Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kyrgyzstan: Leo Hetsi-panoherana?

(Fanamarihana: lahatsoratra nivoaka tamin'ny Martsa 2008)

Ampahavitrihana no nandalinan'ireo blaogera ny fanapahan-kevitry ny governemanta Kyrgyz mba hanao ny 24 Martsa – andron'ny fikomiana malaza tamin'ny 2005 – ho fety nasionaly iray. Fanitsiana natao tamin'ny Lalàna mifehy ny Asa Kyrgyz, izay milaza manomboka izao fa ny 24 martsa dia ho andro ofisialy hankalazaina toy ny Andron'ny Revolisionan-Bahoaka. Ratsy be ny fanehoankevitra avy amin'ny tontolom-bolongana Kyrgyz amin'ny ankapobeny.

Manoratra  tsikera hafahafa i Altaidan, manao resaka tsy loa-body mikasika an'ireo korontana nanaraka ilay revôlisiôna telo taona lasa izay [ru]:

Koa, rahoviana izany isika no hankalaza ny Andron'ny Marauding? Sosokevitro ny hoe manao lalàna vaovao ny filoha mba hahafahantsika mankalaza an'io ho andro tsy fiasana koa.

Manamarika i Greis [ru] fa:

Daty politika fotsiny io andro tsy fiasana io! Tsy hanaiky an'io ho andro tsy fiasana ny fiarahamonina!

Tena malahelo i Nessa_ly mahatsiaro ireo fihetsehampony avy amin'ilay korontana:

Hmm… tena mahatsikaiky maha-te-hitomany… taorian'ny revolisiona nizotra tamin-dranomaso tao an-tanàna aho.

Efa mikasika momba ireo hetsi-panoherana ihany, nanoratra lahatsoratra tsara be teo amin'ny vavahadin'ny blaogy Kloop i Bektour Iskender sy Anna Yalovkina, mikasika ilay hetsi-panoheran'ny fanentanana “Tsy Mino aho”  izay natao tamin'ny 17 Martsa tao Bishkek [ru].

Manohitra ireo valin'ny fifidianana parlemantera tamin'ny taona lasa ireo mpanao fantenanana,  nandritra ny efa volana maromaro sahady, ka mpandray anjara maro no voasambotra isaky ny mivoaka eny andalam-be izy ireo amin'izao fotoana izao, ary isaky ny manao hetsi-panoherana ry zareo dia entina any am-ponja ireo mpandray anjara.

Nandefa sary vitsiitsy mikasika ilay hetsi-panoherana ireo mpanoratra ary nanolotra tantara fohy avy tamin'ireny fanentanana ireny. Nohazavain’ny manamboninahitra milisy Taalaibek Shatmanov ny momba ny fitazonana am-ponja, hoetsy ara-dalàna ny fihetsiketsehana ary tsy ankasitrahan'ireo olompirenena izany.

Mirona mankany amin'ny fanekena an'ireo fisamborana ireo blaogera sasantsasany. I Seo manaiky [ru] fa:

Raha ny marina, izao no tena zava-misy – leo hetsi-panoherana ireo mponina ao an-tanàna.

Angamba, ho fanamafisana an'ireo teny ireo, manintona ny saina kokoa ireo lohahevitra hafa ao anatin'ny tontolon'ny bolongana kirghize. Tamin'ny herinandro lasa teo, nampiantrano ny Billiards Grand Prix Eurasia 2008 [ru] i Bishkek renivohitr'i Kyrgyzstan. na dia tsy tafita tamin'ny fifaninanana aza i Kanybek Sagynbaev, ilay tompondaka eran-tany, faly ireo vahoaka Kyrgyzstan nijery ny lalao:

“Tena faly aho fa natao teto amin'ny firenentsika ny karazana hetsika sahala amin'io ,” hoy i Svetofor_kg [ru].

Ankoatra izay, Nanomboka tao Bishkek ny Spring Fashion Week. Nampirantiranty ny karazan-damba landihazo avy ao amin'ireo mpampihaingo eo an-toerana ireo lasibika Kyrgyz mahafinaritra. Elena Skochilo, iray amin'ireo blaogera fantadaza indrindra ao amin'ny firenena, no naka sary tsara tarehy mikasika azy ireo.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.