Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nahazo Sazy 10 Taona An-tranomaizina Tsirairay Avy Ireo Tanora Roa Mpikatroka Nanao Graffiti Tamin'ny Sarivongan'ny Patriarkan'i Azerbaijan

Stamp commemorating Heydar Aliyev's meeting with Russian leader Vladimir Putin in 2001. He died in late 2003. Creative commons.

Hajia fahatsiarovana ny fivorian'i  Heydar Aliyev’ niaraka tamin'ny filoha Rosiana Vladimir Putin tao Baku tamin'ny 2001. Maty tamin'ny faramparan'ny 2003 izy. Creative commons.

Tamin'ny 8 Desambra, nanameloka mpikatroka 21 taona,  Bayram Mammadov higadra 10 taona an-tranomaizina ho mikasika zava-mahadomelina ny fitsarana tao Baku renivohitr'i Azerbaijan, azo inoana fa fitoriana namboamboarina. Maro no mihevitra fa ny tena heloka bevava nanamelohana azy ireo dia noho ny fanaovana graffiti teny amin'ny sarivongan'ny filoha teo aloha Ilham Aliyev efa maty hatry ny ela sady rain'ny mpitondra manjakazaka ankehitriny ihany koa, .

Vao herinandro vitsivitsy talohan'io, voaheloka higadra 10 taona an-tranomaizina noho io fiampangana io ihany ny tanora mpikatroka iray hafa, 22 taona, Giyas Ibrahimov . Mino ireo mpanohana an'i Ibrahimov fa voasazy izy noho ny fanovana ny endriky ny sarivongan'i Aliyev hifangaro amin'ny endrik'i Mammadov ihany koa.

Andro mampalahelo ho an'ny tanora ao #Azerbaijan mpikambana N!DA iray hafa hatramin'izao no voaheloka higadra 10 taona #BayramMammadov @a_hesenov5 pic.twitter.com/ZT5YJnmhSu

#Azerbaijan: mpikatroka @nidavh iray hafa , #BayramMammadov, voaheloka higadra 10 taona an-tranomaizina noho ny #graffiti https://t.co/hjby6Kl6ty

Nanameloka ilay mpikatroka #BayramMammadov higadra 10 taona an-tranomaizina noho ny hetsi-panoherana tamin'ny alàlan'ny graffiti ny Fitsarana ao #Azerbaijan. Raiso ny fepetra izao: https://t.co/ZYAT8YLp5E

Nanomboka nitondra an'i Azerbaijan  talohan'ny fahaleovantena tamin'ny taona 1991 ny fianakaviana Aliyev, ary heverina ho toy ny iray amin'ireo foko politika mpanao kolikoly indrindra any amin'ny Firaisana Sovietika teo aloha. Fianakaviana patriarika i Heydar Aliyev sy manamarika ny fanjakana, izay indraindray oharin'ireo mpanohana ny fitondrana amin'i mpanorina Kemal Atatürk ao Torkia ankehitriny .

Noforonin'ny tovolahy fito tamin'ny taona 2011 ny N!DA, izay midika ho ” marika tsoraka” ao Azerbaijani .  Mandrisika ny fiovana ara-politika sy ara-tsosialy ao amin'ny fiarahamonina amin'ny alalan'ny hetsika fifantohana amin'ny fanabeazana ny N!DA . Roa taona taorian'ny fananganana azy, lasibatra , nosamborina ary taty aoriana nomena sazy ara-pitsarana lava ny mpitarika fototry ny hetsika .

Hatramin'ny androany, navotsotra ny fito tamin'ireo lehilahy valo izay voasambotra tany am-boalohany. Kanefa milaza ny fanamelohana vaovao mahazo an'i Mammadov sy Ibrahimov fa mbola lasibatry ny manampahefana ny hetsika .

Handany ny fotoana tsara indrindra amin'ny androm-piainany any am-ponja ireo lehilahy roa noho ny fandrangitana ny fitondrana manankarena solika izay mamihina ny zo sivilin'ny olom-pirenena sy manitsakitsaka ny fahafahany .

