Notanterahina tamin'ny herinandro lasa teo [sy tamin'ity herinandro ity] ny lalao fanintsanana maharendrika na mahatafita ho any amin'ny Mondialy 2014 ho an'ny faritra Afrika sy Eoropa. Na dia averimberina matetika aza fa lalao fotsiny ihany ireny lalao ireny, ny fihetsika ataon'ny olona aloha sy aorian'ny lalao sasany no maneho fa misy zavatra hafa kokoa tian'ny rehetra hametrahana azy ireny.

Indreto ny fihetseham-po voarakitra amin'ny filma amin'ny efatra amin'ireo lalao maharendrika na mahatafita ireny, izay nampihinjakinjaka tanteraka an'i Alzeria, Côte d'Ivoire, Kamerona ary Frantsa, raha levona tanteraka niaraka tamin'ny kiririoka farany kosa ny fanantenan'i Burkina Faso, Senegal, Okraina ary Tonizia hitodi-doha ho any Brezila.

Alzeria vs. Burkina Faso

Tafita i Alzeria noho ny baolina farany tafiditra tamin'i Burkina Faso nandritra ny ora fanampiny.

Tratran'ny fintaintainan'ny Mondialy ny tangoron'olona tao Algers, araka ity sary hita ao amin'ny kaonty Twitter an'ny mpisera Bilel. ity :

Photo prise en Algérie, on est tellement a fond #AlgeriePresenteAuBresil ma gueule ! pic.twitter.com/0lkbz76pnf

— Bilel. (@BilelB_) November 19, 2013

Sary noraisina tao Alzeria, niroboka tanteraka izahay #AlgeriaanyBrezila lety a!

Nasian'ny bilaogera Alzeriana siran'hatsikana tamin'ny hafaliana tafita ho any amin'ny mondialy any Brezila:

loool #AlgeriePresenteAuBresil pic.twitter.com/L8YTbiUDYo

— Ana Djazairi Mahboul (@DjalilYougo) November 20, 2013

Ny fifanenjanana nandritra ny lalao mandroso notanterahina tamin'ny 12 Oktobra no nitarika ireo mpanohana sasany namoaka ompa fanivaivana ara-poko tamin'ilay mpitsara mainty hoditra, araka ny hita amin'ireto pikantsarin'i Paulin Diasivi ireto:

Pendant le match Burkina vs Algerie qlq twitt raciste des supporteurs algeriens pic.twitter.com/d5MSIhFEjv

— Paulin Diasivi (@paulindias) October 14, 2013

Nandritra ny lalao nifanandrinan'i Burkina sy Alzeria, siokam-panavakavaham-bolonkoditra nataon'ny mpanohana Alzeriana

Côte d'Ivoire vs. Senegal

Tafiditra tao amin'ny lalao an-tsehatra ihany koa i Côte d'Ivoire rehefa nahavita nanakenda an'i Senegal tany Dakar 1-1 mba hahatafita azy. Nivandravandra tamin'ny alalan'ny dihy ny hafalian'ny ekipa rehefa nifarana ny lalao:

C'est fini la Côte d'Ivoire arrache sa qualification après 90 mn de suspens, les Elephant seront au Brésil. pic.twitter.com/NsYMblqE7G

— Anaky Yannick (@YannickAnaky) November 16, 2013

Vita, naharombaka ny fahatafitàny i Côte d'Ivoire taorian'ny lalao mampitaintaina 90 minitra, hizotra ho any Brezila ny Elefanta

Brésil on arrive #Team225 pic.twitter.com/T9utitCPgT

— éléphants au Brésil (@Le_TonTon_) November 19, 2013

Brezila, ho avy izahay

Kamerona vs. Tonizia

Tsy nampitaintaina loatra ny lalao nifanaovan'i Kamerona nandresy an'i Tonizia tamin'ny isa 4-1. Na izany aza, mbola misy ihany ny fifandirana kely raha nilaza i Tonizia fa misy Kameroney roa tsy tokony hilalao. Fa mbola heniky ny rehareham-pandresena ihany i Yaoundé, renivohitra ara-toekaren'i Kamerona, taorian'ny fandresena:

Le Cameroun vas en coupe du monde >>>> pic.twitter.com/qJNZvNVq6F

— Indomptable (@Andy_CMR) November 17, 2013

Mizotra ho any amin'ny Fiadiana https://mg.globalvoicesonline.org/wp-admin/post.php?post=54612&action=editny amboara erantany i Kamerona

Noho ny fisian'ny fisintahana ara-politika misy any Tonizia, mety ho tsy dia malahelo loatra araka ny iheverana azy ny fihintsanan'ny ekipam-pireneny ny mpanohana sasany. Tsy tian'ny olona loatra ny governemantan'ny firenena any amin'ny fiarahamonina lahika ao an-toerana noho ny fepetram-pivavahana henjakenjana ao aminy, ka mety ho lasa jerena ho fandresen'ny governemanta ny fandresen'ny ekipam-pirenena eo amin'ny football : 

Cameroun 4-1 Tunisie, les gens hypocrites “sur twitter” vs “chez eux” avouez … PTDRRR pic.twitter.com/pYUpqOMnE0

— LiliaAyew⚪️Ⓜ️ (@LiliaKapoor) November 17, 2013

Kamerona 4-1 Tonizia, ny mpihatsara-velatsihy ao amin'ny “Twitter” mody malahelo nefa “ao an-trano”, falifaly…LOL 

Frantsa vs. Okraina

Frantsa no tanaty hantsana lalina indrindra hanihina mba hahatafitany taorian'ny fahareseny 2-0 nanoloana an'i Okraina tamin'ny lalao mandroso. Tao anaty fahagagana no nandresen'i Frantsa 3-0 tamin'ny lalao miverina, nitraka horakora-pifaliana tamin'ny mpanohana an'i Frantsa sy fahadisoam-panantenana teo amin'ny mpanohana Okrainiana:

Ce soir, le Stade de France a vibré ! Les IMAGES dans les tribunes >http://t.co/CUWYlTQFXa #FRAUKR #Bresil #CM2014 pic.twitter.com/WuEf9UnX6D

— Le Parisien (@le_Parisien) November 20, 2013

Androany alina, nihovotrovotra ny Kianjabe! Saripika teny amin'ny mpijery #Brezila

The Rueter's photog who posted up next to these Ukraine fans struck gold… http://t.co/rRo7pkKbZg pic.twitter.com/gxirTLir8v

— American Fútbol (@futbolmovie) November 19, 2013

Sarin'i Rueter izay namoaka azy teo anilan'ireo mpanohana Okraina nidona tamin'ny volamena