Notafihan'ny andian'olona lazaina fa mpikambana ao amin'ny Mpirahalahy Miozolomana sy ny mpanohana azy ny fiangonana sy ny varotry ny kôpta nanerana androany [14 aogositra]. Nisy izany fanafihana ara-pivavahana izany taorian'ny fanesorana an-kerisetra ny sit-in ataon'ny mpanohana an'i Morsi [gv-mg] ao Kairo. Maro dia maro tokoa ny ejipiana maty na maratra.
Maro ny mihevitra ao amin'ny tambajotra sosialy ejipsiana fa nandranitra ny fifanavaham-pivavahana ny Mpirahalahy Miozolomana, nampifandrafy ny miozolomana amin'ny kristiana ka nahatonga ny fanafihana androany [14 aogositra] izay tsy mbola nisy toy izany.
Nomanin'ny mpanohana ny filoha teo aloha Mohammed Morsi, mpikambana ao amin'ny Mpirahalahy Miozolomana ny sit-in roa. Tapaka tamin'ny tamin'ny 3 jolay ny fe-potoana niasany taorian'ny fihetsiketsehana goavana nitakiana ny fialàny sy ny fitakiana hanatanterahana alohan'ny fotoana ny fifidianana.
Tao anatin'ny herinandro maromaro izao ny mpanohana an'i Morsi sy ny Mpirahalahy Miozolomana no nilasy teo amin'ny kianja Rabaa Al Adawiya, ao Nasr City, sy ao amin'ny kianja Al Nahda, akaikin'ny Oniversiten'i Kairo, nitaky ny hamerenana ny “ara-drariny” na ny famerenana an'Atoa Morsi eo amin'ny toerana maha-filoha voafidin'i Ejipta azy.
Nisioka toy izao i Ishak Ibrahim, mpikaroka momba ny fandraisana an-tanana ejipsiana amin'ny lafiny zon'ny tsirairay [ar]:
#حرق #الكنائس حصيلة الاعتداءات ف9 محافظات: حرق 20 كنيسة ودير واحد و2مبنى خدمات و3 مدارس و3 جمعيات دينية وملجأ أطفال وتكسير ونهب7 كنائس. 10
— ishak ibrahim (@ishakassaad) August 14, 2013
Toy izao ny vokatry ny fanafihana androany tao amin'ny governorà 9 : fiangonana 20, monasitera iray, Fanorenana fiasana roa, sekoly telo, fikambanana relijiozy telo ary toerana fandraisana kamboty no may ary fiangonana fito no nisy nanafika sy nandroba.
Nanazava izy tao amin'ny sioka manaraka :
استهداف الإخوان وأنصارهم للمحاكم والكنائس ومجالس المدن وأقسام الشرطة يعود بالأساس لعدم إيمانهم بالدولة والوطن
— ishak ibrahim (@ishakassaad) August 14, 2013
Tamin'ny fanafihana fikendrena lapan'ny fitsarana, fiangonana, vaomiera monisipaly ary komisarià maro no ahafantarana ny tsy fitokisany Fanjakana intsony.
Nisioka i The Big Pharaoh :
Till now 16 churches were burned, some of them of historical significance. That's unprecedented. Last time happened hundreds of years ago.
— The Big Pharaoh (@TheBigPharaoh) August 14, 2013
Hatrami'izao dia fiangonana 16 no may, manan-danja ara-tantara ny sasany amin'ireo. Tsy mbola nisy toy izao. Efa anjatony taona lasa no nisy toy izao farany.
Nampiany :
Majority of churches that were set ablaze are in Upper Egypt, where most Christians are and where MB still has considerable support.
— The Big Pharaoh (@TheBigPharaoh) August 14, 2013
Ny ankamaroan'ny fiangonana nodoran-dry zareo dia ao Ejipta Ambony, izay iainan'ny ankamaroan'ny kristiana sady faritra ananan'ny MPirahalahy Miozolomana mpanohana izaitratra.
Notohizany :
I think the magnitude and geographical spread of the attacks on Christians didn't happen before since the mid ages.
