Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fanentanana momba ny SIDA amin'ny alàlan'ny lahatsary

(Fanamarihana: lahatsoratra nivoaka tamin'ny 2008)Red ribbonRed Ribbon image by SibleyHunterAretina mandripaka maneran-tany izay namotika ny fiainan'ny lehilahy, vehivavy ary zaza maro nandritra ny 20 taona mahery ny VIH/SIDA. Anndroany, mitondra lahatsary ho anao izahay, izay miresaka momba ny VIH/SIDA amin'ny endriny maro samihafa: ahoana no hiainana izany, hiarovana ny tenanao tsy ho tratrany ary ahoana no hanentanana momba izany. Avy any Kamerona, hira nahazo loka voalohany tamin'ny resaka SIDA, avy any Arzantina, hetsi-panentanana izay tsy matahotra ny milaza amin'ny tanora ny atao hoe kapaoty sy ny fomba fampiasana azy, ary avy any Beijing, lahatsary mikasika ny fanavakavahana, miaina miaraka amin'ny SIDA ary ny tanjaka hahatonga ilay toedraharaha ho an'ny besinimaro.

Hira amin'ny teny Frantsay nosoratan'i Deny Munka izay nahazo loka tamin'ny 2005 nandritra ny fifaninanana nokarakarain'ny Kaomity Nasionaly amin'ny Ady Amin'ny SIDA (CNLS) tany Kamerona ny Koumandjara. Miresaka mikasika ireo fitondrantena mampidi-doza, fepetra fisorohana ary mikasika ny mitovy anarana amin'ilay hira, zazavavy tratran'ny SIDA tamin'ny alalan'ny fandidina ara-pananahana fanao amin'ny vehivavy.

Any Arzantina, natomboka tamin'ny herintaona ny hetsi-panentanana nasionaly iray mba hampahafantarana ny fampiasana kapaoty eo anivon'ny zatovo. Averina indray amin'ity taona ity ilay hetsi-panentanana triki-triki bang-bang miaraka amin'ny dikany iray hafa, mikendry ny hanabezana ny tanora amin'ny fomba fifanarahana amin'ny fampiasana kapaoty. Ao amin'ity rakitsary ‘tany ambadiky ny sehatra’ manaraka ity, hazavain'ireo mpikarakara ny mahatonga ny lahatsariny ao amin'ny Fahitalavitra ho toy ny làlana mitondra ny tanora ho any amin'ny tranonkalany, izay ahafahan'izy ireo mahazo fanazavana bebe kokoa mikasika ny fisorohana, fanandramana ary hafa. Miaraka amin'ny teny faneva vaovaon'izy ireo ”Raha tsy hanatsofoka ianao dia izaho no hanatsofoka azy aminao”, nanokatra ny lalana ho an'ny andiana lahatsary miresaka ny fomba hampidirana ny kapaoty ao amin'ny lalao ara-pananahana amin'ny fampiasana kapaoty misy hanitra, toetrany manokana, miloko, ary ny fomba hisintinana ny samy mpandray anjara hankamin'ny fampiasana ny kapaoty, ary ny fomba fampidirana izany amin'ny alalan'ny vava aza, mba hiarovana ny tenany amin'ny areti-mifindra izay ahitana ny VIH/SIDA. Amin'ny teny Espaniola ireo lahatsary sy tranonkala.

Manandratra ny tenany ho toy ny lahatsary podcast voalohany pelaka sy mahaleotena ao Shina ny QAFBeijing ary ao amin'ity lahatsary mizara 5 ity, mampiseho tranga roa samihafa izy ireo: voalohany, miresaka amin'i Edwin Cameron ry zareo, mpitsara lehibe ao Afrika Atsimo, lehilahy pelaka tsy manafin-tena ary mitondra ny tsimokaretina VIH izay napetrak'i Nelson Mandela teo amin'ny toerana tamin'ny fomba manokana, izay milaza hoe:

Mbola izaho irery ihany no olona tokana mitàna biraom-panjakana aty Afrika Atsimo, izay nofidiana mba hanambaràna ampahibemaso ny satako mitondra ny VIH, toa nahatsapa fa nantsoina hijoro vavolombelona aho. Nahatsapa ho voaantso mba hitatitra mikasika ny naha-tafavoaka velona ahy tao anaty firenena iray izay mahafaty olona an'arivony maro noho ny antony tsy misy dikany. Tsy nahatsiaro ho afaka na tokony hangina aho…

Mampiseho ny tantaran'i Xiaozhou ihany koa izy ireo, lehilahy pelaka iray mipetraka ao Shina izay mizara ny fomba nahitany ny satany miaraka amin'ny VIH, ny fomba niatrehany izany ary inona avy ireo zavatra andrasany sy antenainy ho amin'ny hoavy. Sady voadika amin'ny teny Sinoa no amin'ny teny Anglisy ilay lahatsary, miaraka amin'ny feo samy amin'ireo fiteny roa:

Part one of the video follows, and you can view part 2, part 3, part 4 and part 5 by following the previous links.

Manaraka ny ampahany voalohany amin'ilay lahatsary ary afaka mijery ny ampahany faha-2, ampahany faha-3, ampahany faha-4 ary ampahany faha-5 amin'ny fanarahana ilay rohy teo aloha ianao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.