Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Egipta: Facebook maditra

Tamin'ny herinandro, ny fandaharana fitafatafàna isan'andro Misr El-Naharda (Egipta Androany), izay alefa amin'ny fantsona fahitalavi-panjakàna Egiptiana Al-Masreya, dia niady hevitra momba an'i Facebook sy ny vokany eo amin'ny fiaraha-monina Egiptiana.

Manoratra momba ilay fandaharana i Zeinobia ao amin'ny blaoginy, sy ny nokendrena tao anaty adihevitra te-hamely ny Facebook.

Niresaka momba ny tombontsoa sy ny lafiratsin'ny Facebook ny fahitalavi-panjakàna Misr El-Naharda, ka nifantoka bebe kokoa tamin'ny lafiratsiny ary nampitovy azy tamin'ny devoly izay hanimba ny fiarahamonina Egiptiana.

Lasa lasibatry ny esoeson'ny tontolon'ny blaogy Egiptiana ilay fandaharana, noho ny mpanolotra ny fandaharana Mona El Sharkawy, niaraka tamin'ireo vahiny roa tao, Nadia Radwan sy Gamal Mukhtar nanao fanamarihana diso – sady nahatsikaiky – nandritra ny fandaharana.  Noraiketina ary nampiakarina tamin'ny YouTube [Ar] ilay fandaharana, ary ireo mpitoraka blaogy toa an-dry Aam Mina kosa namerina ireo teny tena nahatsikaiky nolazaina nandritra izany.

مني الشرقاوي: الفيسبوك طبعا تبع شركة جوجل العالمية وهو حجرة من حجيرات شركة جوجل.
نادية رضوان: فيه بردو موقع “مي بليس” شبيه ليه.

مني الشرقاوي: احنا بقينا جواسيس لبلدنا.. بنفضح بلدنا.
مني الشرقاوي: الحمدلله ان استخدام الانترنت لسة محدود
Mona El Sharkawy: Azo antoka fa an'i Google mihitsy i Facebook. Sampana iray iray ao amin'i Google io.
Nadia Radwan: Ao koa i “My Place”, izay vohikala tena mitovy aminy.

Mona El Sharkawy: Dia lasa mpitsikilo mitsikilo ny firenentsika ihany isika izao.
Mona El Sharkawy: Isaorana Andriamanitra fa mbola voafetra ihany ny tahan'ny fidirana aterineto aty Egipta.

UltimateServ koa dia nanoratra tao amin'ny Twitter momba ny nanovan'ilay mpanolotra fandaharana manokana ho an'i Facebook, izay tsy mbola nampiasainy akory tany aloha.

مش عيب ان منى الشرقاوي تعمل حلقة عن الفيس بوك وتقول انا مفكرتش اشترك فيه أصلاً هو دا الإعلام الرسمي بتاعنا؟ منهم لله
Tsy mahamenatra ve hoe nanao fandaharana momba an'i Facebook i  Mona El Sharkawy, dia avy eo miteny izy fa mbola tsy nieritreritra mihitsy ny hiditra ao? Izany no fitondràn-tenan'ny fahitalavi-panjakàna. Hofaizin'Andriamanitra anie izy noho izany.

Taorian'ny fandaharana dia maro ny mpitoraka blaogy no nanomboka nieritreritra fa mety ho hetsika avy amin'ny governemanta iny hanalavirana ny vahoaka amin'i Facebook, mba hisakanana azy aty any aoriana, indrindra taorian'ny fandrosoana amin'ny sehatra haino aman-jery sosialy Egyptiana sy haino aman-jery fototra. Ny sasany aza nanomboka nanontany tena hoe mety hamorona sehatra tambajotra sosialy hafa izay azony fehezina ny governemanta. Nanoratra bebe kokoa momba izany i Zeinobia ao amin'ny blaoginy.

Niteraka tahotra sy fanehoan-kevitra betsaka izy io ka teraka ny tsaho androany fa nanolotra tetikasa ny Link Dot Net ho solon'ny Facebook ho an'ny fanjakàna, niparitaka loatra tamin'ny aterineto izany tsaho izany ka nolavin'ny Link Dot Net tamin'ny fomba mazava dia mazava ampahibemaso.

Nanoratra tao amin'ny blaoginy i Amira Al Tahawi fa efa misy solon'ny Facebook mankamin'ny fitokana-monina any Egipta.

عندنا اكاونتات ع الفايس بوك القبطي والاخواني والمصري . خلي الحكومة بقى تعمل فيسبوكها
Mpikambana ao amin'ny Coptic Facebook, Ikhwan Facebook, ary Egypt Facebook aho izao. Avelao amin'izay ny governemanta hamorona ny Facebook azy manokana.

Farany ny Ministeran'ny Fifandraisan-davitra sy ny Teknolojia vaovao dia nandà ireo tsaho rehetra momba ny fanakànana ny Facebook [Ar]. Na izany aza dia tsy nanàkana ny esoeso efa mandeha amin'ny Twitter izany momba ny mety hisian'ny solon'ny Facebook hoforonin'ny fanjakàna, sy ny mety ho endrik'izany[Ar/En].

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.