Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Carabaos Sy Ny Tanimbary: Topimaso Amin'ny Fiainana Any Ambanivohitr'i Filipina

Henoy, tsy renareo ve ny hiran'ny fiainana vaovao avy amin'ireo saha sy ireo tendrombohitra? Sary sy maribolana an'i Lito Ocampo, fampiasàna nahazoana alàlana

Tsidihan'i Lito Ocampo, bekotro maroholatra mpakasary sady mpikatroka, matetika ny tanàna nahaterahany ao Pampanga, tanàna iray miorina ao amin'ny faritra afovoan'ny nosy Luzon ao Filipina, mba hialàny amin'ny tabataba sy ny loto ao amin'ny faritr'i Manille renivohitra.

Mampitamberina aminy ny fahazazany ireo fitsidihana ataony amin'ny fankafizana ny hatsaran'ny toerana nahaterahany.

Amin'ireo sary izay ifampizaràny amin'ny Global voices, tsy ireo sehatra mampiavaka manokana ao amin'ny tanàna iray mpamboly ihany akory no nopihany ho sary, fa angamba koa, mety tsy ho tsy fanahy niniany, ny endriky ny fambolena ao Filipina.

Ohatra, ny fampiasana miely patrana ny carabaos dia ahitàna taratra ny fepetra fahiny amin'ny sehatry ny fambolena ao amin'ny firenena, amin'ny ankapobeny. Ny fampiasana ireo arabe hanahazana ireo vokatra dia midika ho tsy fahampian'ireo toerana natokana ho an'ireo tantsaha.

Ankoatra ny fiainana ambanivohitra maharevo, mampatsiahy amin'ireo mpakasary tanora i Ocampo mba hianatra momba ny fakàna ny toeran'ireo mponina eny ambanivohitra, indrindra indrindra ireo tantsaha, izay anisan'ireo maro an'isa tena mahantra indrindra ao amin'ny firenena sady itataovan'ireo loza ara-pahasalamana ateraky ny asa mamola-damosina ataon'izy ireo eny an-tsaha.

Miaraka amin'ny fitohizan'ny fanitarana tanàndehibe, maro be ireo vohitra  ambanivohitra sy ireo mponina amin'ny tontolo maitso sahala amin'ny tanàna nahaterahan'i Ocampo no mety hivadika tampoka ho toerana fanaovana raharaham-barotra na toerana fizahantany. Araka izany, ireo sarin'i Ocampo dia azo ampiasaina ihany koa mba hampianarana ny vahoaka momba ireo olana amin'ny fampiasana ny tany, ny dingana misy ny fandaharanasa fanavaozana ny fambolena ary ny filàna maika ny hiarovana ny tontolo iainana.

Ndeha hanao  fitsidihana virtoaly an'i Sta. Tanànan'i Rita ao amin'ny faritanin'i Pampanga.

Taorian'ireo mpanjono, ireo tantsaha indray no nanara-dia an'ireo sehatra mahantra indrindra ao Filipina. Sary an'i Lito Ocampo, fampiasàna nahazoana alàlana.

Tagak (vanobe na egret) eny an-tampon'ny carabao. Sary an'i Lito Ocampo, fampiasàna nahazoana alàlana.

Voatery mampiasa arabe ireo tantsaha mba hanahazana ireo vokatra noho ny tsy fisian'ny toerana. Sary an'i Lito Ocampo, fampiasàna nahazoana alàlana.

fiantsonan'ny “fiara”. Tranon'ny carabao. Sary an'i Lito Ocampo, fampiasàna nahazoana alàlana.

Lito Ocampo, mpakasary, tao amin'ny  lakandrano iray

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.