Rehefa mijery ny Twitterfeed-ko, dia toa ny tsirairay no hihevitra fa efa ela ny tontolo Arabo no niandry ity andro ity. Niteraka koronana teo anivon'ny aterineto ireo Tweets nankalaza ny lositry ny filoha Toniziana Zine El Abidine Ben Ali avy tao Tonizia.

Ho an'i Bader Al Aujan, avy ao Arabia Saodita, andro iray mampirehareha io:

Ary ilay Saodiana Mohammed Al Dugailbi dia ravo tsy nisy toy izany:

Dima Khatib manao fampitahana amin'ny fibodoana na fanafahana an'i Iràka, ary miteny:

Antenaiko fa tsy ho tototra loatra Ing. George Bush ao amin'ny ‘ranch-ny’ ao ka hahita ny fomba marina ataon'ny vahoaka mba hoafa-patorana. Tsy ilàna akory an'ireo tafika vahiny tsy mahay mionona ireo #sidibouzid #Bush

Youssef Chaker manentana an'ireo Toniziana mba hanohy hatrany ny dia:

#Tunis, aza manolo jadona amin'ny iray hafa… Tohizo ny làlana ary vitao ny asa.

Avy any Bahrain, Hashim Alawi dia mandefa tweets:

Yacoub Slaise manamarika:

Antenaina fa nahavita ny enti-modiny ry zareo Toniziana ary namaky ny ‘Animal Farm’, mba tsy hifarana toa an'io “Napoleon” io #Tunsia #sidibouzid

Ary mamaly i Bahrainman :

Nanana “Napoleon” iray i Tonizia, ary leo azy io ry zareo. NIAINA ny ‘Animal Farm’ nandritry ny  23 taona ry zareo!

I Mahmood Al Yousif miteny amin'ireo Toniziana mba hanararaotra ny fandresena azony, farafaharatsiny na dia andro iray ihany aza:

tsinjoko ho misy sahady ve ny nenina any anatin'ireo tweet sasany avy ao #tunisia ankehitriny? tsy naharitra ela izany! mitsangàna, mitsikia ary mba manam-panantenana na dia ho anio fotsiny aza!

Majda72 koa dia mandefa tweet iray manokana :

Fanamarihana ho an'ny Tandrefana, tsy fisafoahana Islamika akory iny! Raiso ny fomba fitsaratsarànareo ny tontolo Arabo ka alenteho any am.. . #sidibouzid

Tao anatin'izay azo heverina ho revolisiona nampiasana ny twitter, ilay Ejiptiana mpanoratra,  Mona ElTahawy,  dia mampahatsiahy antsika:

#Twitter tsy nitondra ny #JasminRevolt. Ny fanoherana  nataon'ireo #Tunisians nanam-pahasahiana. Twitter nanome antsika – ny tontolo – ny toerana ery anoloan'ny sehatra. #Sidibouzid

Ary i  Sameer Padania nanamarika:

Miandry fatratra ilay andro iray hisian'ny rovolisiona nokatsahina hatry ny ela  & tsy hahatsapan'ny tsirairay fa hoe noho ny tanjaky ny teknolojia izany.

ElTahawy koa manampy:

Tanatin'ny #29andro ny hetsika tamin-pahasahiana'ireo   #Tunisians‘ dia nampidaraboka an'i #BenAli, mpitondra jadona nandritra ny 23 taona. Revolisiona voalohany indrindra taorian'ny fanjanahantany teo amin'ny tontolo  #Arabo #Sidibouzid

Ahmad Fahad, avy any Oman, tsy mahavita intsony mamily ny sainy handao ny Twitter:

Fomba ahoana moa izany izao no heveriko hahafahako miasa raha ny governemanta aza voaongana amin'ny alàlan'ny  Twitter?

Ary i Andy Carvin manampy:

Tiako fotsiny ny endrika niofoan'ilay fifanakalozan-dresaka mikasika an'i #sidibouzid sy ny hoe misy ireo olona mamaky ny lalampanorenana Toniziana amin'ny antsipirihany.

Egyptian Ahmad Badawy manantena fa ny zavcatra henjana nanomboka tao Tonizia dia tsy mitsahatra eo. Mandefa tweets izy:

Manaraha mandrakariva ireo rako-baovao avy any Tonizia.