Olona an’arivony no nirotsaka an-dalambe tany Tel Aviv ny alin’ny Sabotsy 23 Jona, taorian’ireo fifandonana narahin-kerisetra teo amin’ny mpitolona sy ny mpitandro filaminana ny omalin’iny. Ny Zoma 22 Jona, nikasa ny hiverina hibodo ny lalamben’ny Rothshield tao Tel Aviv  miaraka amin’ny tranolay ireo mpitolona ho amin’ny fahamarinana sosialy (#J14) nefa notsenain’ny mpitandro ny filaminana tamin’ny herisetra izany. Nilaza ny lehiben’ny mpitandro ny filaminana, Yoram Ochion, fa nosakanana io fitokonana io fa tsy “manara-dalàna”.

Niantso ireo mpomba azy hiaraka hankeo amin’ny kianjan’ny Habima ny tranonkala ofisialin’ny #J14 ny Sabotsy alina:

Ny Zoma 22 Jona, voadaroka  ireo ankizy amam-behivavy, ireo olona efa zokinjokiny ary ireo olona mitaintaina noho ny fampiharan'izy ireo ny zony fototra indrindra: ny zo hanohitra.Tongotra mihosin-drà sy mpitolona maro voasambotra no vokatr’io ezaka hametraka tranolay teo amin’ny làlana io. Ezaka mahery setra ataon’ny fanjakana hamotehana antsika mponin’i Israely iny fampiasan-kery tsy mifandaja sy famoretana nahazo antsika androany iny. Nalainy ny fonenantsika, ny asantsika, ny zontsika hiaina am-pahamendrehana, ny hoavintsika, ny fanantenantsika – ary izao ny fahafahantsika no kasainy alaina. Mialà eo amin'ny sezalavanao, ny fahitalavitra, mivoaha ny efitrano mafana sy toeram-pivarotana. Mivoaha ny fiaranao, ravao ny sakana, ary mijoroa miaraka aminay – mirehareha sy resy lahatra hiady hatramin'ny farany ho an'ny hoavintsika.

Valin’izany : olona an’arivony no nidina teny andalamben’i Tel Aviv. Maherin’ny 80 ny mpitolona voasambotra taorian’ny fifandonana mahery vaika teo amin’ny mpitolona sy ny mpitandro filaminana. Vaky ny fitaratry ny banky ary olona an-jatony no nanakana ny arabe roa lehibe sy ny làlana Ayalon. Teny faneva sahala amin’ny “mitaky fahamarinana sosialy ny mponina”, “mpanohitra daholo ny olon-drehetra” na “mitaky demokrasia ny mponina” no heno nandritry ny alina.

Ireto misy bitsika sy sary vitsivitsy tany Tel Aviv. Manoratra i Orly Barlev [heb]:

עשרות עצורים. ביצים נזרקו על העיריה קודם. איילון, אבן גבירול ודרך בגין נחסמו בו זמנית. 3 בנקים הושחתו. אלפים מול העירייה עכשיו #j14

— Or-ly Barlev (@OrLyBarlev) 23 Jona 2012

Nitsikera i Nitay Peretz:

במדינה שבה בעלי ההון, הבנקים, הממשלה, המשטרה והמתנחלים רומסים ברגל גסה כל יום את החוק – מה אתם מתרגשים פתאום מזה שעוברים על החוק? #J14

— Nitay Peretz (@nitayp) 23 Jona 2012

Mampiseho ireo mpanohitra nandray ny làlamben'i Ayalon ilay mpaka sary eto ambany:

Oaoh! Voasakan'ireo mpanohitra tanteraka ny làlan'Ayalon aoTel-Aviv #occupy #j14 #israel twitpic.com/9zqp65

— Gilad Lotan (@gilgul) 23 Jona 2012

Navoaka roa andro talohan'izay ity bitsika manaraka ity nefa naverina navoaka imbetsaka izany nandritra ny nampahavesatra ny herisetra:

שים אוהל בשדרות רוטשילד ויעצרו אותך באלימות. שים קראוונים על קרקע פרטים בשטחים ויממנו לך בית #j14

— m l (@Tooltop) June 22, 2012

Ary ho famaranana, nisy olona namoaka sary ahitàna fiaranà mpitandro filaminana nisy nanoratra. “Mishta-ra'al” no soratra hita ao ambadik'ilay fiaranà mpitandro filaminana. Ny “Mishtara” dia midika hoe mpitandro filaminana, ny “Mishtar” midika hoe fitondrana, ary ny “ra'al’ dia midika hoe poizina. Ilay tsilalaonteny dia milaza hoe samy poizina avokoa na ny governemanta na ny mpitandro filaminana.

“משטרעל”…. #j14 twitter.com/bneibraki/stat…

— דוס מחמד ® (@bneibraki) June 23, 2012

Ireto misy rohin-kevitra ho anareo izay te-hanaraka ny hetsika Israeliana mitaky fahamarinana sosialy :
– Ny livestream raitran'i Elian
– #J14 ao amin'ny Twitter
– J14 amin'ireo fanavaozana vaovao ao amin'ny Facebook ho an'ny daholobe
– Ny vohikala ofisialin'ny J14