— The Big Pharaoh (@TheBigPharaoh) August 14, 2013
Mihevitra aho fa tsy nahitana fanafihana ny kristiana tahaka izao amin'ny faritra midadasika tahaka izao hatramin'ny Vanim-potoana Antenantenany.
Nizara ny sarin'ny fiangonana iray any Sohag voadoro androany 14 aogositra i Fouad MD :
A photo of the beautiful historic church burned in #Sohag #Egypt today by pro-Morsy supporters pic.twitter.com/HVdRPGhRb3
— Fouad, MD (@FouadMD) August 14, 2013
Sarin'ny fiangonana manatantara iray ao Sohag, Ejipta nodoroan'ny mpanohana an'i Morsi androany pic.twitter.com/HVdRPGhRb3
Nampifandray ny fanafihana ny fiangonana tamin'ny fanesorana ireo mpanohana an'i Morsi ny mpikatroka iray antsoina hoe Dalia Ziada. Toy izao no nosoratany :
Reports from Upper Egypt: Islamists launching massive attacks on churches in reaction to evacuating strikes of #MuslimBrotherhood #Egypt
— daliaziada (@daliaziada) August 14, 2013
Tati-baovao avy any Ejipta Ambony : nanao fanafihana goavana ireo fiangonana ny islamista ho setrin'ny fanesorana ny fitokonan'ny Mpirahalahy Miozolomana #MuslimBrotherhood #Egypt
Maneho ny heviny i Firas Al Atraqchi :
The attacks on Coptic institutions in #Egypt betrays the understanding that an Islamist government can never be inclusive. Or tolerant.
— Firas Al-Atraqchi (@Firas_Atraqchi) August 14, 2013
Ny fanafihana ny rafi-pitantanana kôpta ao Ejipta no mampiseho fa tsy ampidirana vondrona hafa ny governemanta islamista iray. Na dia ny milefitra aza.
Ary mampahatsiahy i Leil_Zahra Mortada :
You can be against #MB, and still denounce the massacre of the army and #MOI, and be against the sectarian crimes against the #Copts. #Egypt
— Leil-Zahra Mortada (@LeilZahra) August 14, 2013
Azonao atao ny manohitra ny #MB (Mpirahalahy Miozolomana) sy manameloka ny famonoana ataon'ny tafika sy ny MOI (Minisiteran'ny Atitany Ejipsiana), ary manohitra ny heloka atao amin'ny Kôpta vokatry ny fifandrafiana ara-pivavahana. #Egypt
Ankoatra ny fivavahana dia notafihana ihany koa androany [14 aogositra] ny orinasan'ny Kôpta, hoy i Schehrazade :
In #Luxor, it sounds like Morsi supporters are targeting Coptic shops, hotels & people. Copt owned Horus hotel next door to ours got burnt.
— الإِسْكَنْدَرَانَيّة (@_Schehrazade_) August 14, 2013
Eto Louxor, tahaka ny hoe mikendry ny fivarotana, trano fandraisam-bahiny ary ireo olona kôpta ny mpanohana an'i Morsi. Kôpta no tompon'ny hôtel Horus, eto akaikinay. May io.
Misy koa ny tranon'olo-tsotra no potika, hoy i Marian Kirollos :
My source in Delga says that 10s of Coptic houses were torched while the police remain absent.
— MK مريم (@MariamKirollos) August 14, 2013
Loharanom-baovaoko any Delga no milaza fa trano ampolony an'ny kôpta no may nefa tsy nisy polisy nipoitra.
Amin'izany fatiolona sy faharavana maro izany no mametraka ny andron'ny 14 aogositra ho andro matroka eo amin'ny tantaran'i Ejipta. Mamehy izany fihetseham-po izany i Yossra Farghaly, sy ny fanenenany.
I'm sorry for ever being a part of jan25….that deteriorated to reach the point we're living in right now. I'm sorry for being an Egyptian.
— Yossra Farghaly (@YossraFarghaly) August 14, 2013
Miala tsiny aho nandray anjara tamin'ny jan25 [andro nihetsiketsehana voalohany indrindra]…izay nivadika ka nahatongavana amin'izao toe-javatra iainantsika izao. Miala tsiny aho amin'ny maha-ejipsiana ahy.