Nampijaliana sy nogadraina, nefa tsy nanenina

Efa namoaka filazana i Ibraimov fa niharan'ny fampijaliana izy tany am-ponja. Tao amin'ny taratasy nalefany avy any am-ponja, nanoratra izy hoe:

I was beaten again as the policemen tried to force me to accept the drug charges. I told them that I had never seen narcotics in my life and they could not arrest me simply for having taken a photo [of the graffiti on the statue]. As a result, they beat me harder and demanded that I accept the charges. They swore at me and insulted me. They took my pants off and threatened to ‘immorally’ use a bat on me – that is, to rape me. I had no choice but to accept the charges. I ‘confessed’ and signed the testimony that was provided for me.

Voadaroka indray aho rehefa niezaka ny hanery ahy hanaiky ny fiampangana zava-mahadomelina ny polisy . Nilaza tamin'izy ireo aho fa tsy mbola  nahita zava-mahadomelina teo amin'ny fiainako ary tsy afaka  misambotra ahy fotsiny izy ireo noho ny fakana ny sarin'ny [ graffiti teo amin'ny sarivongana]. Vokatr'izany, nikapoka ahy mafimafy kokoa sy nangataka ahy hiaiky ny fiampangana izy ireo. Nanozona sy nanompa ahy izy ireo. Nesoriny ny patalohako, ary nandrahona ny ‘hanolana’ ahy izy ireo. Tsy nanan-tsafidy afa-tsy ny nanaiky ny fiampangana ahy aho noho izany. ‘Niaiky’ aho , ary nanao sonia ny fijoroana ho vavolombelona izay nomena ahy.

Nanao filazana manan-danja kosa i Bayram Mammadov talohan'ny didim-pitsarana ary nanamarika fa manome voninahitra azy kokoa ny hitoetra any am-ponja noho ny hiaiky ny heloka izay tsy nataony sy handohalika anoloan'ny fitondrana ao amin'ny fahitalavi-panjakana.

I regret nothing. If I could I would do it again. I don’t want to be remembered by apologising in my final statement. I refuse to see myself as a prisoner. I am a lover of freedom.

Tsy misy hanenenako na inona na inona. Raha afaka manao izany aho dia naveriko indray. Tsy tiako ny ho tsarovana amin'ny fialan-tsiny amin'ny teniko farany .Tsy manaiky ny fanagadrana ahy aho. Mankafy ny fahafahana aho.

Kanefa tsy liana tamin'ny fihainoana an'i Mammadov na namela azy hamarana ny teniny ny mpitsara :

Judge did not allow Bayram Mammadov to finish his final words. Right now, he is reading out his sentence. Bayram's hands are handcuffed from behind.

Tsy namela an'i Bayram Mammadov hamarana ny teniny farany ny mpitsara. Amin'izao fotoana izao, mamaky mafy ny didim-pitsarana izy. Nofatorana avy any aoriana tamin'ny rojo vy ny tanan'i Bayram  .

Famoretana nandritra ny taona maro

Taorian'ny fisamborana azy,  niara-niasa tamin'ny Amnesty International tany Etazonia ny renin'i Ibrahimov ary nanomana ity lahatsary momba ny zanany sy ny fanendrikendrehana niampangana azy sy Mammadov ity .

Tao amin'ny fanambarana niarahana izay nivoaka tamin'ny 6 Desambra,  namoaka taratasy miantso ny governemantan'i Azerbaijan mba hampitsahatra  ny fanenjehana sy ny fampijaliana noho ny antony ara-politika ny fikambanana mpiaro ny zo, ary hanafoana ny lalàna manameloka ny mpanohitra sy ny fahalalahana miteny sady mamoaka azy mirahalahy.

Kanefa  toa tsy mieritreritra ny hampitsahatra  ny zo hamoritra izay efa nihamafy niaraka tamin'ny krizy ara-toekarena mifandray amin'ny vidin-tsolika izay nilatsaka tamin'ny taona 2014 ireo manampahefana ao Azerbaijan.

Nampiditra lalàna mafimafy kokoa kosa izy ireo etsy andanin'izany. Tamin'ny 29 Novambra, namoaka lalàna ny parlemanta tao Azerbaijan  fa hahazo sazy an-tranomaizina  hatramin'ny 3 taona ireo izay manala baraka an-tserasera ny filoha. Ary handoa lamandy  569 hatamin'ny 853 dolara Amerikana ao amin'ny firenena iray izay ahitana ny karama farany ambany eo amin'ny 76$  isam-bolana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.