Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Meksika: voalaza fa maty ireo mpianatra tsy hita popoka tao Ayotzinapa, nipoaka ny hatezerana teny an-dalambe

(Lahatsoratra nivoaka tamin'ny volana Novambra 2014)

The hashtag #YaMeCanse – I'm tired – was trending on Twitter and inspired street demonstrations in Mexico. Photo from Flickr by Somos El Medio/ Carlo Echegoyen. CC BY-SA 2.0

Ny tenirohy #YaMeCanse- Reraka aho- niroborobo tao amin’ny Twitter ary nitarika hetsi-panoherana tao Meksika. Saripikan’i Somos El Medio / Carlo Echegoyen tao amin'ny Flickr . CC BY-SA 2.0

Novonoina , nodorana tao anaty fanariam-pako ary natsipy tany anaty renirano feno fotaka tao anaty kitapo plastika mainty. Izany no zava-nanjo ireo mpianatra miisa 43, tao amin’ny sekoly fanofanana ho mpampianatra fantatra amin’ny hoe normalistas amin’ny teny Espaniola, izay nanjavona tsy hita ny 26 Septambra 2014, araka ny filazan’ny Minisitry ny Fitsarana Meksikana tamin’ny 7 Novambra 2014.

Noraisin’ny fianakavian’ireo mpianatra, sy ireo izay rehetra nandre tany Meksika sy manerantany niaraka tamin’ny ahiahy, hatezerana ary hasorenana ny fanambaran’i Jesus Murillo Karam: nifototra tamin’ny fibabohan’ireo mpamono olona miisa telo izay nokaramain’ny vondron-jiolahy mpanondrana rongony, izay tsy nahitana porofo mazava (tsy mbola fantatra ny sisa tavela tamin’ireo razana hita taorian’ny nametrahana azy ireo teo akaikin’ny toerana fandoroam-pako)

Mbola manantena ny hahita azy ireo velona ireo ray amandrenin’ireo mpianatra tsy hita popoka tao Ayotzinapa ary nilaza izy ireo fa tsy nino ny fanazavana nataon’ny manampahefana Meksikana.

‘’Te hilaza izahay fa  tsy manaiky ity fanambarana ity izahay amin’ny maha fianakavian’ireo mpianatra niharam-boina ireo, satria tsy misy porofo fa marina izany… Mila vaovao izahay. Manantena izahay mandra-piandry izany, fa mbola velona izy ireo. Hanohy hitady ireto tanora ireto izahay ary mangataka ny governemanta mba hampitombo ny fikarohana ’’ hoy ny renim-pianakaviana iray.

Tsikaritry ny mpisera Aterineto sy ny fampahalalam-baovao izay nitsikera ny fihetsika nataon’ny governemanta ny tsy fisian’ny porofo mivaingana. Nisioka i J.Hernandez Barros, mpisolovava sady mpikambana ao amin’ny Vaomiera Mpanatanteraka Mahaleotena amin’ny Fanampiana ireo Niharam-boina hoe :

Amin’ny raharaha Ayotzinapa, tokony hitohy ny fitadiavana ireo tanora  raha tsy voamarina ny fahafatesan’izy ireo amin’ny tombatombana fa mbola velona izy ireo.

Ho an’i Murillo Karam, manaporofo ny fiaiken’ireo mpamono olona voakarama miisa telo izay niasa ho an’ny vondron-jiolahy mpanondrana rongony Guerreros Unidos fa novonoina tamin’ny alin’ny 26 Septambra (2014) ireo mpianatra Meksikana nanjavona miisa 43, tany amin’ny toerana fanariam-pako tao Cocula, any atsimon’ny Fanjakan’i Guerrero, taorian’ny nitondran’ireo mpitandro ny filaminana azy ireo tany an-toerana teo ambanin’ny baikon’ny Ben’ny tanàna Iguala Jose Luis Abarca. Nilaza ireo manampahefana fa nanome baiko i Abarca mba hanakana ireo mpianatra izay nandeha fiara miisa efatra, alohan’ny nahatongavana tany an-tanandehibe [mety] hanakorontana ny kabarin’i Maria de los Angeles Pireda vadiny.

Nikendry ny fanambaran’i Murillo Karam ireo mpianatra ao amin’ny Ivontoerana momba ny Fikarohana sy ny Fanabeazana ara-Toekarena (Centro de Investigacion y Docencia Economicas). Nitatitra ny tranonkalam-baovao sy mpanao fanadihadiana Animal Politico hoe :

“Mampanahy ny mahita fa nifototra tamin’ny fibabohana ny fanambaran’i Karam”

Nofaranan’i Murillo Karam tamin’ity fehezan-teny manaraka ity ny lahateniny nandritra ny adiny iray: ‘’Tsy mila fanontaniana intsony. Reraka amin’izany rehetra izany aho’’.  Naverin’ireo izay nitsikera ny fanodikodinan’ny governemanta ity voina ity ny fanehoan-keviny niaraka tamin’ny tenirohy # YaMeCanse ( Reraka aho), izay vetivety dia lasa ‘’lamaody’’ tao amin’ny Twitter. Nahitana ny toy ny hoe ‘’ Reraka ny matahotra aho’’, ‘’Reraka ny miaina ato anatin’ny firenena mpamono olona aho’’ ary ny ‘’Reraky ny kolikoly sy ny tsimatimanota aho’’ ireo fanehoan-kevitra.

#Reraky ny governemanta ratsy aho. Fotoana izao hanehoana fa mila fanovana ny fiarahamonina. #Izany no Fanjakana.

Nanatevin-daharana ny hetsi-panoherana tamin’ny Aterineto ilay mpilalao sarimihetsika Meksikana Hector Suarez Gomis :

#Rerak'ity ‘’fahavalo vahiny ‘’ ity aho, izay resahan’ny hiram-pirenenay. Ny saranga politika no nanolo-tena hanosihosy ny firenena sy hampihoson-dra azy.

Niteraka hetsi-panoherana an-dalambe tao amin’ny Kianjaben’i Zocalo any Meksika ihany koa ny tenirohy tamin'ny 8 Novambra (2014).

Minitra vitsy talohan’ny fanombohan’ny hetsika tselatra tao Zocalo Meksika #RerakaAho

Nananosarotra ny fakana ny ADN nahafahana namantatra ny razana ny fandringanan'ny afo ireo noheverina fa sisa tavela amin'ny mpianatra. Ny niantehatra tamin’ny laboratoara manokana ao Aotrisy ny hany fanantenan'ny manampahefana farany. Mbola tsy fantatra hoe hafiriana no haharetan’ny dingana.

Jereo ny lahatsoratra : ‘Avereno ireo mpianatra Meksikana tsy hita tany Ayotzinapa

 

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.