Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Iran: Nivoaka Ny Efitra Ireo Diplaomaty Nandritra Ny Kabarin'i Ahmadinejad

(Marihana fa efa nivoaka tamin'ny volana Aprily taona 2009 ny lahatsoratra tamin'ny teny Anglisy)

Nipoitra tamin'ny lohatenim-baovao lehibe indray ny filoham-pirenena Iraniana Mahmoud Ahmadinejad androany, raha nanondro an'i Isiraely ho “fanjakana mpanavakavaka” tamin'ny kabariny nandritra ny fihaonamben'ny Firenena Mikambana momba ny fanavakavahana tany Genève, Soisa. Nivoaka ny efitra ireo solontena avy amin'ny firenena Eoropeana maromaro ho fanoherana ny fanamarihan'i Ahmadinejad.

Namoaka ity lahatsary manaraka mampiseho ny fivoahan'ireo diplaomaty i Jomhour :

Nanao fampitahana teo amin'ity tranga ity sy ny kabary nataon'ny filoha Iraniana tao amin'ny Onivesiten'i Kolombia tany New York tamin'ny taona 2007 ireo mpaneho hevitra.

Nilaza i Ghommar fa afa-baraka indray teo anoloan'ny fiarahamonina manerantany noho ny filohan'izy ireo ny Iraniana. Hoy izy raha nanoratra:

رئیس‌جمهوری که در کشورش هر روزه شاهد نقض گسترده‌ی حقوق‌بشر هستیم …زنان از کوچک‌ترین حقوق انسانی که لباس پوشیدن است محروم هستند و در زندان‌های آن پر از زندانبان عقیدتی و سیاسی است..، خیلی خنده‌دار و تلخ است که در سازمان ملل از نژادپرستی و نقض حقوق‌بشر در کشورهای دیگر حرفی بزند

Zavatra tena mahatsikaiky sy maharikoriko izany hoe filoha ao amin'ny fireneny manokana miatrika fanitsakitsahana ny zon'olombelona marobe… izay tsy manana zo fototra indrindra tahaka ny [misafidy] ny fitafian'ny vehivavy, ary feno gadra politika sy ara-poto-kevitra ny fonja … kanefa miresaka momba ny fanavakavaham-bolonkoditra sy ny fanitsakitsahana ny zon'olombelona any amin'ny firenena hafa ao amin'ny Firenena Mikambana.

Nilaza i Zarehbin fa ny zava-misy tamin'ny fialan'ireo delegasiona samihafa nandritra ny fihaonambe dia mampiseho fa tena hankahalaina eto amin'izao tontolo izao i Iran. “Tena firenena mahantra isika, manana ity jiolahimboto [Ahmadinejad] ity ho filohantsika… raha misy fitondrana manasazy ny Bahai sy ny [fiarahamonina] hafa ao Iran, ahoana no hanohanana ny zon'ny Palestiniana.”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.