Vaovao Mafàna: Manomboka Fanafihana An-tanety Ao Gaza i Israely
Manomboka fanafihana an-tanety ao Gaza i Israely. Mizara ity saripika avy ao Gaza ity ao amin'ny Twitter i iFalasteen.
Nanomboka niditra ao Gaza ny tafika Israeliana, andro folo taorian'ny daroka baomba izay nahafatesana Palestiniana 200 mahery. Israeliana iray no matin'ny bala afomanga avy any amin'ny faritra Palestiniana. Mitranga ity firotsahana an-tanety ity taorian'ny nandàvan‘ny Hamas, izay mitondra ao Gaza, ny fampitsaharana poa-basy naroson'i Ejipta.
Tovah Lazaroff, mpanao gazety avy any Boston, nilatsaka an'elonaina tao afovoan'ny fifandonan'ny Israeliana sy Palestiniana, no nibitsika hoe :
It's official from Israel's PMO office, the IDF has begun to enter Gaza.
— Tovah Lazaroff (@tovahlazaroff) July 17, 2014
Vaovao ofisialy avy amin'ny biraon'ny Praiminisitra ao Israely, nanomboka niditra ao Gaza ny tafika Israeliana
Ampiany hoe:
PMO: The cabinet approved the ground operation after Israel accepted an Egypt brokered cease fire & Hamas rejected it.
— Tovah Lazaroff (@tovahlazaroff) July 17, 2014
Biraon'ny Praiminisitra: Neken'ny kabinetra ny hanao fanafihana an-tanety taorian'ny naneken'i Israely ny fampitsaharana poa-basy nangatahan'i Ejipta & nandà azy io ny Hamas
Eny an-tanin'ady ao Gaza i iFalasteen no mitatitra :
Bombs everywhere in Gaza no electricity and very thing is bright from all the fires and bombs… #GazaUnderAttack
— فلسطين i (@iFalasteen) July 17, 2014
Baomba na aiza na aiza aty Gaza tsy misy herinaratra ary manjelatry ny baomba sy ny firehetana ny zavatra rehetra #VoatafikaGaza
Nonstop bombing where no where to run… Only Allah will protect you Gaza… #GazaUnderAttack #PrayForGaza
— فلسطين i (@iFalasteen) July 17, 2014
Daroka baomba tsy mitsahatra tsy misy toerana azo andosirana….Allah irery no hiaro an'i Gaza #VoatafikaGaza
