Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Frantsa: Mitantara angano momba ny fananana vady maro any amin'ireo fianakaviana mpifindra monina ny gazetiboky

Le Point, gazetibokim-baovao Frantsay mpivoaka isan-kerinandro, no lasibatry ny “mpitolona” iray karazany vaovao izay manohitra ny endrika omena ireo mponina any amin'ny fiarahamonin'ny mpifindramonina. Ao amin'ny lahatsoratra fohy mitondra ny lohateny hoe “LE POINT, un magazine engagé” (LE POINT, gazetiboky mpitolona), manazava [fr] ny blaogy antsoina hoe L’Offusqué (Ilay voatohintohina):

Ndeha tonga dia tsorina ny resaka. Ny laharana faha-1895 an'ilay gazetiboky Le Point, tao amina tantara iray momba ny “Zavatra tsy azontsika lazaina,” dia ahitàna lahatsoratra nosoratan'ny tonian'ny famoahan-dahatsoratra, Franz-Olivier Giesbert izay mpitati-baovao mahery fo indrindra koa any Frantsa, mitondra ny lohateny hoe “Lehilahy iray, Vady telo.” Nikendry ny handona mafy ireo Frantsay maro vady ity lahatsoratra ity, izay tsy mitsaha-mitombo isa ary manomboka mahatalanjona ny teti-bola omena azy ireo.

Manohy [fr] Ny blaogy Le scan de la diversité (Ny fanaraha-maso ny fahasamihafàna) [4] :

Nefa raha ny marina dia tsy manam-porofo ijoroany ny lahatsoratra voalohany momba iny tantara iny, araka ny fijoroana vavolombelona nataon'ny vadina lehilahy maro vady maro. Ny fijoroana vavolombelona voarain'ny Le Point dia avy amin'i “Bintou,” ilay vehivavy 32 taona vady fahatelon'ny lehilahy Frantsay manam-piaviana Maliana ary manan-janaka valo izay efa miharatsy sahady ny iray. Tsy mbola nihaona tamin'i Bintou, izay tsy misy, mihitsy ilay mpitati-baovao. Satria nahoana?

Ny CCM dia mamboraka ny tetika ampiasain'ireo mpanao gazety Frantsay izay manadihady lehilahy Frantsay antonontonony manana fihaviana vahiny, izay monina any ambanivohitra[fr] ny ankamaroany. Mitondra ny lohateny hoe Journaliste en banlieue et correspondant de guerre, même combat ? (Mpanao gazety any ambanivohitra sy solotena any an-tanin'ady, mitovy ve?) [fr] ilay lahatsoratra, niantso “olona itokisana” ilay mpitatitra satria ho an'ny olona sasany ny fitateram-baovao avy any ambanivohitra dia mitovy amin'ny fandehanana manao iraka manokana any Bagdad:

Voafandriky ny “olona itokisana” ny Le Point . Fa inona tokoa moa ny “olona itokisana”? Ampiasaina matetika io teny io hanondroana ny “mpandika teny-mpanoro làlana” izay manampy ireo mpanao gazety any Iraq sy any an-tanin'ady hafa amin'ny ankapobeny, araka ny azavain'i Marc Epstein ao amina tatitra iray momba ireo  lehilahy sy vehivavin'ny aloka ao amin'ny L’Express tamin'ny 2005

Tao amina lahatsoratra antsoina hoe Ny fanaovan-gazety manodikodin-doha sy voahodinkodin-doha, mitatitra ny blaogy Des petits riens [fr]:

Ahitàna raki-tsarobidy ny lahatsoratra farany tao amin'ilay vohikalam-baovao Arrêt sur images : Amin'ny fomba ahoana ny “olona itokisana” (fanampiana lehibe ho an'ny mpanao gazety iray te-hiditra amin'ny faritra iray lazaina fa mampidi-doza) no afaka mamandrika mpanao gazety avy amin'i Le Point, ilay gazety tena “hajaina” mpivoaka isan-kerinandro: Te-hanoratra lahatsoratra momba ny “tambanivohitra marovady ” ilay gazety, lohahevitra mamokatra be hampitomboana ny fanendrikendrehana ireny olona avy amin'ny firenen-kafa ireny. I Abdel, lehilahy tanora sady be herim-po no “olona itokisana”. Leon'ny endrika ratsy omena ireny vondrom-piaraha-monina ireny, ataon'ny haino aman-jery kilalao, nisandoka ho vadina marovady izy. Tokony samy hijery ilay horonantsary avokoa ny rehetra fa tena mahatsikaiky.

Izao no nanoloran'ilay mpanao gazety @si ilay horonantsary sy ilay lahatsoratra, tao amin'ny Twitter:

dan_asi « Le Point piégé : la femme du polygame s'appelait… Abdel (article + vidéo). http://fwd4.me/gz4 #exclu 🙂 »

dan_asi: Le Point voafandrika : i… Abdel no anaran'ny vadin'ilay marovady (lahatsoratra sy horonantsary). http://fwd4.me/gz4 #exclusive


Le Point en flagrant délit de bidonnage – @si
Nampiakarin'i asi. – Jereo ireo horonantsarim-baovao farany indrindra.

Nararaotin'ilay mpahay ny maha-olona, Eric Fassin, izany sangy ratsy izany ho fototra hiaingan'ny lahatsorany “Fananana vady maro: Le Point sy ny fanaovana korontana moraly amin'ny media sosialy,”[fr] mampiseho fa mino tokoa ireo mpanao gazety sy ny tariny any amin'ny fiarahamonina Frantsay fa marovady avokoa ireo fianakaviana maro any ambanivohitra:

Salan'isa iray ihany no voaporofo amin'ity resaka ity: ny fantina dia nampiseho fa tanora 65 amin'ny 4439 ihany no avy amina ray marovady, izany hoe latsaky ny 1.5%.

Hitantsika ao amina lahatsoratra iray momba ny fananana vady maro any Senegal[fr] ity vaovao manaraka ity (izay maro amin'ireo fianakaviana ireo no avy any):

Araka ny fanadihadiana momba ny fianakaviana Senegale nivoaka tamin'ny 2004 nataon'ny Foibe Senegale ho an'ny Antontan'isa  sy ny Fanisàna ny Mponina [20], 6.6 isan-jaton'ny vehivavy any Dakar tamin'ny 2002 no niditra tamin'izany karazana fanambadiana izany. Indroa avo henin'izany ny any amin'ny faritra ambanivohitra.

Manohy i Fassin:

“Androany dia hita soritra ny adihevitra…ny olana amin'ireny fianakaviana marovady ireny dia izy miteraka ditra.”

Any Senegal, kely ihany ny fanehoan-kevitra momba ny akon'ny fanànana vady maro eo amin'ny fiarahamonina, ary mizarazara be ny hevitra. Ny sampana Fanehoan-kevitra ao amin'ny blaogy Chez Gangoueus dia manome antsipirihan'ny fifanakalozan-kevitra momba ny fanànana vady maro any Senegal [fr].

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.