Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Japana: Ilay Mahery fo, Sakamoto Ryoma

Matoky tena, hentitra sy to teny, ary kinga fatratra, Sakamoto Ryoma (坂本龍馬) dia iray amin'ireo olon'ny tantara tian'ny Japoney indrindra foana. Vao nanomboka nandefa ny tantara mitohy Ryomaden (龍馬伝: ‘Ny tantaran'i Ryoma’) ny NHK tamin'ny volana Janoary, dia teraka ny fankafizana an'i Ryoma manerana ny firenena.

Website for Ryomaden

Vohikala ofisialin'ny Ryomaden

Nantsoina hoe “samurai-n'nyfahateraham-baovao'” ao anatin'ny tantaram-piainany nosoratan'ny mpikaroka Romulus Hillsborough, Ryoma dia anisan'ireo lehiben'ireo mpanongana ny fitondràna Shogun nataon'ny Tokugawa Shogunate. Io fihetsiketsehana io, izay amporisihan'ny mety hisian'ny fanjanahan-tany Tandrefana, dia nahafoana fitondràna mpanjaka efa ho 300 taona. Nifofotra mafy amin'izay ahatongavany ho firenena rakotra indostria eo ambany fitondràna maoderina tarihan'ny Emperora, miaraka amin'ny varavarana misokatra ho an'ny varotra  ivelany. Ny blaogy Psychology Masters dia manome fanoritsoritana antsipiriany ny fiainan'i Ryoma sy ny dikany ara-tantara.

Ryomaden no vokatra farany  indrindra anatin'ny lisitr'ireo boky be dia be, horonantsary sy fandaharana amin'ny fahitalavitra momba ny olona. “Isan-taona ny tambajotram-pahitalavitra dia mamokatra tantara mitohy notsoahina tamin'ny tantara marina, ampiasàna vola be mihitsy, antsoina hoe Taiga Drama”, hoy Peter Payne manazava. Ny blaogy Jdrama dia manome lisitra sy fanazavàna tsara ny momba ireo mpandray anjara fototra. Haondrana any amin'ireo firenen-kafa koa i Ryomaden – i Funn dia mitatitra an-kafaliana fa halefa any Taiwan miaraka amin'ny dikanteny Sinoa ary mety ho any Korea, Tailandy sy Vietnam koa ilay andian-tantara…

Ny fomba fijery an'i Ryoma ankehitriny dia voalaza fa voavolavolan'ny bokin-tantara nosoratan'i Ryotaro Shiba mitondra ny lohateny hoe Ryoma ga Yuku (竜馬がゆく: “Mandroso i Ryoma”). Araka ny hazavain'i pigrilm_reader:

青春歴史小説である『竜馬がゆく』は、『坂の上の雲』と並んで紛れもなく司馬遼太郎の代表作である。 この小説を人生の一冊として挙げる日本人は特に多く、また功成り名を遂げた政治家や経営者が後輩に薦める一冊としても、この作品が選ばれる場合が圧倒的に多い。戦後に生きた多くの日本人を魅了し、 心を励まし続けてきた、まさに国民的な歴史長編と言える。

Tsy isalasalana fa ny tsangan'asa tsara indrindra an'i Ryōtarō Shiba dia ilay bokin-tantara Ryoma ga Yuku, miaraka amin'ny Saka no Ue no Kumo. Maro ireo Japoney no mifidy ity boky ity ho baibolin'ny fiainany. Io ihany koa no boky malaza indrindra atoron'ireo mpanao politika sy tale mpanao afera nahazo laza sy harena an'ireo tanora indray mihira. Nahasarika sy nahazo dera eram-po eran-tsaina avy amin'ireo olona teraka taorian'ny ady tany Japana ilay boky. Tena tantaram-pirenena tokoa io tantara an-tsarimihetsika mitohy io.

