka hafa. Indrisy, tsy nanararaotra tamin'ity varavarana misokatra ity ireo bilaogera kiorda. Nanao doka ny filazana i Vladimir ao amin'ny From Holland to Kurdistan (tahaka izany ihany koa ny Kurdistan Blog Count), ary namoaka sombiny milaza fa nandray anjara tamin'ny fanentanana ny The Other Iraq ilay mpiantsehatra John Stewart.

Koa satria tany Libanona ry zareo raha nitranga ny toe-javatra, dia mbola niresaka ny fiantraikan'ny ady ihany ireo bilaogera kiorda. Roj Bash! nanome ny tantaran'ny Kiordan'i Libanona. Navoakan'i From Holland to Kurdistan kosa ny fanambaràna fanamelohan'ny Antokon'i Kiordistan ao Lebanona ny fanafihana Israeliana. Kurdish Aspect nanoratra ny fiezahan'ny governemanta tiorka hahamirazotra ny PKK sy ny Hezbollah. Ary i Sami avy ao amin'ny An Iraqi's Thoughts nanoratra ny fiovan'i Afovoany Atsinanana tamin'ny fomba tsy nampoizina tamin'ny ady nifanaovan'ny Hezbollah sy i Israely.

Ankehitriny miala amin'ny tamberina isika ka mankany amin'ireo bilaogy tsirairay. Hiwa avy ao amin'ny Hiwa Hopes nanoratra ny maha-zava-dehibe ny 21 Aogositra, ny andro manamarkika ny fanentanana Anfal namelezana ny Kiorda. Mandrisika ny Kiorda rehetra izy hampiseho amin'izao tontolo izao amin'io andro io ny fileferan'ny vahoaka kiorda. Ny tantara hafa nomeny antsika dia ny raharaha iray nampalahelo nahazo ilay Kiorda iray nitady fialokalofana izay nanimba ny herijikany hahazo fandresena tamin'ny raharaham-pitsarany rehefa niangaviana izy hianiana amin'ny Koràny. Ary farany, notsikerain'i Hiwa ny politika vaovao fitsinjarana ny loharanon-karena nataon'ny Fiadidiam-Paritr'i Kiordistana ho toy ny zavatra tokony ho natao efa hatry ny ela.

From Holland to Kurdistan nanoratra ny tranonkalam-baovao Kiorda miorina ao Holandy, ny Azady.nl, nosomparan'ny mpisovoka Tiorka. Lohahevitra hafa indray ny tatitra farany natao tamin'ny Vondrona Eoropeana momba ny toe-draharaha ara-kolontsaina an'ireo Kiorda ao Torkia  sy ny fomba ahatongavan'ny Kiorda sy ny Tiorkmana any Iràka ho ohatra tonga lafatry ny fandriampahalemana. Ary ny farany indrindra, manana ny lahatsoratra tsara dia tsara momba ny fampihorohoroan'ny PKK izy:

I will now deal with one of the most controversial issues in Turkey: “PKK terrorism”. Personally I do not like to use the word terrorism. For Turkey the PKK is a terrorist organisation and for a lot of Kurds, they are freedom fighters. In this era of the war “against terrorism”, the word terrorism appears a lot on the TV screens. Many times “terrorist” actions are used to fight “terrorism”. Often governments turn into totalitarian and oppressive institutions, only to combat terrorism. Therefore I refrain from using the word terrorist, as it’s clearly biased. Both the Turkish state and the PKK used violence in the past. And I also refrain from calling them both terrorists!…..

….In my humble opinion the main problem is not the PKK. “Terrorism” is mostly a result of political exclusion and social exclusion. And that’s the problem! Kurds are excluded from a democratic and free environment in Turkey. Next to this problem is the recent upsurge of violence (2004) coming from both sides. This violence endangers a democratic and peaceful solution to the Kurdish issue.

Hiresaka momba ny iray amin'ireo lohahevitra anisan'ny mampisara-tsaina indrindra ao Torkia aho: “ny fampihorohoroan'ny PKK”. Izaho manokana tsy tia mampiasa ny voambolana fampihorohoroana. Fikambanan'ny mpampihorohoro ny PKK ho an'i TTorkia fa mpiady mitady fahafahana kosa izy ireo ho an'ny maro amin'ny Kiorda. Ao anatin'izao vanim-potoana “iadiana amin'ny fampihorohoroana” izao, niseho imbetsaka tamin'ny efijerin'ny fahitalavitra ny voambolana fampihorohoroana. Imbetsaka ny hetsika “fampihorohoroana” no entina iadiana amin'ny “fampihorohoroana”. Matetika ny governemanta no mivadika ho andrimpanjakana tsirefesimandidy sy mpamoritra, rehefa hiady amin'ny fampihorohoroana. Izaho anefa tsy te-hampiasa ny voambolana hoe “mpampihorohoro”, satria efa natao hampitongilana miharihary izany. Samy efa nampiasa herisetra na ny fanjakana tiorka na ny PKK. Ary tazoniko ihany koa ny teniko tsy hilaza azy roa tonta ho mpampihorohoro!…

…Amin'ny hevitro kely dia kely tsy ny PKK no fototry ny olana. ny “Fampihorohoroana” matetika dia vokatry ny fanilikilihana ara-politika sy ara-tsosialy. Ary izay no olana! Ahilikilika tsy ho ao anatin'ny tontolo malalaka sy demaokratikan'i Torkia (2006 ny resaka eto) ny Kiorda. Ny manaraka amin'ny olana dia ny fipongaran'ny herisetra (2004) avy amin'ny roa tonta indray. Mampididoza amin'ny vahaolana demaokratika sy milamina amin'ny raharaha kiorda izany herisetra izany.

Tsara hovakiana amin'ity herinandro ity.
Amin'ny manaraka indray!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.