Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Koety: Sit-in ho Fanovana ny Anarana “Làlana Fanaovan-gazety” Amin'ny Anaran'i Al-Saleh

Mikasa ny hanao sit-in androany alina (27aprily) ireo mpanao gazety Koety mba hitaky ny fanovana ny anarana ” Làlana Fanaovan-gazety” amin'ny anaran'i Mohammed Mousaed Al-Saleh, iray amin'ireo Koesiana mpanentana politika fanta-daza, sy nanoratra ho an'ny gazety Al-Qabas mandavataona, sy nitsikera ny karazana fijery politika sy sosialy hita eo amin'ny fiainana andavan'andro.

Nirona tany amin'ny famoronana gazety Al-Watan ny asany eo amin'ny fanaovan-gazety. Nahazo ny fankasitrahan'ny mpamaky marobe tao Koety izy tamin'ny fomba nanehoany ny fomba fisainan'i Koesiana. Nahazo ny Amboara ho an'ny Fampahalalam-baovao Arabo tao Dubai  koa izy, noho ny niasany ela teo amin'ny sehatry ny fampahalalam-baovao sy ny fanaovan-gazety.

Tamin'ity Alahady ity, nahatsiaro ny zava-bitany sy ny ezaka vitany tamin'ny tweet ireo mpiserasera ary  nangataka ny governemanta mba hanova ny anaran'ilay làlana fantatry ny be sy ny maro amin'ny anarana hoe “Làlana Fanaovan-gazety” ho “Làlana Mohammed Mousaed Al-Saleh”  ho mariky ny  fahatsiarovana ny zava-bitany toe amin'ny asa fanaovan-gazety Koesiana. Nandà ny tsy handray izany soso-kevitra izany anefa ny Minisitry ny tanandehibe, Fadhel Safar, fanapaha-kevitra izay tsy nankasitrahan'ireo Koesiana marobe, indrindra tamin'ny alalan'ny Twitter mampiasa teny fototra #ShaikhAlKotab (Ny Zokiny indrindra amin'ireo Mpanoratra).

Ali Khaja, tanora mpitolona sy mpanentana ara-politika ni-tweet hoe:

@AliKhaja: مومعقولة تُرفض تسمية شارع بإسم محمد مساعد الصالح..في حين إن المرحوم علي صباح السالم وزير لمدة خمس سنوات فقط عنده منطقة بإسمه
Zavatra tsy lojika ny fandàvana hanova ny anaran’ ny làlana amin'ny anaran'i Mohammed Mousaed Al-Saleh raha i Ali Subah Al-Salem vao haingana[avy amin'ny Fianakaviana Al-Sabah]  minisitra nandritra ny 5 taona fotsiny, no nahazo ny toerana lehibe nampitondraina ny anarany.
A picture of the late Kuwaiti writer Mohammed Mousaed Al-Saleh. Image posted in blog of Kuwaiti writer Ibrahim Al-Mulaifi.

Sarin'ilay mpanoratra Koety farany Mohammed Mousaed Al-Saleh. Sary nalefa tao amin'ny bilaogin'ilay mpanoratra Koetiana Ibrahim Al-Mulaifi.

Nabila Muzaffar, vehivavy mpitantara fanta-daza Koesiana tao amin'ny Twitter nanoratra hoe:

@NabilaMuzaffar‎: أفضل كتابنا.. لماذا تسمى شوارعنا بأسماء لا تعني للكويتيين الكثير ويرفض تسمية شارع باسمه؟ مع ان اسمه أكبر من ذلك بكثير
Izy no mahay indrindra amin'ireo mpanoratra antsika. Nahoana ny làlana no nomena ny anaran’ ireo izay tsy mba nijery ny Koesiana kanefa tsy nanao na inona na inona izy mba ahazoany izany làlana izany, tsy mendrika ny ahazo izany izy.

Faisal Al-Qinai, filohan'ny Fikambanana Mpanao Gazety sy mpanentana ara-politika ao amin'ny gazety Al-Seyassah nampiasa  Twitter koa mba haneho ny tsy fanekeny ny fanapaha-kevitry ny minisitra:

@qanai50: رفض وزير البلدية صفر تسمية شارع الصحافة باسم محمد الصالح يعتبر كارثة وسقطة مدوية
Noheverina ho toy ny mampidi-doza sy fahadisoana lehibe ny fanapaha-kevitry ny minisitra nandà hanome anarana vaovao indray ny làlana  amin'ny anaran'i Mohammed Al-Saleh.