Hita na aiza na aiza ny  sarin'i Ryoma, manomboka any amin'ireo vola vy fahatsiarovana, vifotsin-dabiera hatramin'ny zava-kanto nivoaka farany. The Hopeless Romantic dia namoaka sarin'i Ryoma hita manerana ny tanàna, i Time Out Tokyo kosa dia nanao ny lisitr'ireo toerana ahafahan'ireo mponin'i Tokyo mankafy ny tantara.

by Flickr user naitokz

Iray amin'ireo toerana malaza fitsidika ny Toeram-pitsangatsanganan'i Katsurahama any amin'ny faritr'i Kochi [ja], izay itoeran'ny tsangambato lehibe iray vita amin'ny alimo ahitàna an'i Ryoma mitazana ny ranomasina. Mitatitra ny blaogy Citynet fa misy ny tilikambo [ja] natsangana vonjimaika ahafahan'ireo mpitsidika manakaiky kokoa ilay tsangambato.

Miteny i Takashi Yoshida :

それにしても空前の龍馬ブームである。高知は以前から観光も龍馬頼みで、空港の名も高知龍馬空港。そして「龍馬伝」の経済効果は409億円で高知県の県内総生産の2%というから相当なものだ(自分の給料が2%増えたことを考えるとその効果の程がわかる)。私は、高知で11年暮らしたので坂本龍馬の高知での人気ぶりは知っている。しかしこの全国的な人気はどうだ。ブームに便乗して稼げる内に稼ごうという姿勢が丸見えの地域もあらわれている。自民党から共産党まで、保革を問わず政治家は龍馬を口に出していればまず安心である。

Mizotra ho amina fifantohan-tsaina tsy manam-paharoa amin'i Ryoma ny firenena. Niankina tamin'i Ryoma foana i Kochi teo amin'ny resaka fizahantany. Na ny seranampiaramanidintsika aza dia antsoina hoe Seranampiaramanidina Kochi Ryoma. Nitondra ny 2 isanjaton'ny vokatry ny faritanin'i Kochi ary 40.9 arivo tapitrisa Yen manerana ny firenena, goavana ny vokatra ara-toekarena nentin'ilay tantara mitohy Ryomaden. (Mety ahazoanao an-tsaina ny vokatr'izany ny nisondrotan'ny karamako 2% !) Noho izaho nonina tany nandritra ny 11 taona dia efa zatra amin'ny lazany any nefa tsy dia azoko antoka loatra io fankafizana manerana ny firenena io. Mangarahara ireo toerana sasany amin'ny fitadiavam-bolany raha azo atao amin'ny fomba mafonja. Manomboka any amin'ny Antoko Demokratika Liberaly hatrany amin'ny Antoko Kaominista Japoney, samy mieritreritra ireo mpanao politika amin'ny andaniny roa fa afa-doza raha toa ka miventy ny anaran'i Ryoma.

Nahoana i Ryoma no manintona fitiavana sy fanajàna lehibe toy izany? I Jon dia namotopotra izany fanontaniana izany ao amin'ny famintinany ny Sakamoto Ryoma sy ny Fanarenana ny vanim-potoana Meiji nosoratan'i Marius Jansen.

Ny marina dia ANISAN'ireo olona nanan-toerana ambony i Ryoma nandritra ny Bakumatsu. Ny maha-izy azy, ny toetrany, ny fahaizany mikolokolo fifandraisana sy mamorona fihavanana dia nahafahany nanao zavatra vitsy mpahay. […] Mieritreritra aho fa hahita ohatra maro ianao amin'ny alalan'ny tantaran'ireo olo-malaza ara-tantara izay mety tsy nanatanteraka akory ireo hevitra miavaka izay nampalaza azy ireo, fa naka izany fotsiny ary nanamafy azy na nampiasa ny heriny sy ny fahakingàny hanamarinana izany. Tsy hafa amin'ireo i Sakamoto Ryoma.

