Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Brezila: Tandindonin-doza Avy Amin'ny Doro Tanety Tsy Ara-dalàna Ny Valan-javaboarim-Pirenena

(Marihina fa tamin'ny 11 Novambra 2008 np nanoratana ny lahatsoratra teny anglisy)

Tsy nitsahatra nirehitra tao anatin'ny iray volana ny Valan-javaboary Chapada Diamantina ao Bahia. Araka ny sampan-draharahan'ny tontolo iainana ao Brezila, may ny 50 isanjaton'ny 1.520 km² tamin'ny valan-javaboary , izany hoe ala mirefy 75.000 hektara (mitovitovy habe amin'ny tanandehiben'i New York ). Efa ho olona miisa 500,  mpamono afo sy mpilasaka an-tsitrapo no namono ny afo vokatry ny doro tanety tsy ara-dalàna natomboky ny  mpiompy nanadio ny faritra hanaovana hanim-biby. Oram-be vao mety hampitsahatra ny afo, kanefa tsy antenaina ny fisian'izany raha tsy any amin'ny faran'ny volana.

Manontany tena i Paulo Bicarato [pt]  hoe nahoana ireo mpanao heloka bevava no tsy mbola tratra ihany raha fantatra ny antony nahatonga izany, ary tsy vao voalohany izao:

Como se ninguém soubesse disso. Se as causas são conhecidas, só se pode deduzir que há conivência por parte de alguém. Triste, muito triste ver que todo ano é a mesma coisa.

Toy ny hoe tsy misy olona mahalala izany. Raha fantatra ny antony mahatonga izany, dia azo lazaina fa misy ny olona miray tsikombakomba ao anatin'izany. Mampalahelo, tena mampalahelo ny mahita fa mitranga isan-taona ny toy izany .

Nanasongadina i Marilia Miller [pt] fa  ela loatra ny fandraisana andraikitry ny manampahefana ankoatra ny olan'ny doro tanety niniana natao:

O que mais nos incomoda, portanto, sem dúvida, é a morosidade das autoridades competentes em viabilizar os recursos às brigadas voluntárias, que estão deixando de apagar fogo por falta de equipamentos (EPIS e Material de Combate) e de apoio logístico, tais como deslocamento e alimentação. O Governo do Estado, como sempre, está ausente, desconsiderando completamente o fato de que a Chapada Diamantina é a provedora de água dos baianos (80% das águas do estado nascem nessa região).

Tsy misy isalasalana fa ny zavatra tena manahirana antsika indrindra, dia ny fitavozavozan'ny manampahefana tompon'andraikitra amin'ny fanolorana fitaovana ho an'ireo ekipa mpilatsaka an-tsitrapo izay tsy mbola mahavita mamono ny afo noho ny tsy fahampian'ny fitaovana (olona sy famonoana afo) ary ny fampitaovana, toy ny fivezivezena sy ny sakafo. Tsy hita toy ny mahazatra ny Governemanta-panjakana, tsy miraharaha mihitsy ny zava-misy fa ny Chapada Diamantina no mpamatsy rano lehibe indrindra ao Bahia  (80%-n'ny rano avy amin'ny fanjakana dia avy amin'ity faritra ity).

Nampiakam-peo ny bilaogy SuburbioEmFoco:

- PORQUE O SILÊNCIO? PORQUÊ A FALTA DE DIVULGAÇÃO DA GRANDE MÍDIA?????

Nahoana no mangina? Nahoana no tsy miresaka izany ny fampitam-baovao lehibe ?

Nanontany i Zé Luiz Soares [pt] raha toa ka izao no fiafaran'ny paradisa;

É possível uma coisa dessas? No Brasil, é.
Não conheço a Chapada. Na verdade, sonho com ela há anos, como um paraíso distante a ser explorado; destino daquela que seria a minha maior viagem pelo Brasil; roteiro que planejo intimamente, a ser percorrido de mochila nas costas – sem planos e sem destino. Um sonho que, parece, vai se perdendo em meio à ganância, incompetência e irresponsabilidade.
Só resta contar com a interferência Divina, mais uma vez.

Mitombina ve izany? Eny misy izany ao Brezila.
Tsy mbola tany Chapada aho. Kanefa nanonofy ny ho any aho nandritra ny taona maro, toy ny mitady ny paradisa any lavitra; izao no manjo ilay toerana izay anton-diako mahafinaritra indrindra any Brezila ; ny dia izay nokasaiko atao miaraka amin'ny kitapo am-babena , tsy misy tanjona mazava na toerana aleha. Toa nanjavona tao anatin'ny fitiavan-karena, ny tsy fahombiazana ary ny tsy fandraisana andraikitra ilay nofy.
Ny fandaharan'ny Tsitoha indray sisa no ianteherantsika.

Sary nalain'i William Kitzinger tamin'ny volana Jolay  2005 ary nampiasàna lisansa Creative Commons . Jereo ny Chapada Diamantina set.

Manan-karena diamondra sy volamena i Chapada Diamantina tamin'izany fotoana, saingy ny fizahantany maitso no mampiroborobo azy ankehitriny. Fahita matetika any amin'ny faritra ny afo kely noho ny vanin-taona maina sy ny hafanana mahery vaika, ary matetika mahasitrana ny tenany ny ala .Efa nisy ny afo lehibe tamin'ny taona 1998 sy 2003, saingy tsy voafehy ny zava-nitranga tamin'ity taona ity, ary mety ho rava mandrakizay ny hatsaran'ny Chapada raha toa ka tsy voavoly indray ny ala .

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.