Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mandray Fepetra Hanakanana Ny Fandotoan'ny Zavo-tsetroka Ny Mpanjifa sy ny Mpikatroka Ao Singapaoro

Youth volunteers who pledged for a haze-free environment. Photo from the Facebook page of People's Movement to Stop Haze.

Tanora mpilatsaka an-tsitrapo vonona hiaro ny tontolo iainana tsy misy zavo-tsetroka. Sary tao amin'ny pejy Facebook-n'ny Hetsi-bahoaka Manatsahatra ny Zavon-tsetroka.

Satria mitohy miely manerana ny Azia Atsimo Atsinanana ny loton'ny zavon-tsetroka avy amin'ny fandoroana ala, nampanantena ireo mpanjifa sasany ao Singapaoro fa vonona tsy hanohana intsony ireo orinasa tafiditra amin'ny famokarana ara-pambolena tsy maharitra. Nilaza ireo mpanjifa fa tsy hividy na hampiasa ireo vokatra avy amin'ny orinasa mpamokatra menaka voanio izay mahatonga ny fandripahana ala ao amin'ny faritra.

Nanjary olana isan-taona ao Singapaoro, Malezia sy Indonezia ny zavo-tsetroka manavatsava sisintany noho ny hain-tany sy ny doro tanety maharitra. Noho ny “tavy” fanaon'ny mpamboly sy ny hetsika fambolena mena-boanio amin'ny tany midadasika ao Indonezia no anton'izany. Saingy ankoatra an'i Indonezia, ifampizaran'i Malezia sy Singapaoro ihany koa ny andraikitra hampitsahatra ny fandoroana ala, satria mamatsy vola ny famokarana menaka voanio ao amin'ny faritra ireo orinasa voasoratra anarana ao amin'ireo firenena ireo.

Mangataka amin'ny mpanjifa mba tsy hividy vokatra mandray anjara amin'ny fandotoan'na zavona ny hetsika natomboky ny vondrona “maitso” ho an'ny tontolo iainana:

As consumers, we can contribute towards our collective fight against haze pollution by making informed and responsible purchases. The haze is caused by toxic smoke from fires raging in South-east Asia’s forests and peatlands, which are cleared for agricultural development. For instance, plantations in our region supply much of the world’s palm oil, a key ingredient in food products and cosmetics. Consumers can make a difference by supporting products that are sustainably sourced.

Amin'ny maha-mpanjifa, afaka mandray anjara amin'ny ady iombonana amin'ny fandotoan'ny zavo-tsetroka isika amin'ny alalan'ny fanjifana mahay misafidy sy tompon'andraikitra. Ny zavo-tsetroka dia avy amin'ny setroka misy poizin'ny afo miparitaka ao amin'ny ala sy ny tany mando ao Azia Atsimo-Atsinanana, ripaka noho ny fandrosoan'ny fambolena. Ohatra, mamatsy ny ankamaroan'ny mena-boanio manerantany ny toeram-pambolenay ao amin'ny faritra, zavatra fototra ilaina amin'ny sakafo sy ny fanadiovana tarehy. Afaka manova zavatra amin'ny alalan'ny fanohanana vokatra izay manana fototra maharitra ny mpanjifa.

Nitanisa zavatra dimy azon'ny mpanjifa atao hampihenana ny fandotoan'ny zavo-tsetroka ny Hetsi-bahoaka Manatsahatra ny Zavo-tsetroka :

1. Reduce consumption of edible oil
2. Reduce usage of paper
3. Support companies which use sustainable palm oil
4. Support companies which use sustainable paper
5. Influence companies

1. Ahena ny fihinanana menaka fihinana
2. Ahena ny fampiasana taratasy
3. Tohanana ny orinasa mampiasa mena-boanio maharitra
4. Tohanana ny orinasa mampiasa taratasy maharitra
5. Mandresy lahatra orinasa

Mandray anjara amin'ny fampianarana ny vahoaka momba ny fanjifana tsy manimba tontolo iainana ny hetsika. Izany ihany koa no tanjon'ny hetsika “Miaina Izay Vidinay Izahay” izay mampahatsiahy ireo mpanjifa fa afaka manery ireo orinasa izy ireo mba hampiasa vola amin'ny famokarana mena-boanio “tsy ilaina “zavo-setroka.

Photo from the Facebook page of People's Movement to Stop Haze

Sary tao amin'ny pejy Facebook-n'ny Hetsi-bahoaka Manohitra Ny Zavo-tsetroka.

Nampiroboroboina tao amin'ny media sosialy tamin'ny alalan'ny diezy #XtheHaze ihany koa ny hetsika fanairana ara-tontolo iainana.

@wwfsg #earthhour mandefa ho anao ny tsara indrindra amin'ny hetsika  #xthehaze

Mampiseho GIF (sarimiaina) mandrisika ny mpanjifa mba hifidy vokatra fikojakojana tarehy tsy misy zavo-tsetroka ny sioka eto ambany

Ampitomboy ny fahavononana hampitsaharana ny zavo-tsetroka. Takio ny vokatra tsy nilaina zavo-tsetroka

Manasongadina ny fiantraikan'ny fandotoan'ny zavo-setroka eo amin'ny olom-pirenena tsotra ity lahatsary dokambarotra ity.

Niharatsy ny zavo-tsetroka tamin'ny herinandro lasa, izay nanery ireo sekoly sy toeram-piasana maromaro hampiato ny asa ao Singapaoro. Tamin'ny famaliana ny fangatahana fandraisana fepetra mivaingana avy amin'ny governemanta, notondroin'ny minisitry ny tontolo iainana sy ny Famatsiana Rano, Vivian Balakrishnan ireo orinasa ahiahiana ho tafiditra amin'ny doro ala ary nandidy azy ireo avy hatrany mba hamaha ny olana.

We will therefore expect companies to be more transparent about their supply chains, particularly those involved in the palm oil and forestry sectors. Ultimately, errant companies must know that there is a price to be paid for damaging our health, environment and economy.

Koa dia manantena ireo orinasa mba ho mangarahara kokoa amin'ny famokarana izahay, indrindra indrindra ireo tafiditra amin'ny sehatry ny mena-boanio sy ny ala. Farany, tsy maintsy mahafantatra ireo orinasa voarohirohy fa misy vidiny ny fanimbana ny fahasalamana, ny tontolo iainana sy ny toe-karenay.

Tamin'ny fanoratana tamin'ireo tranokalam-baovao hafa The Online Citizen, nandrisika ny governemanta Singaporeana i Terry Xu mba hiara-hiasa akaiky amin'ny fikambanana tsy miankina Indoneziana sy ireo mponina mba hanakanana ny fihanaky ny doro ala.

What the Singapore government could probably do is to engage with the NGOs in Indonesia and to work out a plan to monitor errant companies. It could also help provide jobs for villagers who would be willing to work as firefighters and watchmen of the plantations to prevent fires or to testify against companies who run afoul of the law.

Ny mety azon'ny governemantan'i Singapaoro atao dia ny mampandray anjara ireo fikambanana tsy miankina ao Indonezia ary mamolavola drafitra fanaraha-maso ireo orinasa tsy tompon'andraikitra. Mety hanampy amin'ny fanomezana asa ho an'ny mponina vonona hiasa toy ny mpamono afo sy mpiambina ny toeram-pambolena ihany koa izany mba hisorohana ny afo na koa mijoro ho vavolombelona manoloana ireo orinasa mandika lalàna.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.