Endri-tsoratra Kanji Iray Mampiseho Ny Taonan'ny Fanjavozavoana Ao Japana

今年の漢字「安」で2015年を振り返る

Ny fanambarana ny kanji ofisialy 2015. Mivaky toy izao ny soratra eo ambany ankavanana: Ny kanji ofisialy ho an'ny 2015 dia ‘an’. Ny vakin'ny soratra eo ambony ankavanana: lalàna vaovao momba ny fiarovana, tahotry ny fampihorohoroana bebe kokoa [izay lohahevitra lehibe tamin'ny 2015]. Sary: fantsona YouTube Kyodo.

Ny endri-tsoratra 安, na an, dia voatondro ho kanji maneho tsara kokoa ny toe-pom-pirenena 2015 ao Japana.

Endri-tsoratra Shinoa ny Kanji izay ampiasaina hanoratana teny Japoney ary azo tononina amin'ny fomba maro. Amin'ny ankapobeny ny endri-tsoratra 安 dia tononina toy ny an, a, na yasu, ary matetika midika hoe “milamina” sy “mahatsapa miadana”, na “tsy lafo.”

Ny endri-tsoratra dia nosafidin'ny Kanken, fikambanana mampiroborobo ny kanji, mifototra amin'ny fifidianana ataon'ny vahoaka ary ambara ao amin'ny Tempoly Kiyomizu malaza ao Kyoto.

Nibahana tamin'ny vaovao tamin'ny 2015 ny endri-tsoratra 安, avy amin'ny lalàna mampiadi-hevitra momba ny Fandriampahalemana sy ny Fiarovana, fanta-daza amin'nyy 安保 (anpo), izay novoizin'ny governemanta Abe tamin'ny alalan'ny antenimiera (Diet) ao Japana tamin'ny fahavaratra sy mihintsan-dravina.

Nanonona tokoa ny fiafaran'ny Lalàmpanorenana momba ny Fandriampahalemana ao Japana sy ny fitandroana ny fandriampahalemana taorian'ny ady 70 taona ny lalàna, mampiely fahatsapana tebiteby ao amin'ny firenena iray efa voahozongozon’ ny famonoan'ny ISIS ireo olom-pirenena Japoney roa tamin'ny fiandohan'ny taona.

Mailaka avy hatrany ny Praiminisitra Shinzo Abe, izay nampidirana 安, endri-tsoratra kanji-n'ny taona 2015 ihany koa ny anarany, hanasongadina ny fanambarana tamin'ny alalan'ny fandefasana hafatra amin'ny teny roa tao amin'ny Twitter:

Nosafidin'ny latsa-batom-bahoaka ho Kanji-n'ny taona ny “安” (mangina). Hiasa mafy aho mba hiaina am-pilaminana ny rehetra.

Nilaza tanaty alahelo ny mpisera Twitter iray hoe:

Raha azo adika amin'ny fomba esoeso ny “endri-tsoratra kanji-ny taona 2015″, 安 hoy aho miangambangamba.

Mpisera Twitter iray hafa nahavita mampiseho izay tsy maintsy ho fihetseham-pon'ny Japoney maro miaraka amin'ny kilalaon-teny lalina manesoeso ny anaran'ny praiminisitra Japoney, Abe (安倍):

Raha hita fa toa mandoka an'i Abe (安倍) sy ny Lalàm-piarovany (安保, anpo) ny fisafidianana ny kanji tamin'ity taona ity, ny tsapako amin'ny faran'ny taona dia “mitombo avo roa heny ny fanjavozavoana.” (不安 倍 増, fuanbaizo).

Spotlight, tranonkala mpamoaka sary Japoney namboarina, namorona lahatsoratra miendrika lisitra 11 momba ny fomba maro nanehoana ny endri-tsoratra 安 misolo tena ny taona 2015.

Ankoatra ny Lalànan'ny Fandriampahalemana sy ny Fiarovana (安 保 法案, anpo hoan) sy ny Praiminisitra Abe (安 倍 総 理, Abe Sori), nanipika ny Spotlight fa maneho ny 2015 amin'ny fomba isan-karazany ny endri-tsoratra 安, anisan'izany ny menaka mora vidy (原油 安, genyu yasu) sy ny fihenan-danjan’ ny yen haingana (円 安, enyasu):

JPY Nominal effective exchange rate (2005 = 100). Source: Wikimedia.

Taham-panakalozana ny vola Japoney yen (2005 = 100). Loharano: Wikimedia.

Nanamarika ihany koa ny Spotlight fa ny taona 2015 dia fahatsapan'ny Japoney maro fa ambany dia ambany ny karaman'izy ireo (給 料 安 い, kyuro yasui) ary tena mampiseho ny fanjavozavoana (不安, fuan)  ny 安 fa tsy fandriampahalemana:

給料安い、結婚しない人多すぎ、出生率上がらない、また税金上がった、将来年金もらえるの?、テロ起こったらどうしよう、将来の日本が「不安」!

Ambany ny karama, maro ny olona no misafidy tsy hanambady. Tsy mitombo ny taham-piterahana, raha miakatra kosa ny hetra. Mbola ho afaka hiantehatra amin'ny fisotroan-dronono taloha ihany ve isika rahatrizay? Ary inona no hitranga raha misy ny fanafihan'ny mpampihorohoro? “Feno fanahiana” ny hoavin'i Japana (不安, fuan)!

Na izany aza, araka ny filazan'ny Spotlight, tsy ny rehetra no manjavozavo

Ao amin'ny lisitra voalohany no nisy ilay Japoney mpanao hatsikana Yasumura Akarui (安村あかるい), izay tsy vitan'ny mampiseho ny endri-tsoratra kanji 安 ihany amin'ny anarany, fa nanjary sary namboarina hampihomehezana malaza anivon'ny olona ihany koa nandritra ny taona 2015 ny fehezanteny manaitra “Aza manahy, mitafy [akanjo] aho” (安心 し て く だ さ い, 穿 い て ま す よ, anshin shite kudasai, haitemasu yo)..

"Don’t worry, I'm wearing." by TONIKAKU AKARUI YASUMURA

Tonikaku Akarui Yasumura. Sary: Yoshimoto R & Co Ltd. Official YouTube channel.

Nanala azy tamin'ny endri-tsoratry ny taona 2015 ny mpiserasera Japoney hafa.

Mpisera iray nandefa tantara an-tsary an-takelaka telo (eto ny sary feno) namazivazy momba ny halavitry ny mahavoakaly sy ny fitovian'ilay endri-tsoratra amin'ilay tena izy 安 .

Takelaka 1 (ankavanana miankavia): 
Heroko: Noho izany ”安” no kanji ho an'ny taona 2015.
P-head: Oh, andeha atao hoe “安” izany? Tena saro-bakiana.

Takelaka 2:
Heroko: Hafahafa ny ilany ankavanana.
P-head: Eh?

Takelaka 3:
Heroko: Toa tahaka ny holatra eringi fotsiny izany!
P-head: Lasa lavitra ianao…

 

Mpisera Twitter @egoism_com nandefa lahatsary amin'ny fomba fanoratana 安 manaja ny fifanarahana kokoa:

Ity ny endri-tsoratra kanji  2015.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.