Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Okraina: Lahatsary Fohy Vokarin'ny Tanora Ho An'ny Fitovian'ny Lahy sy ny Vavy

Ny ankamaroan'ny vehivavy Okrainiana dia nahita fianarana ambony avokoa, nefa mandray karama latsaky ny 30 isan-jato amin'ny an'ny lehilahy mitovy laharana aminy. Mora very asa kokoa izy ireo, na tsy ho voaray hiasa mihitsy satria mety ho bovohoka. Na dia tsy niteraka aza izy, izy ihany no mbola miadidy ny ankamaroan'ireo raharaha ao an-tokantrano, izay mibahana ny fivoarany eo amin'ny asany. 50 isan-jato ihany koa ny vintana mety hizakàny herisetra an-tokantrano.

Raha ny lalàna ao Okraina, isan'izany ny lalàm-panorenan'ny firenena, mametraka fitoviana araka ny lalàna eo amin'ny lahy sy ny vavy (miralenta),  mbola asa mafy sy sarotra ny fanentsenana ny banga eo anelanelan'ny resaka lalàna sy ny fampihàrana azy. Na izany aza, ny fomba fisaina nentim-paharazana sy ny soatoavina dia miova miandàlana, ary ireo olon-tsotra hatramin'ireo mpiaro ny zon'ny vehivavy, dia mitàna toerana lehibe ao anatin'ity dingana ity. Ny Aogositra 2010, ohatra, olona 1.000 teo ho eo no nitanjozotra [en] tao Kiev renivohitr'i Okraina mba hanohitra ny herisetra ao an-tokantrano, ary anjatony maro ireo mpirotsaka an-tsitrapo nanatevin-daharana ny fanentanana momba ny herisetra an-tokantrano.

Fifaninanana mamokatra lahatsary ho an'ny tanora Okrainiana

Ny 17 Jona hatramin'ny 10  Septambra 2011 dia vondron-tanora iray manan-talenta no nametraka [en] ny firotsahan-dry zareo ho aminà fifaninanana iray mamokatra lahatsary fohy mikasika ny miralenta, nantsoina hoe “Ny Fanelingelenan’ ny Miralenta”. Nila namokatra lahatsary maharitra 5 minitra eo ireo mpandray anjara, amin'ireo sokajy roa ireto: “5 minitra mikasika ny fitovian'ny lahy sy ny vavy (miralenta)” na “5 minitra momba ny fisorohana ny herisetra ao an-tokantrano”. Nahazo ny tàn-tsoroka avy amin'ny Fandaharan'asan'ny Firenena Mikambana Ho amin'ny Fampandrosoana (PNUD) sy ny Solontenan'ny Fiombonambe Eraopeana ao Okraina ilay fifaninanana.

Ny mpitsara no hifantina ireo izay handresy, ary ao amin'ny Youtube kosa ny mpampiasa aterineto no ho afaka hisafidy amin'ireo lahatsary fohy. Efa  nisy nijery in-50.000 sahady ireo lahatsary tao amin'ny aterineto, ary izay mendrika indrindra dia halefa hojerena mandritra ny fetiben'ny lahatsary fohy momba ny miralenta  hokarakaraina ao Kiev amin'ny Oktobra 2011.

Ireto ambany ireto misy fantina avy amin'ireo lahatsary izay azon'ny olona maro takarina amin'ny tenim-pirenena maro, ary afaka mijery misimisy an'ireo lahatsary napetraka ao amin'ny pejy Youtube GenderTube koa ianareo.

“Herisetra eo anivon'ny fianakaviana – fiainana montsamontsana” – an'i “Infinity”

“Ovay ny fijerinao – aza rasinina ho fitaovana ara-nofo fotsiny ny vehivavy” – an'i “Just a kilo”

“Ary Mba Ahoana ny Amin'ny Fianakavianao?” – an'i “Divine Animators”

“Tsy misy lahy sy vavy ny fahaiza-manao” – an'i “NONAME_GROUP”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.