Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

“Afrika sy ny Tononkalom-baovao”: Nanao Karajia Twitter Ho An'ny Tononkalo Manerantany Ny Global Voices

Karajia Twitter ataon'ny Global Voices Afrika Atsimon'i Sahara, mankalaza ny Andro Iraisam-pirenena ho an'ny Tononkalo tamin'ny 21 Martsa 2018.

Ho fankalazana ny Andro Manerantany ho an'ny Tononkalo ny 21 Martsa 2018, hampiantrano fifanakalozan-kevitra ao amin'ny Twitter momba ny lohahevitra “Afrika sy Tononkalom-baovao” ny ekipan'ny Global Voices atsimon'i Sahara.

Tamin'ny taona 1999, nanambara ny UNESCO (Sampan'ny Fanabeazana, Siansa sy Kolontsaina ao amin'ny Firenena Mikambana fa Andro Iraisam-pirenena ho an'ny Tononkalo ny 21 Martsa, milaza fa “ny poezia dia manamafy indray ny maha-olombelona amin'ny alalan'ny fampafantarana antsika fa ny tsirairay, na aiza na aiza manerana izao tontolo izao dia mitovy fanontaniana sy fahatsapana.”

Hankalaza ny andro miaraka amin'ny vakinteny, resadresaka, famoaham-botoaty, hira sy tsianjery ary atrikasa ireo poeta, mpiasa ara-kolotsaina, mpanoratra, mpandalina fiteny, mpankafy ny teny rehetra manerana an'izao tontolo izao mba hampiroborobo sy hankalaza ny herin'ny tononkalo ho fanamafisana ny mahaolona iombonana.

Nwachukwu Egbunike, mpitantana ny Fiarahamonina Global Voices Atsimon'i Sahara no nandrindra ny resadresaka niaraka tamin'i Amanda Leigh Lichtenstein (Etazonia/Zanzibar), Njeri Wangari Wanjohi (Kenya) ary Dami Ajayi (Nizeria).

Niasa tamin'ny hetsika fiarovana ny kanto ara-literatiora tao Zanzibar, Ethiopia, ary tao Etazonia i Lichtenstein (@travelfarnow), mpanoratra sy poeta mahaleotena. Wanjohi (@kenyanpoet) kosa dia poeta Kenyana  malaza sady mpanao gazety. Namoaka ny andian-tononkalony faharoa mitondra ny lohateny hoe  A Woman's Body is a Country na “Firenena iray ny vatan'ny vehivavy iray” i Ajayi (@ajayidami), dokotera mpitsabo Nizeriana. Poeta nivoaka miaraka amin'ny angona tononkalo vao haingana mitondra ny lohateny hoe Blazing Moon i Egbunike, avy any Nizeria ihany.

Manomboka amin'ny 7 ora hariva (Ora ao Afrika Andrefana) amin'ny Alarobia 21 martsa ao amin'ny Twitter ny karajia ary mampiasa ny teny famantarana ny Global Voices Atsimon'i Sahara @gvssafrica. Ny fifanakalozan-kevitra dia hifantoka amin'ny fifandraisana eo amin'ny asa fanaovan-gazety sy ny poezia miaraka amin'ny fifantohana manokana amin'ny kaontinanta Afrikana.

Poeta, mpiambina sa mpaminany?

Mpiaro ny tononkalo fotsiny ve ny poeta sa misy aingam-panahy izy ireo? Ho an'ny maro,.mpanompon'ny hatsarana ny poeta. Na dia milaza aza ny hafa fa mpaminany ny poeta.

Ahoana ny fampiasana teny tsara sy marevaka raha mijanona ao anatin'ny rojon'ny tsy refesi-mandidy ny poeta sy ny vondrom-piarahamoniny? Ny poeta izay miara-miasa amin'ny mpampijaly dia tsy mahazo tombony amin'ny tononkalo ho fanompoana ny soa iombonana. Any amin'ny kaontinanta anjakan'ny mpanao didy jadona, tsy rendrarendra ny poeta amin'ny maha-mpilaza ny marina azy.

Angamba sarotsarotra ny poeta: sambon'ny hatsarana ary koa mpiasan'ny fahamarinana.

Afaka mikarakara ny asa fanaovan-gazety ve ny tononkalo? Ao amin'ny tontolon'ny lohateny vaventy, ahoana no ahafahan'ny tononkalo mamelona ny vaovao? Inona no azon'ny mpanao gazety tsoahina avy amin'ny poeta, tononkalo sy ny “eritreritra poetika”?

Sary avy amin'ny Stone Town, Zanzibar. Sary: Pernille Bærendtsen. Nahazoana alalana.

Afrika sy ny tononkalom-baovao

Manerana ny kaontinanta Afrikana, ireo fikambanana toy ny Chimurenga sy Badilisha Poetry X-Change (Afrika Atsimo), Soma: Fialam-boly, Kolontsaina, sy Fianarana (Tanzania), Kwani Trust (Kenya), Ny Fetiben'ny Boky Port HarcourtFetiben'ny Boky Ake, Fetiben'ny Kanto sy Boky Lagos (Nizeria), Foaran'ny Boky Iraisampirenena Hargeysa (Somaliland) ary ny Writivism (Oganda) no ohatra vitsivitsy monja amin'ireo fikambanana manerana ny kaontinanta izay manoka-tena amin'ny fampiroboroboana ny fiteny, ny literatiora ary ny kolontsain'ny vakiteny.

Nahitana fitomboana ny isan'ny atrikasa, fetibe, vakiteny, famoahan-dahatsoratra sy seminera natao hamoronana kolontsaina ara-literatiora matanjaka indrindra manerana ny kaontinanta tao anatin'ny folo taona farany. Mankasitraka am-pahavitrihana ny fiaviana lalin'ny tononkalo ao amin'ny kaontinanta sy ny heriny tsy manam-paharoa ireo poeta sy mpanoratra mba hanamafy orina ny demaokrasia, hanohitra ny toe-javatra, ary hiaro ny  fahalalaham-pitenenana.

Vao haingana ny ‘tononkalo sy ny vaovao’ no nahazo lohatenim-baovaony manokana miaraka amin'ireo fampahalalam-baovao sy fikambanana mitrandraka ny fihaonan'ny roa tonta: Nieman Storyboard: Asa Fanaovan-gazety Tononkalo sy Fitantarana sy NPR: NewsPoet: Manoratra ny Andro anaty rima (andininy).

Manohy mamerina ny hevitra ‘ ‘poeta toy ny vavolombelona” ny mpanao gazety, mitatitra ny toetra lalindalina kokoa, voatapoka sy mampihetsi-po kokoa an'ireo tantara ao ambadiky ny lohatenim-baovao sy ny vaovao misongadina.

Ity ary maro hafa no horesahana mandritra ny Karajia Twitter ho ataon'ny Global Voices Afrika Atsimon'i Sahara.

Fanamarihana: Amanda sy Nwach dia anisan'ny vondrom-piarahamonin'ny Global Voices izay tonian-dalahtsoratra sady mpanoratra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.