Mishari Buyabis, mpanentana ao amin'ny Twitter fanta-daza amin'ny tsikera ataony isan'andro amin'ilay praiminisitra Koesiana izay nataon'ny polisim-panjakana misahana ny Fiarovana fanadihadina iray volana lasa izay, nanoratra hoe:

@Buyabis: فاضل صفر يقول مو هو اللي رفض اطلاق اسم محمد مساعد الصالح على شارع الصحافه بل الرئيس،،يعني كأنك تقول انك أبجورة بالوزاره و مالك كلمه #عيب
[Minisitra] Fadhel Safar nilaza fa tsy izy no nandà hanome anarana ny Làlana Fanaovan-gazety amin'ny anaran'i Mohammed Mousaed Al-Saleh fa ny Praiminisitra. Tahaka ny milaza ianao fa fitoeran-dabozia ianao eo amin'ny minisitera ka tsy manan-kambara amin'izany #Shame

Nolazaina tamin'ny fomba feno fanesoana koa ireo fihetseham-po manoloana ny fanapaha-kevitry ny minisitra, sady maneso ny fihaviany Persiana. Abdulwahab Al-Essa, tao amin'ny fahitalavitra Al-Watan , namazivazy ny Minisitra Safar amin'ny fomba fiteniny Persiana tao amin'ny Twitter .

Al-Issa,  sahirana koa izy raha namaritra ny ekipa mpanao baolina kitra Saodiana eto an-toerana  ho toy ny “ny sisa tavela amin'ireo mpivahiny” – satria mainty fihodirana avokoa ny ankamaron'ireo mpilalao. Ni-tweet izy hoe:

@awahab_alessa: شارع الصحافه يجب ان يسمى باسم شيخها محمد مساعد الصالح #فازل سفر لا يرجع وزاره
Tokony omena ny anaran'i  Shaikh (zokiny indrindra) Mohammed Mousaed Al-Saleh ny Làlana Fanaovan-gazety. [Fazel Safar tsy hiverina intsony ao amin'ny minisitera].

Naneso ny fomba fitenin'ireo terak'i Persiana koa ny tsikera hita farany tao amin'ny tweet, ary koa ny fomba ratsy Arabo.

Tanora lehilahy Koetiana  Khaled Al-Mutawa hafa koa no naneso ny maha Persiana an'ilay minisitra tao amin'ny Twitter, tamin'ny fampiasana ny fomba fijery Koesiana izay atao matetika amin'ireo Koesiana teraka Iraniana, milaza azy ireo ho toy ny “mpivaron-kena”. Al-Mutawa nanoratra hoe:

@Almutawa13:: فاضل صفر رفض تسمية شارع الصحافه باسم شيخ الكتاب محمد مساعد الصالح!! فضولي اذا مت لا تحاتي راح اسمي خباز قطعه ٢ باسمك
Fadhel Safar nandà hanome anarana ny Làlana Fanaovan-gazety amin'ny anaran'ny mpanoratra Shaikh Mohammed Mousaed Al-Saleh! [Fadholy], raha maty ianao, aza manahy, fa ho antsoiko amin'ny anaranao ny mpivarokena ao an-tanàna 2.

Bilaogera Koesiana sy mpikatroka Ibrahim Al-Mulaifi [ar], etsy andaniny, no nisafidy nanambara ny tsy fanekeny ny fanapaha-kevitra tsy hanova ny anaran'ny làlana, tamin'ny alalan'ny fanentanana ireo vahoaka hanao sit-in ao amin'ny Làlana Fanaovan-gazety androany mba hitaky ny hanomezana anarana vaovao indray ny làlana amin'ny anaran'i Al-Saleh. Nanoratra izy hoe:

أعلم أن الوزير صفر لا يملك من أمره شيئا حاله حال بقية الوزراء في حكومات الشيخ ناصر المحمد وأعلم أيضا أن الحكومة لا تسمع من يكلمها بهدوء وتكره من ينصحها بالسر لذلك أدعو كافة الزملاء الصحافيين والإعلاميين وكل المهتمين الى الإعتصام في شارع الصحافة في المكان الذي عمل فيه وأحبه المرحوم محمد مساعد الصالح يوم الأربعاء القادم الموافق 27 ابريل 2011 الساعة السابعة مساء لمدة ساعة تعبيرا عن احتجاجنا لقرار رفض تسمية شارع الصحافة بأسم شيخ الكتاب محمد مساعد الصالح
Fantatro fa tsy manana fahefana tahaka ireo minisitra mpikambana ao amin'ny governemantan'ny praiminisitra Shiekh Naser Al-Mohammed ny minisitra Safar, ary fantatro koa fa tsy mihaino ireo izay miteny izany mangingina ary mankahala izany raha misy olona manome sosokevitra izany amin'ny mangingina ny governemanta. Araka izany, hasaiko ireo mpanao gazety sy ireo izay te-hamonjy ny sit-in ao amin'ny Làlana Fanaovan-gazety izay niasan'i Mohammed Mousaed Al-Saleh farany, tamin'ny Alarobia, 27 Aprily 2011, tamin'ny 7.30 hariva mba haneho ny tsy fankasitrahana amin'ny tsy fanovana ny anaran'ny làlana amin'ny anaran'i Al-Saleh.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.