Indro misy antony hafa omena ao amina adihevitra iray ao amin'ny vohikala Fanontaniana&Valiny ao amin'ny Yahoo! Chiebukuro. Ny orinasa voaresaka tao dia ny orinasam-barotra an-dranomasina Kaientai. Ny mpiara-miasa amin'i Ryoma, Iwasaki Yataro dia hanohy ny diany hanaganana ny fanjakàna Mitsubishi.

龍馬が日本で初めて株式会社を設立したのは知っていますか。おそらく当時の日本で龍馬は突出した経済感覚を持っていた人物だったでしょう。つまり金儲けの才能がずば抜けていた。その才能を自分だけの利益のためでなく日本全体のために働かせようとしていたところが尊敬されるのでしょう。
そういった意味で龍馬が若くして死んでしまったことは残念でなりません。

Fantatrao ve fa i Ryoma no nanangana ny orinasa maoderina voalohany tany Japana? Azoko lazaina fa lasa aloha izy tamin'ny vanim-potoana niainany raha ny sehatra fandraharahana no resahana – niavaka ny fahaizany mampidi-bola. I Ryoma dia nampiasa ny talentany hanasoavana ny firenena, toy izay ho azy irery, izany no antony hanajàna azy fatratra. Tsy vitanao ny tsy  hanontany tena hoe inona no mety nitranga raha tsy maty tanora izy.

Topimaso an'ilay fisehoana faharoan'ny Ryomaden

Iray amin'ireo vahoaka mpankafy mahafatra-po i Masayoshi Son, mpanangana ary talen'ny mpanjakan'ny fifandraisana Softbank. Porofo raisina an-kianjoanjo: Ny sary famantarana ny Softbank dia miainga amin'ny an'ny orinasan'i Ryoma Kaientai (海援隊). Tamin'ny taon-dasa dia ni-tweet i @masason:

来年の大河ドラマは、坂本龍馬。私が最も尊敬する偉人です。 日本の夜明けのために命をかけた。立派なことだと思います。 事業を通じて少しでも龍馬さんの心境に近づけたらいいなあと思います。

Ny Taiga Drama havoakan'ny NHK amin'ny herintaona dia momba an'i Sakamoto Ryoma, lehilahy hajaiko indrindra noho ny hafa eran'izao tontolo izao. Nanao ny ainy tsy ho zavatra izy hanorenana ny hoavin'i Japana. Zavatra tena mahafinaritra izany. Amin'ny alalan'ny orinasako, ny hitovy fisaina amin'i Ryoma no tena ifoforako mafy.

Sary avy ao amin'ny Tranom-bakoka Edo-Tokyo

Tamin'ny 1863, tao anaty taratasy iray ho an'ny zokivaviny dia nanoratra i Ryoma, “te-hanadio an'i Japana indray aho.”

Naranty tao amin'ny Tranom-bakoka Edo-Tokyo tamin'ny lohataona tamin'ity taona ity ilay taratasy  [ja] ho anisan'ilay fampirantiana ho fahatsiarovana ireo tantara mitohy navoakan'ny NHK. Mamintina ny fampirantiana i TJ Orosa ato.

Na dia niverimberina foana aza ireo teny tato ho ato, indrindra eo amin'ny sehatra politika, nanohina ny fontsika tsirairay ny fihetseham-po. Miblaogy i duku0312:

Voalaza tao fa i Japana tamin'ny faran'ny vanim-potoana Edo niainan'i Ryoma Sakamoto dia mitovy amin'ny Japana amin'izao fotoana izao, miaraka amina trosa efa ho iray “quadrillion” Yen, tsy nahaenjika ny fanatontoloana ary ireo vahoaka sahirana amin'ny politikany sy ny hoaviny.

That is why Japanese are wishing modern Ryoma Sakamoto to appear. But…

Izany no iadrandran'ireo Japoney ny hipoiran'ny Ryoma Sakamoto maoderina. Saingy…

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.