Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Ekoadaoro: Nesorina ilay mpanolotra fandaharana malaza tao amin'ny fahitalavitra

(Lahatsoratra tamin'ny volana Aprily 2009)

Mpanao gazety malaza amin'ny fahitalavitra no noroahin'ny fantsona Ecuavisa [es] tao anatin'ny fifampihenjanana amin'ny fifidianana ankapobeny tamin'ny 26 avrily 2009 tany Ekoadaoro. Nanokatra ny adihevitra ny fanapaha-kevitra nandroahana an'i Carlos Vera raha toa ka afaka manohana antoko ary mirona kokoa amin'ny andaniny noho ny amin'ny ankilany ny mpanao gazety. Nilaza ny fantsona fa nampiseho tsy fahamendrehan'ny asa fanaovan-gazety i Vera, satria nomeny fotoana bebe kokoa ilay kandidà ben'ny tanàna [es] Ab. Jaime Nebot ary tsy nomeny fotoana hamaliana ilay mpifaninana aminy Maria Duarte raha ny filazan'ilay bilaogera Rafael Méndez Meneses. Nisy mihitsy aza ny vinavina fa nanery ny fantsona handroaka an'i Vera ny governemanta.

Ecuadorian journalist and former Ecuavisa anchor, Carlos Vera. Used under permission

Carlos Vera, mpanao gazety Ekoadoreana sady mpanolotra fandaharana tao amin'ny Ecuavisa teo aloha. Nahazoana alalana avy aminy

Saingy, nolavin'i Vera izany fanambarana izany ary nilaza izy fa nisy ifandraisany tamin'ny faniratsirana ny filoha Correa [es] (jereo ny horonantsary) izany.

Olona fanta-daza any Ekoadaoro i Vera noho izy hita miavaka sy ny fivoaran'ny asany amin'ny maha mpanao gazety azy na io amin'ny fahitalavitra na pirinty ary samy manana ny heviny ny bilaogera ao an-toerana. Na izany aza, tsy ny rehetra no tia azy, hoy i Autentico Ecuatoriano [es] nilazalaza ny momba azy:

Carlos Vera Rodríguez es quizá el periodista más polémico del Ecuador en las últimas dos décadas. Dueño de un estilo incisivo, arrogante, en veces hasta raya en la petulancia y eso lo hace no sólo un poco antipático

Carlos Vera Rodríguez angamba no mpanao gazety mampiady hevitra indrindra ao Ekoadaoro tato anatin'ny roapolo taona. Manana fomba fiasa tena manapatapaka sy mianjonanjona izy, ary indraindray mihoatra ny tsipika ary tsy vitan'ny mahasorena kely izany

Na eo aza izany dia tokony handinika ny tsindry avy any ivelany ny fantsona. Mihevitra i Francisco Suarez avy ao amin'ny Desde mi Trinchera [es] fa tsy maintsy nandray fanapahan-kevitra arakaraka ny mety ho fiantraikan'izany eo amin'ny orinasa ary tsy maintsy nanao sorona ny asa fanaovan-gazety ao amin'ny fantsona noho ny tsindrin'ny fianakaviana Roca, tompon'ny Ecuavisa sy ireo orinasam-baovao hafa ao amin'ny firenena:

Carlos Vera Rodríguez nunca fue un periodista de mi predilección. Grosero como él sólo a más no poder, estrujaba a sus entrevistados como lavandera a jeans viejos. Palo y más palo. Contrapuntos fuertes y en vivo transmitidos en Ecuavisa ni bien el gallo dejaba de cantar. Sin embargo (y lo digo con la convicción de haberlo vivido como entrevistado suyo que fui por dos ocasiones) cada palabra o argumento que soltaba su boca venía cargada de datos soportados por documentos oficiales obtenidos de fuentes confiables.

Tsy mba anisan'ny mpanao gazety ankafiziko velively i Carlos Rodriguez Vera. Bontolo amin'ny maha-izy manokana azy, potseriny ny vahiny asainy amin'ny antsafa toy ireny fanasana lamba jeans tonta ireny. Mikapoka azy ireo mafy amin'ny rantsan-kazony izy. Alefa mivantana ao amin'ny Ecuavisa vao maraina ny fampitahana mahery vaika. Na izany aza (ary milaza izany aho sady miaiky fa nahita izany satria efa indroa aho no vahininy tamin'ny antsafa) feno angondrakitra tohanan'ny antontan-taratasy ofisialy azo avy amin'ny loharanom-baovao marim-pototra ny teny sy ny tohan-kevitra rehetra izay aloaky ny vavany.

Manaiky ihany koa ny Ecuador Sin Censura [es] fa nahazo tsindry avy amin'ny governemanta ny tompony mba hampanginana ny feon'ny mpanohitra, toa ilay mpanao gazety voaroaka. Manome raharaham-barotra betsaka ho an'i Ecuavisa ny governemanta ary misy ny fampahafantarana sasany mba hampatsiahivana ny fantsona momba izany.

Amin'ny fialàn'ny olo-malaza toa an'i Vera dia maro no miahiahy ny amin'ny maha-azo itokisana ny fahaleovantenan'ireo fantsom-pahitalavitra toa ny Ecuavisa. Manondro mpanao gazety iray hafa, Jorge Ortiz, izay manana fandaharana ao amin'io fahitalavitra io ihany ny Auténtico Ecuatoriano [es]:

Ortiz hizo lo correcto, callar hasta encontrar el momento acertado para dar una estocada final: la seriedad de los Noticieros y Programas de Opinión de Ecuavisa estarán ya no en entredicho de aqui en adelante, sino que su credibilidad tocaría asintóticamente el CERO.

Marina ny an'i Ortiz, mangina izy aloha mandra-pahitany ny fotoana mety hanomezana hevi-dehibe farany: tsy ho tandindomin-doza intsony manomboka eto ny fahamatoran'ny vaovao sy ny hevitry ny fandaharana ao amin'ny Ecuavisa, saingy hiverina aotra ny fahatokisana azy.

Raha mankasitraka ny fanapahan-kevitr'ireo talen'ny fantsona kosa i Diaro Relativo [es] ary mitsikera an'Andriamatoa Vera:

Ecuavisa se puso las pilas al cancelar el programa de Carlos Vera “Cero Tolerancia”, es una medida muy justa, los televidentes estábamos ya hasta el copete de la arrogancia y parcialización de dicho mediocre periodista ( aunque en este país no hay periodistas excelentes).

Nandray fanapahan-kevitra tsara tamin'ny fanafoanana ny fandaharan'i Carlos Vera “Zero Tolerance” (Tsy mandefitra mihitsy) ny Ecuavisa, rariny izany, efa leo ny anjonanjony sy ny fitongilanan'ity mpanao gazety tsy mamely ity ny mpijery (na dia tsy misy mpanao gazety tena mahay dia mahay aza eto amin'ity firenena ity).

Nandritra ny fotoana nialàny tamin'ny fandaharana, naneho hevitra tamin'ny fanohanany azy tao amin'ny vondrona Facebook ireo mpankafy an'i Vera.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.