Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tsunami: Tamberin'ny Bilaogy Maleziana Herintaona Taty Aoriana (2005)

(Marihana fa efa tamin'ny volana Desambra taona 2005 ny lahatsoratra teny Anglisy)

Ho fahatsiarovana ny Tsunami izay nitranga tao Pasifika Azia tamin'ny taona 2004, nametraka lahatsoratra fahatsiarovana ireo bilaogera manerana izao tontolo izao.

MickZul nanokana bilaogy ho an'ireo namoy ny ainy ary mivavaka ho an'ireo izay velona mba hiaina fiainana tsaratsara kokoa ary na dia mbola mahatsapa fanaintainana aza i Chan Lilian, dia nanapa-kevitra hametraka ny lahatsorany nohavaozina momba ny zavatra niainany tany Penang nandritra ny tsunami izy. Nampahatsiahy ny tranga i Lucia Lai, izay avy any Penang ihany koa ary nahatsiaro faly fa anisan'ireo ONG  nanavotra ireo niharam-boina izy, raha nivavaka mangina ho an'ny maty sy ny velona kosa ny bilaogera iray hafa.

Averina indray, satria miresaka taona iray isika, afaka mahatsapa i alvinyv fa maro amintsika no mihevitra fa mety tsy afaka manao izay azontsika atao mba hanampiana ireo sisa velona tamin'io loza io isika. Marina tokoa ny milaza fa, mbola tsy tara loatra ny manome sy manampy. Saingy, satria tsy nozaraina araka ny tokony izy ny ankamaroan'ny fanomezana, ary vitsy no nomena an'ireo niharam-boina, niova ny fahatokisana sy ny finoana ireo fikambanana mpanao asa soa. Mampalahelo kanefa tena marina.

Jamloceng nanolo-kevitra tamin'ny fampiasana “solosaina mifampitohy” na solosaina an-tambajotra izay tena zava-dehibe amin'ny fandehanan'ny Linux ho -rafitra fanairana mialoha. Mihevitra ity bilaogera ity fa amin'ny alàlan'ny famoronana rafitra open source iray, hijery ity kaody ity amin'ny fomba matotra kokoa ireo firenena voakasika satria mahakasika ny fiainan'izy ireo izany, ary zava-dehibe ny fizarana vaovao eo amin'ny firenena mba hamoronana rafitra manondro kokoa ny marina.

Ny tsara lazaina dia hoe, ny maodelim-pifandraisana novolavolain'ny bilaogy nandritra ny tsunami no nametraka fenitra fitantaran'ny tranonkala ireo loza mifanesy.

Andeha hivavaka mba tsy hitranga intsony ny zavatra tahaka izao ary manantena fa afaka hahita fiadanana ireo voakasik'ity loza ity. Miss Muffin kosa nanoratra tononkalo ho an'ny fanahin'ireo nandao antsika, ireo nentin'ny onja mpamono olona sy nampahatsiahy fa tsara vintana isika.

You may have left us, but you will be remembered
You may have been abandoned, but you will still be deeply loved.
Your soul will be prayed for, your courage will be honoured.
You cry to no one, yet your loved ones cry out to you.

You gave up your precious life, so that someone else could lived
You braved your only life, so that someone else could be saved
Your soul will be remembered, your name will be spoken of.
You bow to no one, not even the killer waves of nature

Your endurance is our admiration , Your sacrifice touches our hearts
Your bravery belittles the waves, Your strength lets the living lives.

Gone you may be, but forgotten you are not.

Mety hoe nandao anay ianao, saingy ho tsaroana ianao
Mety hoe nilaozana ianao, saingy mbola hotiavina lalina.
Hotsaroana am-bavaka ny fanahinao, hahazo voninahitra ny herim-ponao.
Tsy mitomany na ho an'iza ianao na ho an'iza, fa mitomany anao ny olon-tianao

Nafoinao ny fiainanao sarobidy, mba hahafahan'ny olon-kafa hiaina
Nahafoy ny fiainanao tokana ianao, mba ho voavonjy ny olon-kafa
Hotsaroana ny fanahinao, ho antsoina ny anaranao.
Tsy misy ny mampiondrika anao, na dia ny natiora manao andiany mamono olona aza.

Fideranay ny fiaretanao, manohina ny fonay ny fisoronantena nataonao
Mahakely ny onja ny herimponao, mamela ny zavamiaina ho velona ny herinao.

Mety maty ianao, saingy tsy ho adinoina.

Ah, mbola misy ny fanantenana!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.