Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lahatsary Ho An'Ireo Jamba

(Fanamarihana : lahatsoratra nivoaka tamin'ny Febroary 2009)

Ao Bolivia, Nicomedes Flores, avy amin'ny fikambanana Voces Bolivianas [amin'ny fiteny espaniola], fikambanana iray izay mampianatra fitazonana blaogy, no manazava ny fomba ahafahan'ireo rindrambaiko maimaim-poana natao ho an'ny olona manana olana ara-pahitàna, mifanerasera amin'ny tambajotra, amin'ny alalan'ny fampiasa fandefasana hafatra eo noho eo, ny fandefasana taratasy elektronika ary ireo blaogy. Ao Etiopia, fikambanana iray tohanan'ny UNESCO sy ny Fikambanana Iraisampirenena misahana ny Fifandraisandavitra no manofana ireo jamba sy ireo manana fahasembanana amin'ny maso, amin'ny fampiasana ireo solosaina sy ireo teknolojian-tserasera, ary vehivavy mpiasa iray sy mpikatroka mafana fo avy amin'ny tambajotra Novib ho an'ireo jamba no manazava amin'ireo tanora ety haha-vintana ny tsy fahitàna fa tsy voatery ho kilemaina. Ao Espaina, olona iray mpamorona rindrambaiko no manolotra ireo lalao an-dahatsary izay hahafahan'ireo manana olana amin'ny fahitàna milalao, ary nametraka fanehoana iray tao amin'ny tambajotra, tao Nizerià sy Kanadà, ramatoa iray marenina sy efa an-dàlana haingana mankany amin'ny fahajambàna no mitazona blaogina lahatsary mikasika ny fiainany.

Blaogera boliviana iray i Nicomedes Flores [amin'ny fiteny espanola], mitantana ny  Manuela Garandillas , ivontoerana ho an'ireo jamba ao Cochabamba. Avy amin'ny blaoginy, mampahafantatra ny rehetra izy mikasika ny asa ataon'io fikambanana io, ary eo amin'ny lahatsary [amin'ny fiteny espanola] eto ambany, hazavainy ny fomba ahafahany mijery Tranonkala, mamaky sy manoratra ireo hafatra elektronika, ary miresaka miaraka amin'olona hafa, noho ireo rindrambaiko maimaimpoana. Noho ny DotSub, misy fandikàna io lahatsary io, araka izay safidy, amin'ny fiteny anglisy, espanola na makedoniana.

Ny lahatsary [amin'ny fiteny anglisy] manaraka, ao amin'ny fantsona YouTube Itutelecommunication [amin'ny fiteny anglisy] an'ny Fikambanana Iraisam-pirenena misahana ny Fifandraisandavitra, dia mampiseho ireo solosaina, ireo famoahana printin-tsoratra Braille, ary ireo fitaovana famadihana ho feo an'ny Ivontoerana Teknolojika Natokana ho an'ireo Jamba ao Addis-Abeba, ary ny filàna azy ireo ho an'ireo olona mampiasa azy.

Mbola ao Etiopia hatrany, lahatsary iray hafa [amin'ny fiteny amharique, misy fandikàna amin'ny fiteny anglisy], novokarin'ny DarkandLight.org [amin'ny fiteny anglisy], dia mampiseho an'i Yetnebersh Nigussie manazava amin'ireo kilasimandry ao amin'ny Sekoly ho an'ireo Jamba ao Gondar hoe ahoana ny tsy fahafahany mahita no lasa vintana ho azy, satria, nanosika azy hianatra sy mba hanany asa fa tsy sàkana nampihitsoka ny fiainany, mba tsy hiatrika fanambadiana aloha loatra sy hitondra vohoka matetika.

Ao Espana, Javier Mairena [amin'ny fiteny espanola] no namorona lalao iray novokarina tamin'ny Flash izay afaka lalaovin'ireo olona manana fahasembanana amin'ny fahitàna. Io lalao io izay karazana “Pong ” dia mampiasa ireo marika misy feo mba hahafantaran'ny mpilalao izay toerana alehan'ny baolina. Azo sintonina  [amin'ny fiteny espanola] izy io. Ary ity ambany ity ny lahatsary iray mampiseho ny fanehoana mikasika io lalao io.

Ny farany nefa tsy ny kely indrindra, Coco, izay manoratra eo amin'ny Tactile the World [amin'ny fiteny anglisy], mitantara amin'izao tontolo izao izany atao hoe marenina izany, ary miaina miaraka amin'ny syndrome d'Usher, izay midika fa izy koa dia tena tsy hahita intsony any am-parany any. Tsy hoe mitazona blaogy fotsiny izy hanoratany ireo ambony sy ambany amin'ny asany ao Nizeria, amin'ny alalan'ny fandraisana anjara amin'ny fandrafetana programa-na sekoly iray ho an'ireo marenina-jamba, fa koa manao lahatsary amin'ny blaogy izy [amin'ireo firesaky ny moana], manafangaro ny fikatrohana, ireo niainany manerana izao tontolo izao amin'ny fanandramana mijery zavatra faran'izay betsaka araka izay vitany mialohan'ny tsy hahafahany mahita  intsony, ary fandinihan-tena kely mikasika ny fomba fanakàrany ny trangan-javatra. Avoakany eo amin'ny blaoginy ny famadihana ho soratra [amin'ny fiteny anglisy] ny sasantsasany amin'ireo lahatsariny, mba ho afaka mamaky azy ireny ireo olona mandre, nefa koa mba ho ren'ireo jamba ny solosaina izay mamaky mafy ireo lahatsoratra. Eto ambany ny iray amin'ireo lahatsary [amin'ny fitenin'ny moana], mikasika ireo olana manorisory azy.

Manoratra ihany koa izy eo amin'ny blaoginy [amin'ny fiteny anglisy] ireo lahatsoratra mikasika ireo vidéoblogs sy ireo marenina-jamba, ny filàna (na tsia) ny fanaovana fandikàna na fanoratana ireo lahatsary amin'ny fitenin'ny moana, ny mahazava-dehibe ny fanofanana vondrom-piarahamonina iray, ny serasera eo amin'ireo marenina sy ireo marenina-jamba, ary ny sasantsasany amin'ireo fanamby hoe ny marenina sy jamba dia midika ho:

Ireo ohatra hafa: i Walmart vao avy nanangana ireo fitaovana famadihana ho feo tao amin'ireo milina fandoavam-bola amin'ny karatry ny banky eny amin'ireo fandraisam-bola mba ho ren'ireo jamba saingy afaka mandre izany ka hahafahan-dry zareo manao ny fandoavam-bolany. Mitovy amin'izay ihany koa no mitranga any amin'ireo milina mpizara vola mibaiko tena, misy ny Braille saingy tsy misy fanehoana Braille mandeha ho azy hanoloana ny feo, mba hahafahan'ireo marenina-jamba hamaky. Fanamby iray ho an'ireo marenina-jamba ny fiampitàna arabe satria tsy misy eny rehetra eny amin'izay tokony hisy azy ireo mpampihovitrovitra, saingy kosa misy ireo filazana amin'ny alalan'ny feo rehefa mipendrapendrana ilay sarin-tànana na rehefa mipendrapendrana ilay sariolona fotsifotsy. Miampità! Miampità! Mijanona ! Mijanona !

De quoi réfléchir.    ……….Ahoana no mba hieritreretana!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.