Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Polisy antserasera, Jeografia ao Iran

(Lahatsoratra teny Anglisy efa tamin'ny volana Janoary 2011)

Nitatitra ny radiom-pirenena fa mikasa hanaparitaka “polisy antserasera” manerana ny firenena i Iran, nilaza ny Jeneraly Ahmadi Moghaddam fa “tsy misy ny andraso andraso” amin'ny fametrahana ny fiarovana farany an'ny Repoblika Islamika amin'ireo fahavalony tena izy sy fantany. Tsy vao izao i Moghaddam no nilaza fa hametraka polisy antserasera. Miaraka amin'ny Basiji maniry ny hibodo ny sehatra antserasera ihany koa, manomboka ho feno olona tanteraka ny aterineto Iraniana.

Jeneraly Ahmadi Moghaddam

Raha naheno momba ny polisin'ny aterineto isika dia mety mieritreritra hoe “mpijirika” manafika ireo tranonkala mpanohitra sy manara-maso ireo mpikatroky ny Hetsika Maitso ao anaty aterineto. Ny fifanakalozan-kevitra malaza momba ny hevitra polisin'ny aterineto dia mifantoka amin'ny lafiny “aterineto”. Ny mety adinon'izy ireo dia olombelona ireo polisy ireo ary miezaka ny mitady sy misambotra olombelona hafa. Izay manomboka ho serasera dia miafara hatrany any amin'ny olombelona.

Na mety maminavina ny famoronana tokoa ny polisin'ny aterineto Iraniana na tsia ny tenin'i Moghaddam, dia tsy midika izany fa tsy misy lanjany. Sehatra iray izay nahazo fikarohana kely ny psikolojian'ny sivana amin'ny aterineto sy ny fanarahamaso ny aterineto ary mendrika ny hodinihana kokoa. Mety hisy fiantraikany amin'ny eritreretintsika ny fahatsapana hoe tahaka ny ahoana tokoa ny aterineto. Mety mandefa dindo izany fomba fijery momba ny aterineto izany manerana izao tontolo izao isika avy eo, mamindra ny hevitry ny “Fahalalahan'ny Aterineto” sy ny fitarihana ny politika ivelany. Tokony hanana hevitra hoe “Fahalalahana an-tserasera” ve isika raha mikatona ny hany aterineto fantatsika? Ho an'ny mpiserasera aterineto amin'ny ankapobeny ao amin'ny aterineto mihidy ao Iran, mety mahatonga ny aterineto efa atahorana na mampatahotra kokoa ny mandre fampielezan-kevitra momba ny fisamborana noho ny fampiasana Facebook, mailaka voajirika, tranonkala an-tapitrisany voasakana, Facebook lasa fialokalofan'ny mpitsikilo, ary ankehitriny polisy antserasera an'arivony naparitaka manerana ny firenena. Afaka manampy ny mpiserasera ireo fitaovana fanafenan-tsoratra na tsy itononana anarana mba hahafantarana fa voaaro izy ireo, saingy mety ho hafa tanteraka ny fahatsapan'ny mpiserasera.

Mitady hampizara ny mpiserasera ny adihevitra malaza, manova azy ireo miainga amin'ny maha-olombelona sarotiny ho:

  • Mpankafy fahalalahana sahy hanao zavatra amin'ny anaran'ny demaokrasia liberaly tandrefana (manohintohina ny didy jadona ny aterineto), na
  • Olom-pirenena nampijaliana na matahotra iharan'ny fisamborana na fanorisorenana tsy tapaka (manampy ny didy jadona ny aterineto)

satria tsy dia misy loatra ny fiheverana ny zava-misy iainan'ny olona sy ny toe-javatra ahazoany miditra aterineto. Rehefa resahina izany toe-javatra izany dia mitady ho tsinontsinoavina na tsy raharahiana ka lasa mivoaka kokoa any amin'ny sehatra midadasika be ny tsirairay amin'ireto fomba fijery ireo, tahaka ny polisy antserasera izay miparitaka manerana an'i Iran. Zara raha nahasarika ny sain'ireo olona mianatra momba ny sivana amin'ny aterineto ny tontolon'ity toe-javatra ity ho an'ny mpiserasera satria mitady hanampy vona betsaka kokoa amin'ny olana. Na dia mety avondrona amin'ny toerana iray aza ny sivana, dia tsy toy izany kosa ny fahatsapana sy ny fiantraikany amin'ny fitondrantenan'ny aterineto. Mety malina kokoa ny mpiserasera iray any Teheran noho ny iray ao amin'ny faritra lavitra izay tsapa fa marefo ny fahefan'ny fitondrana.

Ny haben'i Iran no mahatonga azy ho tsy sarotra zaraina ny fahefana.

Raha filazana momba ny tetikasa ho avy ny fanambarana vao haingana nataon'ny fitondrana, dia ampiasaina hananganana tahotra sy fisalasalana manodidina ny aterineto izany, raha raisina amin'ny heviny avy hatrany. Mety tsy afaka mampihorohoro ireo mpikatroka ny Hetsika Maitso ny fitondrana, saingy mety hisy fiantraikany amin'ny Iraniana an-tapitrisany maro amin'ny fomba samihafa. Farany, afaka manampy amin'ny fanivanan-tena sy ny fifehezan-tena, toy ny panopticon ny kabarin'ny fitondrana, amin'ny fampielezan-kevitra mahomby. Raha midera ny tatitra farany momba ny DDoS tao amin'ny Berkman Center aho, dia manontany tena hoe inona no hitranga raha voaaro tsara amin'ny DDoS ireo tranokalan'ny mpanohitra saingy manana mpijery vitsy satria nitsahatra tamin'ny nataony ireo mpanao didy jadona ka nanova ny paikadiny mankany amin'ny fandrahonana ara-tsaina sy ara-batana bebe kokoa. Araka ny nanamarihan'i Ethan Zuckerman, ny “fandavana tolotra (DDoS)” dia tsy ara-teknika fotsiny, fa mety ho asam-birao ihany koa. Mampiseho ny fanehoan-kevitra sy ny hetsika vao haingana nataon'ny fitondrana fa mety ho ara-tsaina ihany koa ny fandàvana tolotra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.