Mozambika: Fanafihana Kandida Filoham-pirenena

(Fanamarihana: lahatsoratra nivoaka tamin'ny volana Jiona 2009 ity)

Namaly ny fanafihana nahazo ilay mpanao politika Daviz Simango, tao avaratry ny tanàna seranan-tsambo Mozambikana, Nacala ireo bilaogera Mozambikàna Carlos Serra [pt] sy Paulo Granjo [pt]. Ankoatra ireo fanehoan-kevitra tao amin'ny tontolon'ny bilaogy, nisioka momba ny fanafihana ny antokon'i Simango (@mdmwiki).

Ben'ny tanànan'i Beira i Simango, ary nanorina ny antokony vaovao MDM tamin'ny fiandohan'ity taona ity, rehefa niaraka tamin'ny antokon'ny mpanohitra nentim-paharazana RENAMO. Vao andro vitsy lasa izay, nanamafy ny fikasan'izy ireo handray anjara amin'ny amin'ny fifidianana filoham-pirenena amin'ny volana Oktobra sy hanao fampielezan-kevitra izy sy ny antokony. Nitarika ny fivorian'ny antokony i Simango no nisy olona tao anatin'ny vahoaka nitifitra azy izay naka ny fitaovam-piadian'ny polisy.

Tsy naratra izy saingy nilaza ny fampahalalam-baovao fa nisy olona telo naratra, ka polisy ny iray. Nilaza ny tatitra voalohany avy amin'ny fampahalalam-baovao Mozambikàna tsy miankina fa mpikambana ao amin'ny RENAMO no nitifitra.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.