Tamin'ny fahatsiarovana ny fahadimampolo taonan'ny fisiany, dia napetraky ny Vondrona Afrikana ny fandaharam-potoana ho an'ny kaontinanta nomena anarana hoe “Agenda 2063” hananganana “The Africa We Want” [i Afrika Tadiavintsika]. Io planina io dia nosoritan'ny 54 mpikambana ao amin'ny Vondrona ho “antso hoan'ny saragam-piarahamonina Afrikana iray manontolo hiaraka hiasa hanangana an'i Afrika tafaray sy miroborobo ao anaty soatoavina niaraha-nizara sy manaraka lahatra iray iraisana”.

Ireo lakile hanatrarana ny “The Africa We Want” [I Afrika Tadiavintsika], araka ny Banky Afrikana Misahana ny Fampandrosoana, dia ny politikam-pitarihana stratejika, ny fampiraisana ny faritra, ny famoronan'asa ho an'ny Afrikana rehetra ka tafiditra amin'izany ny vehivavy sy ny tanora, ary ny fitantanana fifandroritana.

Fa Afrika tahaka ny ahoana moa izany no tadiavin'ny Afrikana? Nametraka ny fanontaniana tao amin'ny media sosialy ny Vondrona Afrikana hahita ny valiny.

Share your visions for #Africa using #TheAfricaWeWant – if in Addis join us live, Apr 28, 6-9PM RSVP required pic.twitter.com/kaqqCDbJ6F

— AU Project 2016 (@AUProject2016) April 26, 2016

Zarao ny vinanao ho an'i Afrika amin'ny fampiasana #TheAfricaWeWant na i Afrika Tadiavintsika ary raha eto Addis dia miaraha aminay manaraka ny mivantana amin'ny 28 avrily amin'ny 6-9ora hariva, ilaina ny mamaly na mampita ity azafady indrindra.

Mazava loatra fa niteraka setriny avy amin'ireo Afrika mpisera Twitter izany. Ny Filohan'ny Vondrona Afrikana, Dr. Dlamini Zuma, nitady “fiarahamonina ara-toekarena velona”:

#TheAfricaWeWant is one with a vibrant Economic Community, with nothing less than 70% intra-African trade. #AUProject2016.

— Dr Dlamini Zuma (@DlaminiZuma) April 28, 2016

I Afrika tadiavintsika dia ilay Fiarahamonina ara-toekarena velona, izay tsy latsaky ny 70 isanjato ny fifanakalozana anatiny Afrikana.

Nisioka i Obianuju Ekeocha, Nizeriana iray:

#TheAfricaWeWant is one where the family is elevated and put at the core of human rights and development projects pic.twitter.com/Ix9O3eUHMW

— Obianuju Ekeocha (@obianuju) April 29, 2016

I Afrika tadiavintsika dia ao amin'ilay toerana asandratra ny fianakaviana ary apetraka eo amin'ny ivon'ny zon'olombelona sy ny tetikasam-pampandrosoana.

Mieritreritra Afrika mahavelon-tena i Tsonam C. Akpeloo:

‘I envision an Africa where we consume what we produce and export the surplus of what we produce’ #AUCitizen #TheAfricaWeWant

— Tsonam C. Akpeloo (@Akpeloo) April 29, 2016

Mahita vina an'i Afrika mihinana izay vokarintsika aho sy manondrana ny ambim-bavan'izay novokarintsika.

Mitady Afrika tsy misy fanaovan-kitoatoa, fa atanjahan'ny fanolokoloana ny fahamendrehana:

#TheAfricaWeWant is where people get things on merit and not based on who they know

— #BlackGirlsRock (@ProfUkay) April 28, 2016

I Afrika Tadiavintsika dia ahitana fa ireo mendrika no mahazo fa tsy mifototra amin'ny fahalalana olona

Naniry fitsaboana tsara ho an'ny Afrikana rehetra ilay Ongandey solontenan'i Global Voices, Pru Nyamishana:

I hope for an Africa with sustainable high quality healthcare #TheAfricaWeWant

— Pru Nyamishana (@nyapru1) April 28, 2016

Manantena Afrika manana fitsaboana tsara dia tsara sy mitoetra maharitra aho

Mitady Afrika matanjaka eo amin'ny firaisankina sy ny fimaroana i Nebila Abdulmelik:

#TheAfricaWeWant is one of Solidarity & Sisterhood, Beauty & Brotherhood, Unity but not uniformity. Where multiplicity of voices strengthen

— Nebila Abdulmelik (@Aliben86) April 26, 2016

I Afrika Tadiavintsika dia ilay manana firaisankina sy mandala ny firahalahiana sy firahavaviana sy ny hatsarana, Firaisana fa tsy fitoviambika

Precious Kc George indray maniry an'i Africa tsy misy mpitarika manao kolikoly sy mahazo aterineto:

I envision an Africa where leaders are not corrupt, and internet access increased. @US_AU #TheAfricaWeWant #AUProject2016

— Precious Kc George (@PreciouskGeorge) April 28, 2016

Mahita vina an'i Afrika tsy misy mpitondra voakolikoly sy ny fitomboan'ny aterineto aho.

Poetika i Anand Madhvani:

my Africa:
proud strong confident
revelling in its diversity

goes beyond Western
personal consumerism

shows 🌎🌍🌏 abundance#TheAfricaWeWant

— Anand Madhvani (@dosima_org) May 2, 2016

I Afrika-ko:
afa-mirehareha matanjaka mahatoky
maneho ny fimaroany

mandeha mihoatra ny fanjifan'olo-tokana
Tandrefana

Mampiseho 🌎🌍🌏 zina
I Afrika Tadiavintsika