Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Japana: Mahazo Fanohanana Avy Amin'ny Tanàna Japoney i Obama

(Fanamarihana: lahatsoratra nivoaka tamin'ny Martsa 2008)

(Nivoaka tao amin'ny Voices without Votes ihany koa ity lahatsoratra ity)

Mitombo ny fientanam-po anatinà tanànan'ny mpanjono matoritory ao amorontsirak'i Japana. Nahazo jery tsy mahazatra ny tanànan'i Obama, izay midika hoe “morontsiraka kely” amin'ny teny Japoney, noho ny fifanojoan'ny anarany amin'ny anaranà mpifaninana iray ho filoham-pirenena Amerikana.

Amidy anatin'ireo trano fivarotana ao an-toerana ny entambarotra misy an'i Obama, miala amin'ireo ambonin'akanjo mankany amin'ny “manju”(sakafo Japoney) sy ny hazo fihinanan-kanina ametahana ny endrik'i Obama, ary apetaka isaky ny kihon-dàlana ao an-tanàna kosa ireo petadrindrina. Nandritra ny Talata Milay, nikarakara hetsika “fijerim-bahoaka” ny andianà mpilatsaka antsitrapo iray izay manohana an'i Obama, natrehanà mponina manodidina ny 300 manao ambonin'akanjo sy fehiloha Obama. Ho fanampin'izany fientanam-po izany, nandray taratasy iray avy amin'ny Senatera ny ben'ny tanànan'i Obama maneho fankasitrahana manoloana ny fanohanan-dry zareo.

Mizara ny fientanam-pon'ny tanàna ny bilaogera[Ja] iray:

Tena mahagaga ny fahatongavanà taratasy iray avy any amin'i [Senatera] Obama ho an'ny tanàna.
Na dia noho ny fanohanana avy aminà toerana iray tsy manan-kery [eo amin'ny fifidianana] aza.

Mampiseho ny angezan'Atoa Obama amin'ny maha olona azy izany.
Heveriko fa manamarika ny fahasamihafana goavana misy [eo aminy] sy ilay olon-kafa iray izay mifaninana amin'ny alàlan'ny fampiasàna ny herimpom-badiny sy ny lanjan'ny anarany io.

Amin'ny lafiny iray hafa, maro ireo bilaogera no naneho fijery mitsikera ary nanamarika fa toa tsy manan-danja ho an'ilay “hetsi-panentanana” Obama Japoney ny pôlitikan'io mpifaninana io sady tsy ampy fahatsapana ara-politika.

Manoratra i stoyachi fa:

とはいえ、オバマ氏の政治手腕は未知数。日本に対してどのような政策を実行するのかもわかりませんね。

Na izany aza, tsy fantatra ny traikefa ara-pôlitikan'i Obama. Tsy fantatsika akory aza izay karazanà pôlitika hapetrany ho an'i Japana.

Naneho ny tsikerany ny iray amin'ireo mpampiasa ny BBS (Bulletin Board System) anà gazety: 

この選挙に対する選挙権もないわけで、ただのお祭り騒ぎと傍観していてもよいかもしれません。

しかし、小浜市民の全員がオバマ氏を支持しているわけでもないだろうし、ましてや税金使って応援グッズを贈ったり、「市長」自らが「健闘を祈りたい」ということには、違和感を覚えます。

Koa satria tsy manan-jo handatsa-bato izy ireo amin'ity fifidianana ity, angamba tsy maninona raha mifety sy mijerijery ry zareo.

Na izany aza, tsy mihevitra aho fa ny vahoakan'ny Tanànan'i Obama rehetra no manohana an'Atoa Obama, ary tsy izay ihany, fa ny fandaniam-bola amin'ny fandefasana entana, sy ny firariantsoa ataon'ny ben'ny tanàna izy tenany [amin'i Obama] — heveriko fa misy zavatra tsy milamina amin'izany.

オバマ氏は、米国の将来を決める大統領になるため、自らの信念を掲げて立候補しているわけで。
米国民の生活がかかっているわけですよね。責任重大です。
なのに、日本のある行政機関が、そのオバマ氏の主張や主義を認めて応援するのではなく、単に「音」が一緒だから応援するというのは、ヘンじゃないでしょうか?

Mitarika ny fampielezankevitra amin'ny fanehoany ny finoany mba hahatonga azy ho filoham-pirenena izay handrafitra ny ho avin'i Etazonia Atoa Obama.
Ny fiainan'ny vahoaka Amerikana no lalaovina. Andraikitra goavana izany.
Na izany aza, tsy hafahafa ve ny fanohanan'ny orinasam-panjakana iray an'i Obama noho ny fitovian'anarana fotsiny ihany, fa tsy noho ny fiombonany hevitra amin'ny hafatr'Atoa Obama sy ny fitsipiny?

Na dia tsy tena tsikera tanteraka aza dia mitondra fijery iray mivantambantana ity bilaogera ity:

ポリシーなど何もなく、節操がない様な気もするが、これはこれで良いのでは。オバマ氏が大統領になったとしても、小浜市を訪れることはないと思うけど、地方都市が(ヤケッパチ(?)でも)元気を出しているのは今どき悪いことではない。小浜市には小浜さんという名字の方もたくさん居るのだろう。一方、日本には「くりんとん市」は無い。「ヒラリーの涙」と名付けたワインが出回ることもないだろう。名前を聞いただけで「超辛口」で飲む気がしない。

Toa tsy misy pôlitika sy tsy misy fitsipika nefa heveriko fa tsy maninona izany. Na dia ho lasa filoha aza i Obama, tsy mihevitra aho fa hitsidika velively ny tanànan'i Obama izy, tsy ratsy ny fivoaran'ny tanàna ambanivohitra sy ny fananany tanjaka betsaka amin'izao vanim-potoana izao. Tsy maintsy misy olona marobe izay mitondra ny anarana hoe Obama ao anatin'ny tanànan'i Obama. Etsy andaniny, tsy misy tanàna antsoina hoe “Kurinton (Clinton)” ao Japana. Ataoko fa tsy hisy mihitsy divay hanana anarana hoe “Clinton's Tears” ( Ranomason'i Clinton). Ny anarany fotsiny dia tsy mandrisika ahy hisotro satria toa “maina be”.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.